29 Shtator 2020

AAK: Mos implementimi i strategjisë për veriun është blerje kohe

Prishtinë, 3 mars – Aleanca për Ardhmërinë e Kosovës kritikon liderët institucional se me veprimet e tyre po heqin dorë nga zbatimi i strategjisë për veriun e vendit, ndërkohë që kërkojnë që këtë strategji ta merr përsipër Këshilli Sigurisë së Kosovës.

 

Ndërsa, me një pohim të tillë nuk pajtohen zyrtarë të qeverisë të cilët thonë se strategjia do të implementohet dhe kërkojnë që në këtë të marr pjesë edhe opozita.


Presidenti i Kosovës Fatmir Sejdiu dhe kryeministri Hashim Thaçi janë duke hequr dorë nga zbatimi i strategjisë për veriun e Kosovës. Kështu tha sot në një konferencë për medie sekretari i Përgjithshëm i AAK-së Burim Ramadani. Ramadani tha se për AAK-në është e papranueshme kjo sjellje e liderëve institucional dhe kërkoi që sa më shpejtë duhet të mblidhet Këshilli i Sigurisë së Kosovës për të marrë përsipër zbatimin e kësaj strategjie.

“Kryeministri Thaçi dhe presidenti Sejdiu po shkelin kushtetutën, sepse sipas kushtetutës është Këshilli i Sigurisë kombëtare ai që merret me çështjet që kanë interes dhe rëndësi vitale. Po mundohen ta heqin përgjegjësinë nga vetja, duke emëruar njerëz jashtë institucioneve për t’u marrë me çështjen e veriut. Ata realisht po dëshmojnë se kanë hequr dorë nga kjo strategji dhe se nuk do të zbatohet fare”, tha Ramadani.


Aleanca për Ardhmërinë e Kosovës kërkon ndër të tjera të hartohet plani i veprimit , ku do duhej të përcaktohen të gjitha veprimet dhe afatet kohore për zbatimin e strategjisë, dhe të hartohet një aneks i sigurisë në kuadër të strategjisë për veriun.


Por, ndryshe mendon zëdhënësi i Qeverisë së Kosovës Memli Krasniqi. Ai thotë se qeveria e vendit është duke i bërë përgatitjet për ta implementuar strategjinë në veri të Kosovës, dhe sipas tij në këtë çështje janë të ftuar edhe të gjitha subjektet opozitare dhe shoqëria civile.


“Mund të mos jenë të informuar disa përfaqësues të opozitës sa i përket strategjisë për veriun, por ne ju kemi bërë ftesë që të jenë pjesë edhe e grupeve punuese që do të merren me aspekte të implementimit të kësaj strategjie dhe ata duke e pasur parasysh së kjo është një çështje e rëndësisë së veçantë dhe interesit të përbashkët të jenë pjesë e këtyre grupeve punuese”, tha Krasniqi.


Aleanca për Ardhmërinë e Kosovës kërkon nga presidenti dhe kryeministri i Kosovës, të mbledhin menjëherë Këshillin e Sigurisë Kombëtare dhe se ky Këshill të marrë përsipër zbatimin e strategjisë së veriut të Kosovës.


Ndërkohë, zëdhënësi i Qeverisë, Memli Krasniqi i është përgjigjur opozitës përkitazi me kritikat e saj për zbatimin e strategjisë për veriun, duke thënë se disa prej përfaqësuesve të opozitës nuk janë të informuar si duhet për këtë strategji.

Kalendari

Ngjarjet e datës 29 Shtator 2020

- Ambasadori Tomash Sunjog, Shef i Zyrës së Bashkimit Evropian në Kosovë do ta zhvillojë një vizitë në Mitrovicë ku do te takohet me Kryetarin e Komunës së Mitrovicës së Jugut. (Zyra e Kryetarit të Komunës se Mitrovicës së Jugut, ora 8:55 - mundësi fotografie)

- Kryeministri Avdullah Hoti pret në takim përpunuesit e qumështit. (Ndërtesa e Qeverisë, ora 9:00)

- Kryeministri i Republikës së Kosovës, Avdullah Hoti bashkë me Ministrin e Bujqësisë, Pylltarisë dhe Zhvillimit Rural, Besian Mustafa si dhe Ministrin e Tregtisë dhe Industrisë, Vesel Krasniqi do të mbajnë konferencë bashkë me përfaqësuesit e sektorit të qumështit. (Ndërtesa e Qeverisë, ora 9:30)

- Ambasadori Tomash Sunjog, Shef i Zyrës së Bashkimit Evropian në Kosovë do ta zhvillojë një vizitë në veri të Kosovës. (Ndërtesa e komunës së Mitrovicës së Veriut, ora 9:55 - mundësi fotografie)

- Mbahet mbledhja e komisionit për Mbikëqyrjen e Financave Publike në të cilën so të behët shqyrtimi i Raportit të Auditimit për Ministrinë e Punës dhe Mirëqenies Sociale, Ministrinë e Tregëtisë dhe Industrisë dhe Ministrinë për Komunitete dhe Kthim. (Ndërtesa e Kuvendit, salla N302, ora 10:00)

