14 Dhjetor 2018

Vetëqeverisja, popullore dhe rreziqet

Shkruar nga Ali Hertica

Vetëqeverisja vendore mbron jo vetëm lirinë politike, ajo pengon gjithashtu që liria të mos keqpërdoret.

Prandaj ata që frikësohen se liria mund të çojë në shthurje, dëshirojnë që pavarësia e provincave të lejohet të zhvillohet shkallë-shkallë, siç po ndodh me provincat e Kosovës.

Filozofet modernë shkruajnë se mund të mësohet masa e popullit ta shfrytëzojnë lirinë në mënyrë të arsyeshme për gjëra të mëdha, kur nuk kanë mësuar ta bëjnë këtë për gjëra të vogla.

Këtu bëhet aluzion për faktin që puna në kuvend të japë përvojë dhe njohuri që mund të shfrytëzohet në nivele kombëtare, d.m.th që institucionet lokale kanë një funksion pedagogjik.

Të marrim rrezikun e tiranisë së shumicës, ku e ç’dramatizon tendencën tiranike te demokracia amerikane duke na treguar se shumicës i mungon instrumenti përfundimtar i tiranisë. Ata nuk kanë pushtet që të ushtrojnë qeverisje politike, në të gjitha hollësitë.

 Edhe pse organet qendrore vendimmarrëse në SHBA, kanë një pushtet të madh legjislativ në shkallë kombëtare, fushat e ndikimit janë të kufizuara. Këto organe japin parimet e përgjithshme të jetës zyrtare, por nuk kanë të drejtë të kontrollojnë vënien në jetë të këtyre parimeve në planin vendor.

Këtu përgjegjësinë e marrin vetë organet vendore e jo si në Kosovë të tjerët të vendosin për të ardhmen e Kosovës. Nëpërmjet punës së tyre për zbatimin e vendimeve qendrore është e mundur të moderohen dhe t’u hiqet uji vendimeve që mënjanojnë interesat lokale.

Pushteti qendror është fuqizimi brenda sferës së tij, prandaj tirania mund të duket sikur ekziston në një pikë, por nuk mund të arrijë që t’i prekë të gjith.

Kalendari

Ngjarjet e datës 14 dhjetor 2018 - Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Instituti D4D organizon hapjen zyrtare të projektit “Rritja e qasjes së grave në punësim”. (Restorant Tartine Deli, Prishtinë, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Mbahet ceremonia e përurimit të shtëpisë për familjen skamnore në fshatin Livoç. (Fshati Livoç, ora 10:30)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Lidhja Demokratike e Kosovës bën homazhe te varri i Presidentit Historik të Kosovës Dr. Ibrahim Rugova dhe vazhdon më pas për homazhe te varri i Ahmet Krasniqit. (Velani, ora 11:30)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Heroit Mujë Krasniqi dhe 40 bashkëluftëtarëve të tij. (Salla e Kuqe të Pallatit të Rinisë, ora 16:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)