19 Prill 2019

Ahmeti paditë Vetëvendosjen për shpifje

Prishtinë, 12 shkurt - Kryetari Shpend Ahmeti ka ushtruar sot padi ndaj partisë “Lëvizja Vetëvendosje” për shpifjet e vazhdueshme që i kanë bërë ndaj tij dhe Komunës, me theks të veçantë në rastin e furnizimit të shkollave me qumësht për nxënësit..

“Ata e kanë shpallur vetën edhe gjykatës. Të gjitha ato që i kanë thënë për furnizimin me qumësht, kanë qenë në kohën kur kemi qenë bashkë, por për ta më nuk ka rëndësi as paraja publike e as e vërteta. Do të ishte mirë që kjo padi të shkonte për personin që i organizon të gjitha këto shpifje, por ai është mësuar ta gjuajë gurin e ta fsheh dorën. Prandaj, sot padinë po e bëjmë ndaj partisë së tij”, tha Kryetari Shpend Ahmeti, në deklarimin e tij për media.

Ai shtoi se sa i përket atij tenderi, të gjitha procedurat kanë qenë të hapura, dhe Komuna e Prishtinës ka paguar çmimin më të ulët të mundshëm për furnizim me qumësht (p.sh. Prizreni i udhëhequr nga VV-ja paguan 20 cent më shumë për litër).

Ahmeti i bëri thirrje Gjykatës që sa më parë ta trajtojë këtë rast, në mënyrë që të eliminohen spekulimet për këtë çështje. “Le të veprojë Gjykata ashtu që të ndalen shpifjet, sidomos të atyre njerëzve që janë paraqitur dhe kanë ushtruar kinse kallëzim penal ndaj meje; të cilët njihen për hajni në Vetëvendosje dhe kanë qenë të dënuar për këtë gjë nga partia e tyre, e sot janë instrumentalizuar për të na sulmuar neve”, tha në fund Ahmeti.

Për secilin qumësht që dërgohet në shkollë, ka evidencë dhe nënshkrim nga ana e përgjegjësit të shkollës. Kësisoj, dihet saktë se sa para shpenzohen për këtë furnizim, çdo ditë. 

Kalendari

Ngjarjet e datës 19 prill 2019 - Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Kryeparlamentari Kadri Veseli merr pjesë në festivalin olimpik për fëmijët parafillor. ))(Stadiumi “Fadil Vokrri”, Prishtinë, ora 9:30)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Kryeparlamentari Kadri Veseli merr pjesë në ceremoninë e nënshkrimit të projekteve për ndërmarrësit e rinj. (Hotel Sirius, ora 11:00)

- Kryeministri Ramush Haradinaj merr pjesë Akademinë Përkujtimore me rastin e Ditës së Veteranëve të Koshares dhe rënies së Heroit të Kosovës, Sali Çekaj, në kuadër të Manifestimit Tradicional "Ditët e Shqipes 2019", që organizohet nën patronatin e kryeministrit. (Teatri Kombëtar, ora 12:00)

- Zëvendëskryeministri i Republikës se Kosovës, Enver Hoxhaj mban konferencë të përbashkët për media me Ministrin e Drejtësisë, Abelard Tahiri. (Ndërtesa e Qeverisë, salla P32, ora 13:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës. (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Kryeministri Ramush Haradinaj merr pjesë në Akademinë Përkujtimore me rastin e 20 vjetorit të themelimit të Batalionit “Atlantiku”, që organizohet nën patronatin e kryeministrit. (Salla e Kuqe, Pallati i Rinisë, ora 16:00)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Drenas. (Shtëpia e Kulturës në Drenas, ora 16:30)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Prizren. (Shtëpia e Kulturës "Xhemajli Berisha" në Prizren, ora 19:00)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)