23 Korrik 2019

Duhet ndalur Thaçi që të shpëtojë Kosova

Prishtinë, 10 korrik - Lëvizja Vetëvendosje! shumë herë ka paralajmëruar se po përgatiten plane të fshehta për Republikën e Kosovën dhe se Presidenti ka plan ndarjen e Kosovës përmes pazareve me Vuçiqin.

Në konferencën e sotme deputeti Rexhep Selimi foli në lidhje me incizimet e publikuara mbrëmë ku dëgjohet Kryeminstri i Maqedonisë së Veriut Zoran Zaev teksa flet për planet e fshehta Thaçi-Vuçiq për ndarje të Kosovës.

“Në këto biseda të bëra në vjeshtën e vitit 2018 dhe në fillim të vitit 2019, Zaev shpreh shqetësimin e drejtpërdrejtë se presidenti i Kosovës, përmes planit për copëtim të Kosovës e ndryshim të kufijve, po vepron sipas skenarit të Moskës”, tha Rexhep Selimi.

Pavarësisht se ka me dhjetra vendime e veprime të Thaçit në dëm të Kosovës ajo që u dëgjua mbrëmë nga kryeministri maqedonas Zaev, është tejet shqetësuese. Thaçi duke mashtruar popullin e Kosovës, duke bërë marrëveshje të fshehta, duke i ndërruar fjalët, po vazhdon të shtyjë përpara planin e Moskës për Kosovën.

Vendimi i Gjykatës Kushtetuese fatmirësisht e ndal shprehimisht Thaçin prej vazhdimit të një dialogu të tillë, por duket se kjo nuk do të mjaftojë. Këtë njeri duhet ta ndalim që të shpëtojë Kosova. Një njeri i shantazhuar me dosje të reja e të vjetra nga Serbia nuk mund ta përfaqësojë Kosovën në raport me Serbinë.

Thaçi në relacion me Serbinë ka edhe konflikt interesi. Si i shantazhuar nga Serbia ai po vepron në interes të Serbise, edhe nëse eventualisht nuk do ta deshironte një gjë të tillë. Prandaj atij duhet t’i ndalohej ta përfaqësonte Kosovën, aq më tepër në raport me Serbinë.

Ekzistojnë kushtet që planet e Thacit me qarqet serbo-ruse të metastazojnë aq më tepër kur tash në Kosovë kemi një qeveri të paaftë dhe të korruptuar dhe kur Parlamenti ka dalë jashtë funksionit dhe praktikisht nuk ekziston.

Ne nuk presim dorëheqje nga Thaçi. Ai nuk jep dorëheqje as kur kapet në skandale, as kur kapet në shkelje të Kushtetutës e as kur kapet në tradheti ndaj interesave kombëtare. Njerëz të tillë që kanë në plan këso pazare nuk japin dorëheqje asnjëherë. Tash kur botërisht ai po njihet si njeri i Rusisë Kosova nuk e ka luksin të mbajë në krye një njeri të tillë. Zgjedhjet e menjëhershme janë porta drejtë zgjidhjes.

Ne i bëjmë thirrje forcave politike që sa më parë të çojmë vendin në zgjedhje prej nga do të krijoheshin kushtet që ky president të largohej. Sa më parë që të shkojmë në zgjedhje aq më mirë për Kosovën ndaj së cilës tashmë ka plane të këqija e të fshehta. Kosovës i duhet një Kuvend tjetër dhe një tjetër qeveri që do ta merrte përsipër mbrojtjen e vendit nga planet serbo-ruse të Thaçit dhe që do të hetonte veprimtarinë e tij anti-shtetërore.
  

Kalendari

Ngjarjet e datës 23 korrik 2019 - Mbahet ceremonia e nënshkrimit të momerandumit të bashkpunimit mes Komunës së Lipjanit dhe Organizatës “Qatar Charity”. (Komuna e Lipjanit, Zyra e Kryetarit, ora 9:30​)

- Komisioni Hetimor Parlamentar në lidhje me gjendjen në PTK dhe Vala interviston  Sebaudin Ramaxhiku, Zyrtar Ligjor në Telekom dhe Arben Hlili, Shef i Kontabilitetit Departamenti i Financave në Telekom. (Ndërtesa e Kuvendit, salla N 303, ora 10:00)

- Kryetari i Komunës së Prizrenit, Mytaher Haskuka do të merr pjesë në shpërndarjen e lopëve qumështore, për përfituesit nga thirrja e hapur nga Drejtoria e Bujqësisë dhe Zhvillimit Rural. (Tregun i Kafshëve, rruga e tranzitit, Arbanë, ora 11:30 - Nisja do të bëhet nga Shtëpia e Bardhë, ora 11:00)

- Partnerët implementues OJQ Dera e Hapur dhe OJQ SOZM organizojnë panairin e Artizanateve dhe Trashëgimisë Kulturore në Prishtinë. (Sheshi “Adem Jashari” në Prishtinë, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Raportit të Punës së Komisionit për sesionin pranveror 2019. (Ndërtesa e Kuvendit, salla N 302, ora 11:00)

- Nën përkujdesjen e Kryetarit, Lutfi Haziri, bëhet promovimi i librit “Le secret de Blerim et autres fictions - Sekreti i Blerinit dhe proza të tjera” i autorit Jean Yves Carlen. (Salla e Kuvendit Komunal në Gjilan, ora 12:00)

- Grupi i Aktivistëve organizojnë marshin protestues kundër racizmit për të kërkuar përgjegjësi para Këshillit Prokurorial të Kosovës. (Sheshi "Skënderbeu", ora 12:00)

- Lëvizja Vetëvendosje mban konferencë për media në të cilën flasin nënkryetari Besnik Bislimi dhe Drejtuesi i Grupit Parlamentar Glauk Konjufca. (Zyrët e Vetëvendosjes, ora 13:00)

- Ministri i Mjedisit dhe Planifikimit Hapësinor, do të vizitojë Gjilanin, ku me kryetarin e komunës, Lutfi Haziri do të nënshkruajnë memorandume të bashkëpunimit për financimin e projekteve në fushën e mjedisit në këtë komunë. (Ndërtesa e Komunës së Gjilanit, ora 14:00)

- Ministria e Tregtisë dhe Industrisë mban seminar te Biznesit Ndërkombëtar për Zhvillimin e Zonës Industriale të Re në Drenas në të cilën do të merr pjesë edhe ministri i Tregtisë dhe Industrisë, Endrit Shala. (Swiss Diamond Hotel, ora 14:30)