22 Tetor 2019

Të votojmë lidershipin e përmasave të Anton Qetës e Kukruk Prishtinës

Shkruar nga Fidan Mustafa

Republika e Kosovës dhe qytetari i saj, ka nevojën për një lidership të përmasave të Anton Qetes e Kokruk Prishtinës. Një elitë politike që bashkon, unifikon, thërret në pika të përbashkëta për vendin. Largon pengesat, lehtëson diferencimet dhe ofron alternativë për çdo problem.

Zgjedhjet e parakohshme në Kosovë, shënojnë organizimin më kritik që nga shpallja e pavarësisë së Kosovës. Vendi mbetet i ekspozuar nga diplomacia jo propercionale ndërmjet Kosovës e Serbisë në rrafshin ndërkombëtar. Ç’njohja nga shtetet të cilat dikur njohën pavarësinë e Kosovës tashmë janë kthyer në makth të shprishjes së sovranitetit shtetëror në rrafshin ndërkombëtar. Anën tjetër izolimi ndërkombëtar i Kosovës edhe nga shtetet që dikur njohën pavarësinë e saj vazhdojnë akoma. E krejt kjo si rrjedhojë e mos unifikimit të skenës politike në vend si dhe mosqartësimit politik drejt të ardhmes së vendit në realitetin e ri ndërkombëtar.  

Një pjesë e madhe e lidershipit politik gjatë dekadës së fundit, fatkeqësisht, ofroj në shumtën e rasteve përçarjet politike, sharjet, fyerjeve, sulmet ndaj njëri - tjetrit, të cilat tashmë janë kthyer në "kulturë" institucionale para qytetarëve dhe miqve tanë ndërkombëtar. Korrupsioni, nepotizmi, shantazhet, bojkoti dhe dështimi i drejtësisë në vend, po rezulton çdo ditë me fatalitet ndaj popullit të Kosovës.

Shumë nga qytetarët në vend të cilët përballën me konteste pronësore dhe vonesa të vendimmarrjes nga organet e drejtësisë, ligjin dhe zgjidhjen e problemeve e kanë marrë vetë në duar qytetarët duke gjetur alternativa sipas traditës e kanunit. Mos sundimi i ligjit mbetet sfidë alarmante në vend. Bazuar në entin e statistikave në vend (2008-2018), që nga shpallja e pavarësisë së Kosovës, mbi 600 qytetar janë vrarë me armë zjarri, shifra të cilat flasin për marrjen e ligjit në duart e veta nga qytetarët duke mos i besuar organeve të drejtësisë.

Problemet sociale në vend akoma dominojnë qytetarin kosovar. Mungesa e kushteve elementare për punë, standardi i ulët jetësor, mungesa e sigurimeve shëndetësore, mungesa e sigurisë ushqimore dhe arsimore, në dekadën e fundit ka rezultuar me largimet e të rinjve, kuadrove profesional dhe atyre intelektual. Bazuar në entin e statistikave në Kosovë, çdo vit mesatarisht 5.000 - 8.000 qytetar heqin dorë nga shtetësia e Kosovës. Sipas Ministrisë së Punëve të Brendshme, vetëm për pesë vite, 32.000 qytetarë nga Kosova kanë hequr dorë nga shtetësia e tyre.

Problemet ekonomike në Kosovë, vazhdojnë të përcjellin diferencat e eksportit dhe importit në raportin 1/9 në dëm të Kosovës. Sipas doganës në vend për vitin 2019, deficiti tregtar u rrit me 4% në krahasim me vitin paraprak (2018). Në vitin 2018, Kosova eksportoj jashtë vendit rreth 110 milion euro, ndërsa importoj rreth 1.5 miliard euro, duke rezultuar me një bilanc negativ tregtar prej 1.4 miliard euro.

Duke pasur parasysh sfidat e vendit, problemet dhe hallet e qytetarëve zgjidhja dhe alternativa afatgjate për vendin, nuk mund të arrihet përmes figurave politike të cilët kanë prodhuar lisën serbe në institucionet e vendit. Zgjidhje nuk mund të ofrojnë ata të cilët përmes decentralizimit më 2009, minoritetit serb i ofruan 32% të territorit nën menaxhim. Zgjidhje nuk mund të ofrojnë as ata të cilët nuk njohën e nuk njohin gjithashtu shtetësinë e Kosovës dhe sovranitetin e saj. Nuk mund të ishte alternativë një lidership i cili për gjithë karrierën e tyre politike kanë futur përçarje ndërmjet qytetarëve dhe figurave politike për kauza të rrejshme dhe agjenda të ngushta partiake.

