29 Mars 2024

Diskutohet përgjegjësia je shtetit në sigurimin e mbrojtjes të drejtave të njeriut

Prishtinë, 21 mars - Institucioni i Avokatit te Popullit, në bashkëpunim me Ambasadën e Shteteve të Bashkuara te Amerikës dhe Shoqërinë Kosovare për të Drejtat e Njeriut dhe Drejtësi organizon tryezën e diskutimit me temën “Përgjegjësia juridike e shtetit në sigurimin e mbrojtjes efektive të të drejtave të njeriut”.

Institucioni i Avokatit të Popullit, me 6 mars 2018, ka publikuar Raportin Ex officio në lidhje me zgjidhjen efektive të zvarritjeve të procedurës gjyqësore - shkelja e së drejtës për gjykim brenda një afati të arsyeshëm, në të cilin është rekomanduar ndërmarrja e nismës legjislative për propozimin e ligjit për mbrojtjen e të drejtës për gjykim brenda një afati të arsyeshëm kohor, me të cilin do të përcaktoheshin mjetet efektive juridike për rastet që kanë të bëjnë me zvarritjen e procedurave gjyqësore, në pajtim me instrumentet ndërkombëtare për të drejtat dhe liritë e njeriut.   

Kjo tryezë ka për qëllim diskutimin me palët e interesit rreth rregullimit të përgjegjësisë juridike të shtetit, si detyrim kushtetues i cili buron nga detyrimet pozitive të shtetit, si dhe rreth nevojës për ndërmarrjen e nismës legjislative që do siguronte përgjegjësinë juridike të shtetit në shërbim të mbrojtjes efektive të të drejtave të njeriut, si dhe rritjes së nivelit të llogaridhënies së shtetit ndaj qytetarëve.   
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)