15 Nëntor 2019

Administrata e Gjilanit ka shqyrtuar dhe përfunduar 54 mijë lëndë

Gjilan, 17 qershor –  Drejtori i Administratës në Gjilan, Bardhyl Syla, ka deklaruar se për pesë muaj të këtij viti, kjo drejtori ka përfunduar mbi 54 mijë lëndë, derisa 5900 të tjera janë në proces të shqyrtimit. 

“Drejtoria për Administratë e Përgjithshme, nëpërmjet Qendrës për Shërbim me Qytetarë, ka qenë mjaft efikase dhe  funksionale në realizimin lëndëve si të përfunduara me kohë dhe brenda afateve. Në këtë periudhë pesë mujore, përmes QSHQ-së, janë pranuar lëndët e sipër përmendura dhe shikuar në aspektin e përqindjes, rezulton se Komuna e Gjilanit, i ka kryer lëndët sipas Ligjit të Procedurës Administrative me një përqindje të kënaqshme prej 90.3 për qind”, ka thënë Syla në konferencën e rregullt për media.

Ai konfirmoi se janë në proces të përgatitjeve për funksionalizimin e dy zyrave të gjendjes civile në qytet,  njëra në lagjen Dardania dhe tjetra në lagjen Arbëria.

“Qëllimi është që të bëhet dekoncentrimi i shërbimeve administrative, që ato të jenë sa më afër qytetarëve ku ata jetojnë dhe veprojnë”, është shprehur Syla.

Gjatë prezantimit të punës 5-mujore, i pari i Administratës në Gjilan konfirmoi se nga sektori i Gjendjes Civile janë ndërmarr veprime juridike administrative dhe janë lëshuar 8840 dokumente si dhe janë zhvilluar 676 procedura administrative.

“Ndërkaq, pothuajse i tërë dokumentacioni i Drejtorive, Njësive Administrative dhe Organeve të tjera të Komunës, po regjistrohet dhe sistemohet sipas standardeve ligjore në kuadër të Arkivit të Komunës”, u shpreh Syla.

Si sfidë, drejtori i Administratës në Gjilan, Bardhyl Syla, e ka paraqitur mungesën e certifikatave origjinale.

“Deri më tani, Ministria e Punëve të Brendshme si kompetente në këtë aspekt ende nuk e ka bërë furnizimin me certifikata. Falë bashkëpunimit me disa prej komunave, të cilat,  na kanë ndihmuar duke na huazuar një numër të certifikatave, kemi arritur që sa do pak ta tejkalojmë këtë situatë në raport me qytetarë”, ka thënë ai.
 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)