25 Shkurt 2020

Alternativa do të dorëzoj kallëzim penal ndaj Komunës së Gjakovës

Gjakovë, 28 janar - Alternativa, si subjekti më i madhi politik opozitar në Komunën e Gjakovës, ditëve të fundit ka pranuar me shumë shqetësim lajmin  se në afërsi të objektit të trashëgimisë kulturore “Kulla e Sulejman Vokshit”, kanë filluar gërmimet për themelet e një ndërtese shumë katëshe, e cila është dhënë me pëlqimin e IKMM-së dhe nga Drejtoria për Urbanizëm në Komunën e Gjakovës, leje kjo që bie ndesh me ligjin 02/L-88 për Trashëgimi Kulturore, neni 4 pika 4.10 dhe 4.11, si dhe nenin 6, pika 6.4.

Duke marrë shkas në rëndësinë që paraqet jo vetëm  Kulla e “Sulejman Vokshit”, por edhe objekti i “Mejtepe Ruzhdije”, si  dhe objekti i vjetër i Shkollës së Muzikës, konsiderojmë se pëlqimi i IKMM-së dhe leja që ka lëshuar Komuna e Gjakovës, janë krimi i radhës që qeverisja lokale në Gjakovë në bashkëpunim me agjentët për shkatërrimin e vazhdueshëm të trashëgimisë kulturore në Gjakovë, po ja bëjnë pjesës historike dhe kulturore të qytetit tonë.

Kryetari i komunës së Gjakovës Ardian Gjini, edhe vitin e kaluar kishte tentuar që të realizoj interesat individuale dhe grupore të njerëzve të Aleancës, duke ju dhënë mundësinë e ndërtimit të objekteve shumëkatëshe, pa marrë parasysh dëmin që po i shkakton objekteve nën mbrojtje të trashëgimisë kultorore.

Si duket kësaj radhe kryetari Gjini ka gjetur edhe partner brenda strukturave të IKMM-së dhe në këtë mënyrë sapo ka filluar goditja përfundimtare për shkatërrimin dhe humbjen e vlerës kulturo-historike të Kullës “Sulejman Vokshi”, objektit të njohur si “Mejtepe Ruzhdije”, si dhe objektit të vjetër të Shkollës së Muzikës. Leja e ndërtimit për objektin shumë katësh, pos tjerave shkel edhe rrezen prej 50 metrash nga objekti i trashëgimisë kulturore “Kulla e Sulejman Vokshit” dhe objektit “Mejtepe Ruzhdije”.

Kujtojmë se vitin e kaluar, Alternativa në Gjakovë, ka proceduar me kallëzim penal ndaj kryetarit të Komunës dhe asambleistëve të pozitës, të cilët në mbledhjen e 4 Marsit 2019 kishin marrë vendim që të shfuqizojnë interesin e veçantë për pronat për rreth Kullës “Sulejman Vokshi”, vendim ky që ishte cilësuar I jashtë ligjshëm edhe nga vet MKRS-ja.

Duke e konsideruar si shkelje të njejtë lejen për objektin që është në ndërtim vetëm 30 metra nga objekti i Kullës “Sulejman Vokshi” dhe vetëm 10 metra largë objektit tjetër të trashëgimisë kulturore “Mejtepe Ruzhdije”, Alternativa në Gjakovë do të dorëzoj kallëzim penal ndaj IKMM-së dhe Komunës së Gjakovës, ku edhe do të kërkohet masë e përkohëshme ndaj objektit që është në ndërtim deri ne shqyrtimin e plotë nga organet e drejtësisë.
 

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)