26 Janar 2021

D+ kërkon rol aktiv të Kuvendit në ushtrimin e funksioneve të veta kushtetuese

Prishtinë, 9 prill - Demokracia Plus ka njoftuar se përkundër që qeveria ka humbur besimin e Kuvendit, të shprehur përmes votimit të mocionit të mosbesimit ajo mbetet në detyrë deri në zgjedhjen e qeverisë së re për të ushtruar të gjitha funksionet vitale të ekzekutivit.

Një qeveri në detyrë sipas D+, nuk duhet kuptuar si ndërprerje të kontaktit me Kuvendin dhe shkëputje të zinxhirit llogaridhënës.

"Kuvendi duhet të jetë mirë i informuar me veprimet e qeverisë dhe sidomos me masat të cilat po ndërmerren për të frenuar përhapjen e pandemisë COVID-19, por dhe lehtësirat tjera ekonomike që kanë për qëllim t’u dalin në ndihmë qytetarëve dhe bizneseve të prekura.

"Ne jemi të vetëdijshëm që Kuvendi nuk mund të ushtrojë të gjitha funksionet e tij në mënyrë normale, dhe sa aktivitete e tij do të reduktohen ndjeshëm gjatë pandemisë për të respektuar masat e ndërmarra", thekson D+.   

Megjithëkëtë, Kuvendi sipas " D+ nuk mund të abstenojë krejtësisht nga ushtrimi i rolit dhe detyrimeve të tij kushtetuese.

Në këtë drejtim, organizata Demokraci Plus, kërkon nga Kuvendi i Kosovës që të ketë rol aktiv në mbikëqyrjen e qeverisë, dhe të ofrojë një ambient ku të gjitha partitë politike do të mund të ofronin alternativat e tyre për t’ia dal mbanë me pandeminë.

Kuvendi, si institucion me legjitimitet të plotë demokratik dhe i vetmi në nivel qendrorë i zgjedhur drejtpërdrejtë nga qytetarët, duhet të jetë në shërbim të qytetarëve të vet dhe t’u dal në ndihmë atyre në këtë kohë të vështirë

Me qëllim që Kuvendi të ketë rol aktiv, Demokraci Plus, rekomandon që:
  
Kuvendi i Kosovës të themelojë një komision ad-hoc për të mbikëqyrë masat e ndërmarra nga qeveria gjatë kohës së pandemisë COVID-19. Ky komision mund të mbulojë çështjet nga fusha e shëndetësisë, ekonomisë e financave, si dhe të drejtat e njeriut.
  
Të mbahen takime të rregullta përmes platformave në internet ndërmjet qeverisë dhe parlamentit.
  
Të shikohet mundësia e ndryshimit të legjislacionit që lejon mbajtjen e mbledhjeve me korrespodencë. Përkundër kësaj, komisionet parlamentare mund të mbajnë takime online me ministrat, me qëllim të marrjes së më shumë informatave, pasi në këto lloj të takimeve nuk kërkohet votim. 

Me qëllim të përmbushjes së rolit përfaqësues, deputetët të zhvillojnë takime online me qytetarët për të kuptuar më mirë nevojat dhe kërkesat e tyre.  

Demokraci Plus shprehet e gatshme që të gjitha kapacitetet e saj, t’i vejë në dispozicion të Kuvendit për përmbushjen e këtyre rekomandimeve. 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)