24 Tetor 2021

24 kryetarë e ish-kryetarë të nëndegëve të PDK-së mbështesin Bekim Jasharin

Skenderaj, 21 shtator - Lista e pavarur “Ideal për Skenderaj” e Bekim Jasharit po pretendon se 24 kryetarë e ish-kryetarë të nëndegëve të PDK-së në Skenderaj po e përkrahin atë për zgjedhjet e 17 tetorit.

Sipas njoftimit, kryetarët dhe ish-kryetarët e nëndegëve kanë thënë se ndjejnë obligim që ta përkrahin familjarin e Familjes Jashari.

“Nga ana tjetër kryetarët dhe ish kryetarët e nëndegëve, duke shprehur mbështetjen e pa rezervë për kryetarin Jashari deklaruan që e ndjejnë obligim që të përkrahin nipin e Komandantit Legjendar Adem Jashari, djalin e heroit tonë Hamëz Jashari, pasi që sipas tyre familja Jashari është mbi partitë politike, mbi çdo interes grupor e individual”, thuhet në komunikatë.

Tutje thuhet se vota për Bekim Jasharin është votë për të “kaluarën, luftën e shenjtë të UÇK-së”.

Kundërkandidat i Bekim Jasharit është Fadil Nura nga PDK dhe Sokol Halili si i pavarur.

Zgjedhjet lokale mbahen me 17 tetor. 

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)