17 Shtator 2019

BE dhe Kosova dakordohen për Agjendën Evropiane të Reformave

Prishtinë, 14 qershor - Zyrtarët nga Kosova dhe Bashkimi Evropian u takuan në Prishtinë për të diskutuar zhvillimet gjatë vitit të kaluar në fushat e drejtësisë, lirisë dhe sigurisë. Diskutimi u mbajt në kuadër të Marrëveshjes së Stabilizim Asociimit (MSA), e cila hyri në fuqi në prill 2016.

Gjatë takimit dyditor zyrtarët shkëmbyen pikëpamje për fusha të ndryshme që lidhen me sundimin e ligjit, të drejtat e njeriut dhe çështjet e brendshme.

Bashkimi Evropian dhe Kosova ranë dakord mbi rëndësinë e zbatimit të prioriteteve në të gjitha fushat e përfshira në Agjendën Evropiane të Reformave dhe rekomandimeve të Raportit të Komisionit Evropian për Kosovën 2019.

Sa i përket të drejtave të njeriut dhe lirive themelore, Avokati i Popullit e paraqiti situatën e përgjithshme në Kosovë dhe përfaqësuesit diskutuan koordinimin e mekanizmave ekzistues të të drejtave të njeriut, mbrojtjen e të dhënave dhe qasjen në dokumente publike, lirinë e shprehjes, dhunën në familje dhe të drejtat pronësore.

Po ashtu u diskutua edhe për gjendjen e komuniteteve pakicë, përfshi zbatimin e ligjit për përdorimin e gjuhëve, funksionimin e Zyrës për Çështje të Komuniteteve dhe Këshillit Konsultativ për Komunitete dhe integrimin e komunitetit rom dhe ashkali.

Të dy palët gjithashtu diskutuan nevojën për drejtësi tranzicionale, marrjen me të kaluarën dhe sqarimin e vendndodhjes së personave të zhdukur nga konflikti.

Autoritetet e Kosovës njoftuan BE-në për përpjekjet e tyre në reforma, përfshi iniciativën "Drejtësia 2020" dhe "Rishikimin funksional të sektorit të sundimit të ligjit". Të dy palët gjithashtu diskutuan për shtrirjen e mëtejshme të sistemit elektronik të menaxhimit të rasteve dhe regjistrin e centralizuar të evidencës penale.

Sa i përket anti-korrupsionit, u diskutuan disa zhvillimeve ligjvënëse. BE përshëndeti miratimin e Kodit të ri Penal.

 Të dy palët u pajtuan që zbatimi i plotë i të gjithë legjislacionit të ri në fushën e sundimit të ligjit do të jetë vendimtar. BE-ja u bëri thirrje autoriteteve të Kosovës që të vazhdojnë punën dhe të miratojnë Kodin e rishikuar të Procedurës Penale si dhe ligjet tjera që lidhen me luftën kundër korrupsionit. BE theksoi se projektligji për financimin e partive politike duhet të jetë në përputhje me rekomandimet e Komisionit të Venedikut.

Në fushën e Punëve të Brendshme dhe në luftën kundër krimit të organizuar, u shkëmbyen pikëpamje për migracionin, azilin dhe riatdhesimit, reformën e policisë, luftën kundër narkotikëve dhe terrorizmit dhe parandalimin e radikalizimit.

Të dy palët u pajtuan që zbatimi i plotë i të gjitha strategjive në këto fusha është qenësor.

BE-ja përshëndeti përparimin në fushat e migracionit, azilit dhe luftës kundër terrorizmit.

Palët diskutuan rëndësinë e bashkëpunimit ndërkombëtar policor. Autoritetet e Kosovës theksuan rëndësinë e nënshkrimit të marrëveshjeve të punës me Europolin.

Palët diskutuan më tej nevojën për të forcuar përpjekjet dhe kapacitetet për të luftuar krimin, veçanërisht krimin kibernetik, drogën dhe krimin e organizuar, duke përfshirë edhe rritjen e numrit të konfiskimeve përfundimtare.

Gjithashtu u diskutuan edhe aspektet lidhur me liberalizimin e vizave. Komisioni konfirmoi vlerësimin nga korriku 2018, duke deklaruar se Kosova ka përmbushur të gjitha standardet për liberalizimin e vizave.

Në mars të vitit 2019, Parlamenti Evropian mbështeti propozimin e Komisionit për liberalizimin e vizave në leximin e parë. Propozimi është në pritje në Këshill.
 

Kalendari

Ngjarjet e datës 17 shtator 2019 - Mbahet dita e dytë e  konferencës më të madhe për zhvillimin e qëndrueshëm në rajon më temë 'Energjia për tv ardhmen'. (Hotel Emerald, ora 9:30)

- Komuna e Gjilanit bën homazhe në 20-vjetorin e rivarrimit të dëshmorëve të kombit. (Kodra e Dëshmorëve në Gjilan, 10:00)

- Komuna e Rahovecit mban mbledhjen e nëntë te rregullt te Komiteti për Politik dhe Financa. (Rahovec, ora 10:00) 

- Me rastin e vdekjes së veprimtarit të shquar romë, Nexhip Menekshe do të mbahet mbledhje komemorative për të kujtuar veprimtarin e pasur të së ndjerit si: dramaturg, gazetar, poet dhe arsimtar të gjuhës rome. (Shtepia e Kulturës “Xhemajli Berisha” në Prizren, ora 11:00)

-  Lëvizja Fol organizon diskutimin e radhës në kuadër të Forumit Fol Hapur me kandidatin e Vetëvendosjes për Kryeministër, Albin Kurti. (Zyrat e Lëvizjes FOL,  ora 11:00)

- Ambasada Hungareze në Prishtinë bën prezantimin e programit për Javët e Kulturës Hungareze, të shoqëruar me nga një gotë verë, dhe biseda joformale me gazetarët. (Ambasada e Hungarisë, rr. Arben Xheladini 157 në Prishtinë, ora: 13:30)

- Kandidatja e LDK-së për Kryeministre, Dr. Vjosa Osmani, viziton këto biznese në Suharekë: Fabrikën për prodhim këpucësh “Solid”, Kompaninë “Seti Comerc”, Fabrikën e mobilieve “Te Naseri” dhe Fabrikën e pijeve “Frutex”. (Suharekë, ora 14:00)

- Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotim për zgjedhjet e parakohshme për Kuvendin e Republikës së Kosovës që do të mbahen më 6 tetor 2019. (Ndërtesa e KQZ-së, kati 4, ora 16:00)  

- Komuna e Gjilanit shënonë 20-vjetorin e rivarrimit të dëshmorëve të kombit. (Teatri i qytetit në Gjilan, 16:00)

- Mbahet tubimi promovues për kandidatët e parlamentit të Kosovës të Nismës Socialdemokrate në Lipjan. (Salla e Shtëpisë së Kulturës “Tahir Sinani” në Lipjan, ora 18:00)

- Kandidatja e LDK-së për Kryeministre, Dr. Vjosa Osmani mban takim me grupin e OJQ-ve në Gjakovë. (Hotel Çarisha e Jupave. ora 18:30)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e Gjakovës. (Qarshia e vjetër, Loma e Drithit, ora 19:00)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e fshatit Ratkoc. (shkollën fillore e fshatit Ratkoc, ora 20:30)