19 Shtator 2020

Unioni dhe “vendimi” i komunës së Prishtinës

Shkruar nga Gegë Toska

Në Prishtinë veprojnë shumë njerëz të profesionit,arkitekt,urbanist,artistë të gjitha profileve,arkeolog,historian e të tjerë,por pos tendencave të një peticioni nga ana e shoqërisë civile në prill 2008 dhe disa polemikave shterpe,ma shumë politike,asnjë reagim i dinjitetshëm publik nuk ngjau,pos disa reagimeve individuale lidhur me ish hotelin Union.

 

Tërë kohën ka pasur zëra të arsyeshme individuale,edhe në shtypin shqiptar,ku disa herë janë shpalosur tendencat e komunës së Prishtinës nga fillimi i vitit 2008,për rrënimin e ish hotelit UNION,por pa efekte të duhura në institucionet vendimmarrëse të Republikës së Kosovës.

Dje kryetari i komunës. Isa Mustafa me një komunikatë për shtypë (më kujton regjimin e kaluar),njofton opinionin se në mbledhjen e radhës do të merret vendimi përfundimtar,nga këshilltarët e Kuvendi të Komunës së Prishtinës,lidhur me “hapësirën ku është i vendosur ky objekt”,e kjo është qendra e ngushtë e kryeqyteti.

 

Arsyetimi i kryetarit të komunës është i mbështetur në vlerësimin e komisionit të ekspertëve të Trashëgimisë Kulturore që vepron në kuadër të Ministrisë së Kulturës, Rinisë dhe Sportit i cili sipas Mustafës vlerësoi se ky objekt më nuk paraqet kurrfarë vlere kulturore arkitektonike dhe historike,çka nuk përket me realitetin historik të mjedisit prishtinas që ka traditë qindra vjeçare.

Është nënçmim për intelektin qytetarëve të vjetër të Prishtinës se do të paditni në gjykatën kompetente pronarin e këtij objekti,për këtë Komuna e Prishtinës,mbështetur në Ligjin për Trashëgiminë Kulturore,e në anën tjetër i jep kompetenca antiligjore,këshilltarëve të Kuvendit Komunal të Prishtinës me marr vendim për fatin e objektit.

 

Kjo është kundër të gjitha ligjeve pozitive që i ka aprovuar Kuvendi i Kosovës, Komuna nuk e respekton as ligjin në të cilin thirret për padi. Të mos harrojnë zyrtarët vendimmarrës komunal se ky objekt është i mbrojtur nga shteti dhe së rehabilitimi i pa mundësuar nga djegia e qëllimshme e tij në gusht 2009 nuk lejon askënd të zhduk këtë objekt për qëllime të dyshimta.

Nuk kanë kompetenca ligjore këshilltarët komunal për të marrë vendim, lidhur me hapësirën ku është i vendosur ky objekt para dhjeta viteve e i cili është nën mbrojtjen e shteti. Ka shumë metoda për të rehabilituar Unionin e jo të tërhiqet leja për rehabilitimi si na njofton Kryetari i nderuar i Prishtinës. Këtë e dinë ekspertët e mirëfilltë të konservimeve të objekteve me rëndësi historike,e të tillë ka në Kosovë. E fundit ajo çka ka mbetur është RINDËRTIMI i Unionit pasi për këtë objekt ekziston incizimi dhe dokumentacioni teknik i kompletuar.

Apeloi te organet ma të larta shtetërore,te Kryesia e Kuvendit të  Kosovës,te Qeveria e Kosovës,të marrin masa ligjore për të ndërpre këtë masakër urbane të radhës,të cilën në mënyrë perfide e ka planifikuar Komuna e Prishtinës që dy vite. E di së komunarët e Prishtinës në mënyrë selektive,ashtu si iu konvenon pa veprojnë me ndërtime dhe rrënime që njëmbëdhjetë vite,por ata duhet kuptuar se Prishtina nuk është pronë e tyre dhe se ka disa rregulla që duhet respektuar pasi Prishtina është edhe kryeqyteti i Republikës së Kosovës. Në pyetje është identiteti ynë shtetëror qe aq shumë po tentohet të nëpërkëmbet nga disa,pa dhënë fare përgjegjësi së paku morale. Mos i përsëritni gabimet që historikisht iu kanë kushtuar shqiptarëve shumë.   


Autori është jurist i diplomuar 

Kalendari

Ngjarjet e datës 19 Shtator 2020

- Për nder të 100 vjetorit të shpalljes së Tiranës Kryeqytet, “Muzeu Lëvizës”, Komuna e Prishtines bashkë me Muzeun e mirëpresim edhe nënkryetaren e Bashkisë së Tiranës, Anuela Ristani dhe drejtoreshën ekzekutive të Unioni i Bashkive Shqiptare të Rajonit, Andriola Kambo hapin 'Muzeu Lëvizës'. (Sheshi 'Ibrahim Rugova', ora 10:00)

- Let’s Do It Kosova në kuadër të Lëvizjes Globale “Let’s Do It World” sjell përsëri në Kosovë “Ditën e Pastrimit të Botës 2020” ku do të fillojë me aktiviteti te pastrimin e qytetit nga mbeturinat. (Në afërsi të stadiumit “Fadil Vokrri”, lokacioni te parkingu i autobusëve, ora 11:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Muzeun e Kosovës. (Muzeu i Kosovës, ora 11:30)

- Let’s Do It Kosova vazhdon me aktivitetin e dytë qëndror për shënimin e “Ditës së Pastrimit të Botës 2020”. (Parku i Qytetit të Prishtinë, ora 13:00)

- Lëvizja Vetëvendosje mban konferencë për media në të cilën flasin Kryetari i LV-së, Albin Kurti dhe Sekretari për Marrëdhënie me Jashtë, Kreshnik Ahmeti. (Zyret e LV-së në Arbëri, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Kopshtin me Bazë në Komunitet “Cicërimat”. (Kopshtin “Cicërimat”, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Parku Germia. (Parku Germia, ora 15:00)