Bashkëpunimi Kosovë-Turqi do të vazhdojë edhe në të ardhmen
Me këtë rast, ministri Demolli ka pranuar urimet nga ambasadori Ynler, për zgjedhjen e tij në postin e ri dhe ka marrë zotimin e Ambasadës Turke për të vazhduar mbështetjen për përforcim të sundimit të ligjit në Kosovë.
Ministri Demolli e ka njoftuar ambasadorin Ynler për organizimin dhe funksionimin e Ministrisë së Drejtësisë, për prioritetet që ka si Ministër i Drejtësisë, duke theksuar si prioritet kryesor eliminimin e sfidave që kanë dalë nga raporti i progresit i Komisionit Evropian, i vitit të kaluar, si dhe formimin e disa agjencioneve në kuadër të MD-së.
Gjithashtu, ministri Demolli ka vlerësuar lartë rolin dhe angazhimin e shtetit Turk, që vendi ynë të jetë shtet i fuqishëm, në të cilin sundon ligji.
Ambasadori i Turqisë në Prishtinë Metin Hyserv Ynler e njoftoi Ministrin Demolli se Turqia ka bërë reforma të mëdha në sistemin gjyqësor të Turqisë, duke e përshtatur atë me standardet evropiane.
Në këtë takim të dyja palët kanë shprehur bindjen se bashkëpunimi i ngushtë ndërmjet dy vendeve mike, Kosovës dhe Turqisë, do të vazhdojë edhe në të ardhmen.