22 Prill 2021

Atifete Jahjaga presidente e Republikës së Kosovës

Prishtinë, 7 prill - Në seancën e jashtëzakonshme të Kuvendit të Kosovës që u mbajt sot në mbrëmje Atifete Jahjaga është zgjedhur presidente e Republikës së Kosovës me 80 vota pro kundër kundërkandidates Suzanë Novobërdaliun e cila tërhoqi 10 vota ndërsa 10 vota të tjera u shpallën të pavlefshme.
 
Jahjaga ka marrë 80 vota nga 100 deputetet e pranishëm, që në rundin e parë të votimit, të cilat ishin të mjaftueshme për ta marrë zyrtarisht pozitën e kreut të shtetit.

Në fjalën e saj, presidentja e saposhpallur u betua para deputetëve ndërsa shprehimisht deklaroi:

“Betohem se tërë fuqinë time do tia kushtoj interesave të Republikës së Kosovës, sigurimit të lirive njerëzore, respektimit dhe mbrojtjes e kushteve të ruajtjes së paqes dhe me ndërgjegje do të kryeja detyrat e mia”.

Jahjaga ishte kandidatja e përbashkët e PDK-së, LDK-së dhe AKR-së në bazë të marrëveshjes së arritur ndërmjet liderëve të këtyre tri partive politike nën ndërmjetësimin e ambasadorit amerikan në Prishtinë, Kristofer Dell.

Kjo seancë u ftua pas marrëveshjes që u arrit të mërkurën ndërmjet Hashim Thaçit, Behgjet Pacollit dhe Isa Mustafës. Në votim nuk morën pjesë deputetët e grupit parlamentar të Vetëvendosjes.

Atifete Jahjaga ishte numri dy i Policisë së Kosovës, edhe pse emri i saj për herë të parë në publik doli kur u përmend si kandidate për Drejtoreshë të Përgjithshme të Policisë.

Jahjaga është nga Gjakova, është e martuar me Astrit Kuçin dhe nuk ka fëmijë. Merr pak më shumë se 1000 euro rrogë në muaj për punën e saj në Policinë e Kosovës dhe ka gradën e koloneles.

“Nga grada reshter është graduar majore, e më pas kolonele. Atifetja, juriste e diplomuar, karrierën e saj në polici e ka filluar si përkthyese, më pas police në departamentin e policisë kufitare, e pastaj në njërin nga departamentet më të rëndësishme të policisë, atë të trajnimit.”, shkruan mes tjerash në biografinë e saj në faqen e Policisë.

Jahjaga ka kryer trajnime të shumta, duke përfshirë kryesoret në Shtetet e Bashkuara të Amerikës. Fotoja e saj më e shpeshtë që gjendet është ajo me ish-presidentin George W.Bush, dhe gjithashtu me Sekretaren e Shtetit, Hillary Clinton, gjatë vizitës së saj në Kosovë.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)