19 Mars 2019

Anulohet marrëveshja joligjore dhe abuzuese e Komunës së Fushë-Kosovës

Prishtinë, 8 janar - Qendra e Lëvizjes Vetëvendosje! në Fushë-Kosovë ka bërë të ditur se me datën 14 nëntor Asambleja komunale e Fushë-Kosovës ka miratuar Marrëveshjen për Përkujdesin Social dhe Shëndetësor me Organizatën “CARITAS”, përkundër vrejtjes së asambleistëve të Lëvizjes Vetëvendosje! se kjo marrëveshje është joligjore, jotransparente dhe e dëmshme për buxhetin komunal.

Marrëveshja parashihte financimin e një programi prej 375,000 eurosh, në bashkëpunim me “Caritas” , prej të cilave kjo e fundit merr pjesë vetëm me 20,000 euro, ose diku rreth 5% e buxhetit për projekt.

Pushteti ka injoruar vërejtjet e Lëvizjes Vetëvendosje! dhe ka mbivotuar këtë marrëveshje duke përdorur edhe votat e një pjese të minoriteteve dhe të një vote të opozitës, përkatësisht të AKR-së.

Denoncimi i vazhdueshëm i kësaj Marrëveshjeje nga LVV-ja është injoruar deri më datën 06.12.2018, kur Ministria e Administrimit dhe Pushtetit Lokal nxorri një interpretim ku thuhet se kjo marrëveshje nuk është në përputhje me Rregulloren MT-04-2017 për Kriteret, Standardet dhe Procedurat për Financimin e OJQ-ve.

Komuna e Fushë-Kosovës ka një situatë specifike përsa i përket financimit të sektorit të arsimit dhe shëndetësisë, për shkak se numri i banorëve që jetojnë në këtë qytet është gati dyfishi i numrit të banorëve të regjistruar si banorë lokal.

Këta banorë marrin shërbimet publike të Komunës, ndërkohë që financimi i nivelit qendror të qeverisjes është i lidhur ngusht me numrin e banorëve të regjistruar.

Lëvizja Vetëvendosje! konsideron se ky problem nuk zgjidhet duke nënshkruar marrëveshje jotransparente dhe joligjore. Deri sot kjo marrëveshje është përdorur për akomodimin e familjarëve të zyrtarëve komunal, por edhe për të shpaguar njerëz që kanë qenë të përfshirë në mobilizimin e  votës për kryetarin, Burim Berisha.

Asnjëherë nuk i ka përmbushur nevojat e qytetarëve të Fushë-Kosovës. Një numër i madh i objekteve shëndetësore nuk janë aktivizuar edhe pse komuna nëpërmjet skemës “Caritas” ka shtuar numrin e punëtorëve shëndetësor.

Po ashtu, ka pasur raste kur, për shembull, punëtorët shëndetësor janë punësuar në objekte shëndetësore falë afërsisë me pushtetin. Kështu, vendbanime me numër të madh të banorëve nuk kanë marrur shërbime shëndetësore, e në ndonjë fshat është tejkaluar numri i peronelit shëndetësor.

Edhe në fushën e arsimit kjo marrëveshje pothuaj se nuk ka ndikuar fare në përmirësim të kushteve për mësim. Shkollat e Fushë-Kosovës kanë mesatarisht 45 nxënës në një klasë, duke dëmtuar kështu kualitetin në procesin mësimor.

Duke marrur parasysh se kjo skemë me “Caritas” më shumë i ka shërbyer kryetarit të komunës, një numër i të angazhuarëve në procesin mësimor kanë fituar vend si shpërblim për përkrahjen ndaj tij sesa për shkak se i kanë plotësuar kushtet. Kjo ka bërë që Fushë-Kosova të shënojë nivelin më të ulët të suksesit në sektorin e arsimit.

Zgjidhja e kësaj situate, ashtu siç e ka thënë shumë herë LVV Fushë-Kosovë, vjen vetëm nëpërmjet analizës empirike të situatës dhe problematizimit të saj tek institucionet qendrore, regjistrimit të banorëve real në këtë komunë, sensibilizimit të banorëve që shfrytëzojnë shërbimet publike dhe deri te kushtëzimi i shfrytëzimit të shërbimeve publike me regjistrimin si banorë.

Asnjërën nga këto nuk e ka bërë Komuna e Fushë-Kosovës me Kryetarin aktual të saj. Ky abuzim nuk ka ndodhur vetëm tashti, por është aplikuar edhe në mandate më të hershme të po të njëjtit ekzekutiv të Komunës.

 

Kalendari

Ngjarjet e datës 19 mars 2019 - Ministria e Integrimit Evropian feston 10 vjetorin e bashkëpunimit Kosovë – JICA”. (Hotel Swiss Diamond, ora 9:00)

- Instituti Demokratik i Kosovës organizon tryezën e diskutimit gjatë së cilës do të publikohen gjetjet e raportit nga monitorimi i Kontratave për furnizim me material shpenzues për Hemodializë për vitin 2018, në një diskutim me përfaqësues të institucioneve dhe shoqërisë civile. (Orion Conference Center, ora 10:00)

- Mbahet mbledhja e Komisionit Ad-hoc për përpilimin e Kodit për rregullimin dhe menaxhimin e fushës së pensioneve dhe beneficioneve nga sigurimi social. (Ndërtesa e Kuvendit, salla N204, ora 10:00)

- Rrjeti i Grave të Kosovës organizon mbledhjen e radhës së Koalicionit për Barazi “Fuqizimi i pjesëmarrjes së grave në politikë”. (Hotel Sirius, ora 11:00)

- Ministria e Administrimit të Pushtetit Lokal në Kosovë dhe Ministria e Vetëqeverisjes Lokale në Maqedoninë Veriore në koordinim me Zyrën e Bashkimit Evropian në Kosovë dhe me përkrahjen teknike të ofruar nga Sekretariati i Përbashkët Teknik organizojnë Forumin Konsultativ. (Hotel International Prishtina, ora 11:00)

- Grupi Parlamentar i Lidhjes Demokratike të Kosovës mban konferencë për media. (Ndërtesa e Kuvendit, kati III, para sallës C301, ora 11:00)

- Lëvizja Vetëvendosje mban aktivitet. (Takimi me mediat bëhet pranë QKMF-së, te Qafa, ora 12:00)

- Promovohet romani “Rrota e Ujit” i autores Resmije Kryeziu. (Kolegji AAB, objekti V, te këndi i Librarisë, ora 12:00)

- Oda e Afarizmit të Kosovës organizon konferencë për media lidhur me Udhëzimet Administrative të cilat janë në mospërputhje me Ligjin për Minierat dhe Mineralet që po pengojnë zhvillimin e bizneseve të këtij sektori. (Zyret e OAK-së, ora 13:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Ambasadori Kosnett do të vizitojë Zyrën Kombëtare të Auditimit të Kosovës ku do të merr pjesë në nisjen zyrtare të Njësisë për Luftimin e Mashtrimeve, e cila do të veprojë në kuadër të ZKAK. (Lokalet e Zyrës Kombëtare të Auditimit, rr. Ahmet Krasniqi, Arbëri, ora 15:10)

- Lidhja Demokratike e Kosovës dega në Podujevë organizon manifestim me rastin e 29 vjetorit të themelimit. (Restaurant Ora, ora 17:00)