05 Gusht 2020

Australia dhe Kroacia urojnë Kosovën për dy vejtorin e Pavrësisë

Prishtinë, 5 shkurt - Presidenti i Republikës së Kosovës, Fatmir Sejdiu, me rastin e përvjetorit të dytë të pavarësisë së Kosovës ka marrë mesazhe urimi nga Guvernatorja e Përgjithshme e Komonvelthit të Australisë, Quentin Bryce AC si dhe nga  Presidenti i Kroacisë, Stjepan Mesiq.

Presidenti i Republikës së Kosovës, dr. Fatmir Sejdiu, mori një mesazh urimi nga Guvernatorja e Përgjithshme e Komonvelthit të Australisë, Quentin Bryce AC, tekstin e të cilit po e japim në vijim:

Shkëlqesisë së Tij
Dr. Fatmir Sejdiu
President i Republikës së Kosovës

Më rastin e Ditës Kombëtare të Republikës së Kosovës, dua të përcjell tek Ju, Qeveria dhe populli i Kosovës, urimet e mia të ngrohta, së bashku me ato të popullit dhe të Qeverisë Australiane.

Është  kënaqësi e madhe që Australia uron Kosovën në përvjetorin e saj të dytë si një shtet i pavarur. Siç jeni në dijeni, Australia ishte një nga vendet e para që e njohën pavarësinë e Kosovës më 19 shkurt 2008 dhe ka vendosur zyrtarisht marrëdhëniet diplomatike më 21 maj 2008.

Mund të shpreh besimin tim se marrëdhëniet miqësore midis vendeve tona do të vazhdojnë të avancohen në vitin e ardhshëm.

Ju lutem pranoni, Shkëlqesia Juaj, urimet e mia personale dhe pranoni ndjenjën  e konsideratës sime më të lartë.

E juaja sinqerisht, Ms. Quentin Bryce AC
 

Presidenti Mesiq uron Sejdiun

Presidenti i Republikës së Kosovës, dr. Fatmir Sejdiu, mori një mesazh urimi nga Presidenti i Kroacisë, Stjepan Mesiq, tekstin e të cilit po e japim në vijim:

Me rastin e Ditës së Pavarësisë së Kosovës dhe përvjetorit të shpalljes së Republikës së Kosovës, unë, në emrin tim personal dhe të të gjithë qytetarëve të Republikës së Kroacisë, do të doja t’ju përcillja Ju personalisht dhe të gjithë qytetarëve të Kosovës urimet më të sinqerta.

Ju lutem, z. President, pranoni ndjenjën e konsideratës sime më të lartë.

Stjepan Mesiq, President i Kroacisë

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00)