08 Prill 2020

Ashton pas Beogradit dhe Sarajevës, viziton sot Prishtinën

Prishtinë, 19 shkurt - Catherine Ashton, e ngarkuara e BE-së për politikën e jashtme  këtë të premte qëndron për herë të parë për vizitë në Kosove si pjesë e vizitës së saj në Ballkanin Perëndimor.

Ashton do të zhvillojë biseda me udhëheqësit e misionit evropian EULEX,  të Zyrës Civile Ndërkombëtare, me përfaqësues të Komisionit Evropian dhe me kryeministrin Hashim Thaçi.

Ajo qëndroi ditën e enjte në Beograd dhe në Sarajevë. Bashkimi Evropian dëshiron të ndihmojë Bosnjë-Hercegovinën dhe Serbinë në rrugën e tyre për një afrim të mëtejshëm me Unionin, tha Ashton.

E ardhmja e Bosnjës multi-etnike është në BE, tha ajo pas takimit me kryeministrin Nikola Spiric. Në Beograd ajo paralajmëroi, pas një takimi në mbrëmje me kryeministri Mirko Cvetkovic, një bashkëpunim më të mirë me Tribunalin e Kombeve të Bashkuara për krime lufte në Hagë.

Ky është kushti paraprak për një afrim të mëtejshëm në BE, theksoi Ashton. Cvetkoviç përsëriti vendosmërinë e Serbisë për t'u bërë anëtare e BE-së.

Kalendari

Ngjarjet e datës 8 Prill 2020 - Ushtruesja e detyrës së drejtoreshës së Klinikës Infektive, dr. Lindita Ajazaj- Berisha dhe prof.Sali Ahmeti, do të  prononcohen për medie ku do të  jepen informatat e fundit lidhur me trajtimin e pacientëve me Covid-19. (Para Klinikës Infektive, ora 11:00)

- Ministri i Financave dhe Transfereve Besnik Bislimi dhe drejtori i Zyrës së KfW-së për Kosovë Rene Escheman me pjesëmarrës ambasadorin gjerman në Kosovë Christian Held nënshkruajnë dy marrëveshje grant “Rritja e Kapitalit Garantues për Fondin Kosovar për Garanci Kreditore” dhe “Fondi i Sfidave të Kosovës - Arsimi Profesional dhe Trajnimi”. (Ndërtesën e Qeverisë së Kosovës, ora 11:45)

- Kryetari i PDK-së, Kadri Veseli viziton mulirin "NTP Vali" në Sllatinë të Fushë Kosovës, për t'u informuar për kapacitet prodhuese të miellit në kohë pandemie. (Sllatinë, ora 13:40)

- Kryetari i PDK-së, Kadri Veseli, mban takim me kryetarin e Komunës së Fushë Kosovës. (Ndërtesa e komunës, ora 14:00)

- ANP 'Adem Jashari' së bashku me Minsitrin e Shëndetësisë Arben Vitia, organizojnë konferencën për shtyp në lidhje me donacionin që do të dhurojë Aeroporti në luftimin e pandemisë!  (Ministria e Shëndetësisë,  ora 14:30)

- Mbërrin kontingjenti i parë i masave mbrojtëse dhe pajisjeve mjekësore, donacion i Republikës së Turqisë, për institucionet e Kosovës për menaxhimin e situatës epidemiologjike me Covid-19. (ANP “Adem Jashari”, ora 15:45)