27 Maj 2020

Ambasador Hamiti dorëzoi letrat kredenciale në Zelandë të Re

Wellington, 25 shkurt - Ambasador jorezident i Republikës së Kosovës në Zelandën e Re, Muhamet Hamiti, i ka dorëzuar sot Letrat Kredenciale Guvernatorit të Përgjithshëm të Zelandës së Re, Sër Anand Satyanand.

Ceremonia tradicionale e paraqitjes së letrave kredenciale u zhvillua në Shtëpinë e Qeverisë, selinë e Guvernatorit të Përgjithshëm të Zelandës së Re në Uellington (wellington).

Në një ceremoni që gërshetonte tri pjesë, Ambasadori Muhamet Hamiti kaloi fillimisht nëpër procedurën tradicionale të ballafaqimit me ‘sfidën Maori’. Ndërkaq, Ambasadori Hamiti u bëri rivistë trupave të Gardës së Nderit të ushtrisë së Zelandës së Re.

Pjesa e tretë shënoi në të vërtetë dorëzimin zyrtar të Letrave Kredenciale të Presidentit të Republikës së Kosovës, Dr. Fatmir Sejdiut, përmes të cilave Muhamet Hamiti emërohet ambasador në Zelandën e Re. Muhamet Hamiti ia dorëzoi këto letra Guvernatorit të Përgjithshëm të Zelandës së Re, Sër Anand Satyanand.

Ambasadori Hamiti dhe Guvernatori Satyanand mbajtën nga një fjalë rasti, në prani të zyrtarëve qeveritarë, përmes të cilave uruan për suksesin e marrëdhënieve në mes të të dyja vendeve, duke veçuar edhe lidhjet, kryesisht të kohëve të reja, në mes të dy popujve. Hamiti falënderoi Zelandën e Re për ndihmën që i ka dhënë Kosovës në dekadën e fundit dhe për pranimin e mikpritjen e refugjatëve të luftës nga Kosova.

Si i dërguar i Kosovës në Zelandë të Re, Muhamet Hamiti tha se do të të punonte që të përkthente afeksionin në mes të dy shteteve tona në një marrëdhënie dobiprurëse për të dyja palët.

Guvernatorit i Përgjithshëm i Zelandës së Re, SHTZ Anand Satyanand, tha se vendi i tij e “merr seriozisht përgjegjësinë e të qenit qytetar i mirë ndërkombëtar”. Në këtë kontekst tha ai, Zelanda e Re “i hapi dyert për qindra refugjatë kosovarë në vitin 1999”, sikur që edhe mbështeti kërkesat e suksesshme për anëtarësim të Kosovës në Fondin Monetar Ndërkombëtar dhe në Bankën Botërore gjatë vitit të kaluar.

Në ndërkohë, Ambasadori i Republikës së Kosovës në Zelandë të Re takoi dje (e mërkurë, 24 shkurt)  në Uellington zyrtarë të lartë të Qeverisë së këtij vendi, zëvendëssekretarin në Ministrinë e Jashtme dhe të Tregtisë, z. Peter Hamilton, dhe drejtorin e divizionit për Evropë në këtë Ministri, z. George Troup, me të cilët bisedoi për mundësitë e bashkëpunimit në mes të dyja vende.

Zyrtarët e Zelandës së  Re shprehën kënaqësinë për përparimet që ka bërë  Kosova si dhe mbështetjen për synimet e Kosovës për integrime evropiane edhe anëtarësim në organizmat e tjerë ndërkombëtarë.

Po të mërkurën, Ambasadori i Kosovës është takuar në Uellington me ambasadorin e Argjentinës në Zelandë të Re, z. Pedro R. Herrera, që shtë dekan i korit diplomatik në këtë vend, dhe Komisionerin e Lartë të Tonga-s, z. Siaosi (George) T. ‘Aho-n. Në takim u bisedua për zhvillmet në Kosovë. Hamiti u përcolli këtyre diplomatëve kërkesën e autoriteteve të vendit tonë për njohjen e pavarësisë së Kosovës.

 

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)