- Banka Qendrore e Republikës së Kosovës, organizon konferencë për media me rastin e shpalosjes së koleksionit të Librave të Edukimit Financiar për nxënësit e shkollave fillore klasat 1-5 të arsimit fillor, si dhe ceremoninë e nënshkrimit të MOU-së mes BQK-së dhe MASH-it për përfshirjen e edukimit financiar në kurrikulën shkollore. (Objekti i BQK-së, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Bëhet promovimi i librit “Çelësi i suksesit në karrierë dhe zhvillim të personalitetit është aftësia gjuhësore” me autorë Manfred G. Raupp, Dardan Velija dhe Peter Hartman. (Rektoratin e Universitetit të Prishtinës “Hasan Prishtina', ora 10:00)

- Mbahet mbledhja e nëntë e rregullt e Kuvendit Komunal të Rahovecit. (Salla e mbledhjeve të Kuvendit Komunal, në objektin e ri të komunës, ora 10:00)

- Ambasadori Tomash Sunjog, Shef i Zyrës së Bashkimit Evropian në Kosovë mban konferencë për shtyp. (Shtëpia e Evropës, Mitrovica e Veriut, ora 11:15)

- Institucioni i Avokatit të Popullit organizon dorëzim - pranimin e detyrës nga Avokati i deritanishëm i Popullit, Hilmi Jashari tek Avokati i ri i Popullit, Naim Qelaj. (Zyra qendrore e Institucionit të Avokatit të Popullit, ora 11:00)

- Ambasadori Tomash Sunjog, Shef i Zyrës së Bashkimit Evropian në Kosovë viziton kampusin e IBCM në veri. (Kampusi IBCM në veri, ora 11:40 - mundësi fotografie)

- Me rastin e shënimit të Ditës Botërore të Zemrës, kryetari i Komunës së Prizrenit, Mytaher Haskuka, do të merr pjesë në aktivitetin sensibilizues, të organizuar nga Drejtoria e Shëndetësisë dhe QKMF në bashkëpunim me IRSHP. (Sheshi i Lidhjes në Prizren, ora 12:00)

- Partia Demokratike e Kosovës mban konferencë për media. (Selia Qendrore, ora 12:00)

- Mbahet mbledhja e komisionit për të Drejtat dhe Interesat e Komuniteteve dhe Kthim në të cilën do të behët rishqyrtimi i Planit të Punës së Komisionit. (Ndërtesa e Kuvendit, salla N303, ora 12:00)

- Ambasadori Tomash Sunjog, Shef i Zyrës së Bashkimit Evropian në Kosovë viziton në hallën e sporteve të Mitrovicës së Veriut. (Halla e sporteve, Mitrovica e Veriut. ora 12:25 - mundësi fotografie)

- Me rastin e shënimit të “Javës së Rinisë”, kryetari i Komunës së Prizrenit, Mytaher Haskuka do të merr pjesë në aktivitetin e organizuar nga Drejtoria për Kulturë, Rini dhe Sport,  ku do të bëhet shpërndarja e broshurave vetëdijesuese “Vendose Maskën dhe Festo”. (Sheshi "Shatërvan" në Prizren, ora 12:30)

-  Komisioni për Bujqësi, Pylltari, zhvillim Rural, Infrastrukturë dhe Mjedis shqyrton në parim i Projektligjin për ndryshim plotësimin e Ligjit për Automjete. (Ndërtesa e Kuvendit, salla N302, ora 13:00)

- Qumshtarët e Kosovës do të mbajnë protestë, duke parakaluar me cisterna të qumështit nga parkingu i Pallatit të Rinisë, nëpër rrugën Garibaldi, perskaj Katedrales, tek Menza e Studentëve e deri tek Qeveria e Kosovës. (Parkingu i Pallatit të Rinisë, ora 13:00)

- Ministrja e Kulturës, Rinisë e Sportit, Vlora Dumoshi raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 13:00)

- Ministri i Drejtësisë Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur me Projekt Kodin Civil të Republikës së Kosovë dhe  i Projektligjit për Tokën Ndërtimore. (Ndërtesa e Kuvendit, salla C203, ora 13:00)

- Ushtrues i Detyrës së Inspektoratit Policor Kushtrim Hodaj raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N225, ora 13:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrton në parim i Projektligjit për ndryshimin dhe plotësimin e Ligjit për Festat Zyrtare dhe hqyrtimi i ndryshimit dhe plotësimit të Ligjit për Zyrtarët Publik, sipas Aktgjykimit të Gjykatës Kushtetuese. (Ndërtesa e Kuvendit, salla C301, ora 13:00)

- Ministri i Ekonomisë dhe Ambientit, Blerim Kuçi zhvillon vizitë në Komunen e Vitisë. (Kabineti i Kryetarit të Vitisë, ora 13:30)

- Qumështarët e Kosovës do të mbajnë një konferencë për shtyp për të shpjeguar kërkesat e tyre dhe veprimet e mëtutjeshme. (Tek Qeveria e Kosovës, ora 14:00)

- Ministri i Ekonomisë dhe Ambientit, Blerim Kuçi viziton punimet në lumin "Morava e Binqes". (Viti, ora 14:10)

- Në Gjykaten e Dhomave të Specializuara të Kosovës në Hagë do të mbahet paraqitja e parë e Nasim Haradinajt. (https://www.scp-ks.org/sq/transmetimora, ora 15:00)