06 Qershor 2020

Albright thotë së në Kosovë po ndihet si në shtëpinë e saj

Prishtinë, 12 qershor - Kryetari i Kuvendit të Republikës së Kosovës, Kadri Veseli, priti sot në takim ish-sekretaren amerikane të shtetit, Madeleine Albright, e cila po qëndron në vendin tonë, në kuadër të manifestimeve me rastin e 20-vjetorit të çlirimit të Kosovës dhe hyrjes së trupave të NATO-s.

Kryeparlamentari Veseli falënderoi ish-sekretaren Albright që u është bashkuar qytetarëve të Kosovës në kremten e 20-vjetorit të çlirimit të vendit.

Kreu i Kuvendit të Kosovës tha se falë mbështetjes së SHBA-së, Presidentitn Clinton, sekretares Albright dhe gjeneralit Clark, Kosova ka arritur lirinë dhe është sot shtet i pavarur.

Ish-sekretarja amerikane e shtetit, Madeleine Albright, ndërkaq, duke falënderuar kryetarin Veseli për pritjen, tha se po ndihet si në shtëpinë e saj.

Kryeparlamentari Veseli dhe ish-sekretarja Albright folën edhe për bashkëpunimin e shkëlqyer dhe miqësinë midis Kosovës dhe Shteteve të Bashkuara të Amerikës, për proceset politike nëpër të cilat po kalon vendi ynë, si dhe për perspektivën e qartë euro-atlantike të shtetit të Kosovës.​

 

Kalendari

Ngjarjet e datës 5 Qershor 2020 - Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 12:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)

- Kryeministri Avdullah Hoti pret në takim ambasadorin e Shteteve të Bashkuara të Amerikës në Kosovë, Philip Kosnett. (Ndërtesa e Qeverisë, ora 15:45 - vetëm pamje)