01 Dhjetor 2022

BE dhe Kosova mbajtën Grupin e 12-të Special për Reformën e Administratës Publike

Prishtinë, 29 shtator - Takimi i 12-të i Grupit të Veçantë për Reformën e Administratës Publike (RAP) ndërmjet BE-së dhe Kosovës u mbajt më 27 shtator 2022. Takimi u hap nga Xhelal Sveçla, Ministër i Punëve të Brendshme, Elbert Krasniqi, Ministër i Administratës së Pushtetit Lokal, Resul Makreshi, Zëvendësministër i Financave, Punës dhe Transfereve, znj. Rozeta Hajdari, Ministre e Industrisë, Ndërmarrësisë dhe Tregtisë, Blerim Sallahu, Zëvendës Ministër i Drejtësisë, znj. Kaltrina Zeka, Shefe e Kabinetit të Zëvendëskryeministrit.

Takimi u kryesua nga Ministri i Punëve të Brendshme, Xhelal Sveçla, dhe u bashkë-kryesua nga z. Vassilis Maragos, Shef i Njësisë për Bosnjë-Hercegovinë dhe Kosovë, Drejtoria e Përgjithshme për Fqinjësi dhe Negociata për Zgjerimin e Komisionit Evropian (DG NEAR).

Në përputhje me raportin e Komisionit Evropian të vitit 2021, takimi u fokusua në planet dhe progresin e autoriteteve drejtë sigurimit të një shërbimi civil profesional, me organizim më të përgjegjshëm dhe siguri më të lartë juridike në ofrimin e shërbimeve ndaj qytetarëve dhe bizneseve.

Komisioni Europian, në veçanti, pranoi dhe mirëpriti angazhimin e qeverisë në ndërmarrjen e hapave kyç dhe pozitivë për racionalizimin e agjencive, si dhe synimin për përmirësimin e shërbimeve duke miratuar një program reformash gjithëpërfshirëse për parandalimin dhe zvogëlimin e barrës administrative dhe miratimit të grupit të parë të ligjeve të veçanta të harmonizuara me Ligjin për Procedurën e Përgjithshme Administrative në mënyrë që të sigurohet siguria juridike.

Kosova është e përkushtuar që të vazhdojë përpjekjet për zbatimin e zvogëlimit të barrës administrative, racionalizimin e agjencive dhe harmonizimin e ligjeve të veçanta.

Sa i përket reformave për një administratë publike më të përgjegjshme, Komisioni Evropian vuri në dukje hapat kyç pozitivë të ndërmarrë me miratimin e valës së parë të racionalizimit të agjencive dhe theksoi nevojën për vazhdimin e reformave të mëtejshme të linjave të llogaridhënies, duke finalizuar organizimin e brendshëm të ministrive dhe ministrive dhe agjencive dhe përmirësimin e performancës së tyre.

Sa i përket strategjisë për administratën publike, Komisioni Evropian inkurajoi miratimin dhe zbatimin e Strategjisë së re për Reformën e Administratës Publike 2022-2026, dhe u bëri thirrje autoriteteve të përmirësojnë kapacitetet për drejtimin e reformave. Kosova u zotua për zbatimin e strategjisë dhe arritjen e caqeve sipas planit.

Sa i përket zhvillimit dhe koordinimit të politikave, Komisioni Evropian theksoi nevojën për të vazhduar me zbatimin e kornizës për planifikimin strategjik, dhe drejtim më të mirë të sistemit të politikë bërjes nga qendra e qeverisë për të siguruar një sistem të integruar të planifikimit dhe për të siguruar politika koherente të qëndrueshme dhe objektiva me kohëzgjatje afatmesme dhe afatshkurtër.

Sa i përket reformës në shërbimin civil, Komisioni Evropian kërkoi përshpejtimin e organizimit të rekrutimit të centralizuar të shërbimit civil, ndërkohë që finalizohet klasifikimi dhe organizimi i vendeve të punës, të nevojshme për të ofruar një rekrutim të bazuar në merita, vlerësim të performancës dhe shpërblim transparent.

Komisioni theksoi, dhe Kosova u pajtua, nevojën e ndryshimit të Ligjit për zyrtarët publikë në përputhje me vendimin e Gjykatës Kushtetuese dhe në përputhje me parimet e administratës publike (meritokracia, transparenca, efektiviteti dhe llogaridhënia).

Kosova gjithashtu u zotua që Projektligji për Paga të vendos një sistem uniform të pagave në sektorin publik, me qëllim të zbatimit të parimit të ligjshmërisë, transparencës, parashikueshmërisë, barazisë dhe mos-diskriminimit.

Kosova dhe Komisioni Evropian ranë dakord për rritjen e mëtejshme të bashkëpunimit, përfshirë nivelin teknik, në mënyrë që reformat e ndërmarra të zbatohen plotësisht sa më shpejt të jetë e mundur.
 

Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Ministrja e Drejtësisë, Albulena Haxhiu zhvillon një vizitë në Agjencinë për Ndihmë Juridike Falas. (Objekti i Agjencisë, ora 13:00) 

- Forumi i Gruas i LDK-së mban konferencë për medie. Tema e konferencës është vrasjet e grave dhe nevoja urgjente për reagim institucional e shtetëror. (Selia qendrore e LDK-së, ora 13:00)

- Partia Demokratike e Kosovës mban sot konferencë për media. (Selia Qendrore e PDK-së, ora 14:00)

- Ministrja e Drejtësisë, Albulena Haxhiu zhvillon një vizitë në Strehimoren në Prizren. (Strehimorja në Prizren, ora 14:30)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)