Republika e Kosovës dhe qytetari i saj, ka nevojën për një lidership të përmasave të Anton Qetes e Kokruk Prishtinës. Një elitë politike që bashkon, unifikon, thërret në pika të përbashkëta për vendin. Largon pengesat, lehtëson diferencimet dhe ofron alternativ për çdo problem.

Populli i Kosovës gjithnjë në momentet më të ndjeshme politike ka ofruar alternativa politike dhe unifikim kombëtar karshi interesave dhe të ardhmes së vendit. Vota në këto zgjedhje nuk përcakton partinë politike apo emrat e përveçëm. Vota në këto zgjedhje përcakton fatin dhe të ardhmen e Kosovës.

Të nderuar qytetar të vendit, të kujtojmë mobilizimin mbarë shqiptar të viteve 1989-1999. Pajtim, falje, unifikim, vëllazërim për kauzën tonë të përbashkët, Lirinë e Kosovës, janë thjeshtë jeta jonë. Lidershipi i ardhshëm duhet të posedoj këto vlera.

Le të votojmë një lidership i cili asnjëherë nuk përqeshi, nuk nënçmoj, nuk ofendoj, nuk shantazhoj, nuk tradhtoj, nuk sulmoj, përkundrazi, pavarësisht vijave partiake, thirren në unitet për shtetin, thirren për bashkim ndaj interesave të vendit, thirren për maturi politike, sepse mbi gjitha jemi vëllezër shqiptar të gjithë. Jemi bijtë e bijat e këtij vendi pa cilët Kosova dhe hapësira e saj gjeografike nuk kanë më kuptim. Andaj të votojmë lidershipin e përmasave të Anton Qetes e Kukruk Prishtinës. Bashkohuni e mos u përçani.

Zoti e ruajt popullin tonë liridashës!

 

Kalendari

Ngjarjet e datës 22 tetor 2019 - Me rastin e 30 vjetorit të rënies së komunizmit, Instituti Shkencor Kosovaro-Suedez do të organizojë konferencën shkencore ndërkombëtare me titull '30-vjetori i rënies së sistemit komunist'. (Hoteli Sirius, ora 9:00)

- Nën patronatin e Kryeprokurorit të Shtetit mbahet dita e dytë e “Javës për të Drejtat e Viktimave të Krimit” me ç‘rast do të organizohet konferencë per koordinimin ndërinstitucional në trajtimin e rasteve të trafikimit të qenieve njerëzore si dhe sfidat në trajtimin e rasteve të dhunës seksuale gjatë luftës. (Hotel Emerald, ora 9:30)

- Drejtori i Zyrës për Rritje Ekonomike pranë misionit të USAID-it në Kosovë, Matthew Cullinane, do të flasë në hapjen e Konventës së tretë vjetore të Industrisë së Veshmbathjeve në Kosovë. (Hoteli Emerald, ora 10:00)

- Punëtorët teknik të Fakulteteve të UP-së “Hasan Prishtina” në Prishtinë, do të protestojnë para Rektoratit të UP-së. (Para Rektorati, ora 10:00)

- Nën patronatin e kryetarit të komunës së Mitrovicës, Agim Bahtiri do të mbahet Panairi i Sportit me të gjitha klubet sportive të qytetit të Mitrovicës. (Sheshi “Isa Boletini” në Mitrovicë, ora 10:00)

- Dega e Alternatives në Gjakovë mban konferencë për media. (Zyrët e Alternativës në Çarshinë e Jupave në Gjakovë, ora 11:00)

- Bëhet promovimi i librit “Gjinekologjia me obstetrikë  për infermieri dhe mami” me autore Prof. dr. Myrvete Paçarada dhe bashkautorë  Ass. dr. Vlora Ademi Ibishi dhe Ass. dr. Nyltene Kongjeli. (Biblioteka Kombëtare e Kosovës, ora 11:00)

- Më rastin e Ditës Boterore të Energjisë, Instituti për Politika Zhvillimore mban konferencë për media me temë 'Cilat duhet të jenë prioritete e qeverisë së re në sektorin e energjisë në Kosovë?  - Rekomandime dhe propozime nga shoqëria civile'. (Zyrët e Resource Center (Lagjja Pejton, Rr. Pashko Vasa, nr. 1, përballë Hotel Royal, ora 13:00)

- Këshilli Prokurorial i Kosovës mban takimin e 173-të. (Objekti i Prokurorisë së Shtetit, ora 13:30)

- ETEA organizon premierën e shfaqjes “Muret Flasin” që i dedikohet përkujtimit të organizimit të arsimit paralel gjatë viteve të '90-ta. (Shtëpia - shkollë “Sami Frashëri” e familjes Aliu - Hertica, ora 20:00)