21 Prill 2021

Daci: Koalicioni qeverisës e ka sjell vendin në pikën më të zezë

Prishtinë, 5 - Kryetari i Lidhjes Demokratike të Dardanisë, Nexhat Daci ka vlerësuar se Koalicioni qeverisës e ka sjell vendin në pikën më të zezë, se Kosova gjithnjë e më shumë po tkurret dhe zhvatet.

“Kosova po zvogëlohet, po tkurret për çdo ditë. Për këtë nuk qan kokën asnjë nga institucionet e Kosovës. Ky koalicion i qeverisjes e ka sjell Kosovën në pikën e saj më të zezë, shumë më të zezë se sa në kohën ë protektoratit. Bile bile na e ka humb krenarinë që e kemi pas edhe në kohën e okupimit klasik të Kosovës”, tha kryetari Daci në mbledhjen e Kryesisë së degës së LDD-së në Gjilan.

Kryetari Daci the se LDD është në një reformë të thellë, dhe se fjalën reforme po e përmend në Gjilan për shumë arsye. Ai ka vlerësuar së Konventa e LDD-së ka rritur rezultat të plotë.

“Reforma është një proces i cili nuk ndërpritet kurrë dhe në LDD ka kuptimin se 1/3 e Kryesisë së re janë njerëz që janë për herë të Parë në Kryesinë Qendrore dhe Kryesitë e Degëve. Kjo me qëllim për tu përshtatur synimeve që e presin LDD-në dhe që të jep një kontribut shumë proaktiv në rrjedhat politike në Kosovë”, tha akademik Daci.

Ai informoi se gjatë këtij muaji do të përfundon procesin e saj zgjedhor në plotëni. Me 12 qershor është konventa e Forumit Rinor të LDD-së dhe me 19. qershor është konventa e Forumit të Gruas së LDD-së. Me këto LDD kompletohet në tërësi për ti pri një procesi të rëndësishëm politik.

Akademik Daci vlerësoi se kufijtë e Kosovës  janë të  hapur dhe të pa kontrolluar. Dogana është e cenuar dhe po vazhdon me ndarjen e Kosovës për nga brenda.

“Zgjedhjet e fundit të Serbisë në Kosovë, pasi që Serbia nuk ka mbajtur zgjedhje vetëm në veriun e Kosovës, zgjedhjet janë mbajtura disa kilometra larg Gjilanit. Kjo qeverisje PDK – LDK do të në bënë qiraxhi në vendin tonë . Me shitjen e pasurive dhe begative natyrore , të cilat për shekuj janë ruajtur në mënyrë tërësisht të shfrenuar”.

Ai tha se po fitohet përshtypja se kjo qeverisje mendon me ikë në ndonjë azil, pasi qe ne botë nuk ka vend, ndoshta në stratosferë ose në mars.

“Sikur me i pas minutat e numëruar vrapojnë që sa më shpejtë çdo gjë që ka ta tjetërsoj dhe fare nuk iu mirëqenia e qytetarëve të Kosovës”. 

Daci tha se të gjitha analizat e profesionistëve të ekonomisë, institucioneve relevante ndërkombëtarë tregojnë që në Kosovë rritet papunësia, shtohet varfëria dhe për këtë askush nuk e qanë kryet. Paria e Kosovës nuk ka kohë që të merret me problemet e vendit. Merren me problemet e veta.

” Kjo qeverisje emërues të përbashkët e ka krimin e organizuar ekonomik dhe zhvatjen e çdo mundësie të pasurive kombëtare. Ngutja e dhënies më qira të Aeroportit të Prishtinës e tregon fytyrën e vërtet .

Tash nguten që sa më shpejtë që PTK e Kosovës ta tjetërsojnë, ta zhvate kjo qeverisje. Dhe në këtë periudhë PTK buxhetit të Kosovës i ka dhënë 280 milion euro”.

“ LDD nuk është kundër privatizimit por në tërë fuqinë është kundër privatizimit të tillë, siç ka ngjarë dhe po ngjet. Ekspertët nga radhët e LDD-së dhe instituteve kosovare vlerësojnë se nuk është koha për privatizim e pasurisë kombëtare të Kosovës. Është koha kur partitë politikë që nuk janë në qeverisje, mediat, shoqëria civile duhet të ngritin zërin e alarmit”, vlerësoi akademik Daci.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)