12 Gusht 2020

Deputetët e papërgjegjëshem, mungojn në seancat plenare

Prishtinë, 9 qershor - Instituti Demokratik i Kosovës (KDI), ka publikuar raportin mujor nga monitorimi i Kuvendit të Kosovës ku janë paraqitur të gjeturat për muajin maj. Ndër çështjet kryesore që trajtohen në raport janë Ligji për të Drejtat dhe Përgjegjësitë e Deputetëve, mosgatishmëria e Qeverisë për t’i implementuar e obligimeve të Kuvendit, papërgjegjësia e deputetëve për të marr pjesë në seancat plenare dhe në komisione, etj.

Sa i përket Ligjit për të Drejtat dhe Përgjegjësitë e Deputetëve, KDI kundërshton fuqishëm nenin 22 që i njeh të drejtën e deputetëve për pensionim suplementar qysh në moshën 50 vjeçare. Në konferencën për media, Driton Selmanaj nga KDI ka vlerësuar se ky nen nuk është në harmoni me gjendjen ekonomike dhe sociale në vend, madje është fyes për kategoritë tjera të të punësuarve në vend dhe kërkon mbështetje, në mënyrë që ky ligj të pengohet së hyri në fuqi.

“Kërkojmë nga Presidenti i vendit të mos e dekretoj këtë ligj, si dhe kërkojmë nga organizatat tjera joqeveritare që të na mbështesin në këtë kërkesë”, ka thënë Selmanaj, ndërkohë ka shtuar se nëse sot do të shpërbëhej Kuvendi, atëherë 50 % e deputetëve do të dalin në pension. Ai ka propozuar që mosha e daljes në pension të jetë më e lartë, pasi sipas tij, përveç Belgjikës që parasheh moshën 55 vjeçare, shtetet tjera e kanë edhe më të lartë.

Një çështje tjetër që diskutohet në raport është ka qenë  edhe mosgatishmëria  e Qeverisë për të ndërmarr veprime dhe masa konkrete që dalin nga Kuvendi, siç është rasti me debatin që e pati kërkuar LDD lidhur me cenimin e integritetit dhe sovranitetit shtetërorë me rastin e mbajtjes së zgjedhjeve serbe në Kosovë, ku Kuvendi nxori një qëndrim, që Qeveria t’i ndaloj ato zgjedhje, si dhe raste të tjera të Kuvendit, ku Qeveria nuk i ka marr parasysh.    

Papërgjegjësia e deputetëve për të marr pjesë në seancat plenare dhe komisionet parlamentare, ka qenë një e gjetur tjetër në Kuvend, që është ngritur nga KDI. Sipas Selmanajt, gjatë muajit maj kanë dështuar disa komisione për shkak të mungesës së kuorumit, po ashtu edhe mungesat e tyre në seanca plenare, me ç’rast po ndikon në zvarritjen e nxjerrjes së dokumenteve të rëndësishme për vendin.

Në raport është evidentuar edhe mungesa e harmonizimit të qëndrimeve ndërmjet legjislativit dhe ekzekutivit, por edhe e komisioneve parlamentare, ka ndikuar që Kuvendi të mos e miraton kredinë e IDA-s për Qeverinë e vendit. 

Gjatë prezantimit të raportit, Selmanaj ka përmendur edhe vërejtje të tjera. Ai ka potencuar rastin me Ministrin e Ambientit dhe Planifikimit Hapësinor, i cili gjatë prezantimit të Projektligjit për Mbrojtjen e Natyrës, ai prezantoi një version tjetër nga ai që iu kishte dhënë deputetëve. 

Në konferencë janë paraqitur edhe të gjetura tjera, të cilat janë paraqitur në raport. 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)