17 Shtator 2019

Të qajmë apo festojmë për Kosovën

Shkruar nga Gani Qarri

Me brengë të thellë për fatin tëndë të mëtejmë dhe shpresën se ky nuk do të jetë përvjetori i fundit, që ti je e tëra dhe e pa ndarë, Kosova jonë e dashur-Urime nga zemra Pavarësinë!

Përderisa heroi i kombit Isa Buletini qysh në vitin 1913 të shekullit të kaluar, para diplomatëve të Fuqive të Mëdha, me krenari deklaronte; "Unë jam mirë, kur është mirë Shqipëria", kuslingu Hashim Thaçi, për më tepër se një shekull më vonë, po dëshmon hapur se është në gjendje ta shesë e zhbëjë tërë Kosovën, për të qenë mirë vetëm ai për vete duke rrezikuar gjithë të tjerët.

Edhe në përvjetorin e 11-të të Pavarësisë, në të cilin sapo hyjmë, Thaçi & CO, kudo dhe kurdo që flitet për Kosovën, në tavolinë gjithmonë mbajnë ndarjen, si opsion të parë!

Ndaj sot nuk di kush më, nëse më parë duhet të qajë, apo festojë për Kosovën.

Madje, siç duket atij nuk i bënë fare përshtypje, as fakti që edhe vet Presidenti i Shteteve të Bashkuara të Amerikës z.Tramp në letrën e sapo dërguar Aleksandër Vuçiqit, kërkon nga Serbia, njohjen e Kosovës shtet të pavarur në tërësinë e saj, si kurorëzim i një marrëveshje historike me pranimin e ndërsjellë të të dy vendeve, e cila do të vendoste paqen e përhershme në rajon.

Për aq më tepër, mungesa e një lidershipi vendor të njëmendtë politik për ta parandaluar ndarjen e Kosovës, ka bërë që ajo të shndërrohet në ushqimin kryesor të këtij presidenti kuisling dhe bashkëpunëtorëve të tij të shitur te Beogradi, të cilët mbijetesën në pushtet dhe blerjen e lirisë personale e kanë siguruar vetëm duke luajtur me ndarjen dhe ngrënë pjesë, pjesë, e shitur pak nga pak tokat e Kosovës.

Para pak kohësh edhe Ambasadori Amerikan në Beograd Kyle Scott, deklaronte se "Harta e Serbisë në Shtetet e Bashkuara të Amerikës dhe harta e Serbisë në Serbi janë të ndryshme!” (“The map of Serbia in the United States of Amerika and the map of Serbia in Serbia are different, Scott pointed out”)!.

Por përkundër të gjitha argumenteve të miqve tanë më të fuqishëm ndërkombëtar si SHBA, Britania e Madhe, Gjermania etj, për ruajtjen e tërësisë territoriale të Kosovës dhe pengimin e ndarjes së saj, sigurimi i fshehtë francez "DGSE" (Direction Générale de la Sécurité Extérieure“) dhe ai serb "BIA", siç duket e kanë përpunuar aq papërmirësueshëm këtë shërbëtor të tyre sa edhe ky, ta shohë me sy të njëjtë si Serbia, hartën e shtetit agresor serb ,të ngulitur thellë me kthetra, deri në brendësi të zemrës së Kosovës.

Ndaj edhe i vetmuar, presidenti kuisling Hashim Thaçi po vazhdon pareshtur, ti bie sa më fort që mundet, idesë së tij të çmendur, për ndarjen e Kosovës dhe faljen e veriut të saj, Serbisë, kështu që, prej kur kanë filluar bisedimet me këtë shtet ish okupator, rreziku për ndarjen e Kosovës kurrë nuk ka qenë më i madh e më prezent se sa në 11 vjetorin e Pavarësisë së saj.

Fatkeqësisht tendenca për ndarjen e shtetit tonë të brishtë, po bëhet gjithnjë e më konsistente, jo vetëm për shkak të përpjekjeve të pareshtura dhe sukseseve të diplomacisë serbe, por më tepër, nga efekti i kontributit të vazhdueshëm proserb të zëdhënësve dhe bashkëpunëtorëve vendor të Serbisë me në krye Hashim Thaçin, si dhe papërgjegjësisë totale të të gjitha segmenteve politike në Kosovë, të cilat po dëshmojnë katërçipërisht se janë të paafta të mbajnë shtet, nuk janë të rritura për përgjegjësi kaq të mëdha institucionale dhe u mungon tërësisht kultura e veprimeve shtetërore.

Madje, megjithëse kufijtë e Republikës së Kosovës janë vendosur me luftën e UÇK-s dhe ndërhyrjen e NATO-s, të cilët vetëm lufta sërish mundë ti luaj, zhvillimet e fundit po dëshmojnë se kuislingu Hashim Thaçi përveç përkrahësve në partinë e tij, ai ka mbështetës të fort për ndarjen e Kosovës edhe në partitë "kundërshtare", ndaj dhe 11 vjetori i Pavarësisë po e gjen Kosovën, më te rrezikuar se kurrë më parë, nga copëtimi dhe shpërbërja përfundimtare e saj si shtet i pavarur.

Përkundër faktit se si ndarjes ashtu edhe bashkimit të Kosovës me shtetet e tjera, i është vënë vijë e kuqe nga vet bashkësia ndërkombëtare, qysh në bisedimet për statusin e saj, presidenti kuisling dhe pushtetarët e shitur të vendit tek Serbia, nuk kalon javë as muaj, e të mos e ri-aktualizojnë ndarjen, duke e kamufluar herë si shkëmbim të territoreve, herë si bashkim i Preshevës, Bujanocit e Medvegjës me Kosovën, herë si korrigjim t¨de "lehtë" të kufijve të Kosovës me Serbinë, si çmenduri për ta shpëtuar veten, qoftë edhe me çmimin e zhbërjes së tërësishme, 20 vite pas çlirimit dhe 11 sosh nga shpallja e pavarësisë, të shtetit tonë të brishtë.

Ndaj me gjithë dëshirën e madhe dhe të zjarrtë, që si në çdo përvjetor tjetër edhe këtë vit, veçanërisht të frikshëm e  të pasigurt, t`ia urojë vendit tim ende të lirë dhe të tërë, 11 vjetorin e pavarësisë, kasta e dështuar dhe udhëheqësit e shitur  e mafioz, e kanë sjellë gjendjen deri në atë shkallë, sa që qytetarët të cilët vërtetë e duan me gjithë zemër shtetin e vet, nga frika e ndarjes me të cilën kuislingu Hashim Thaçi po u rri pareshtur mbi krye, të mos dinë më, nëse më parë duhet të qajnë, apo të festojnë edhe në këtë ditë të ëndërruar gjatë, të shënuar dhe të shumëpritur për Kosovën.

Kosova jonë e dashur, me brengë të thellë për fatin tëndë të mëtejmë dhe shpresën se ky nuk do të jetë përvjetori i fundit, që ti je e tëra dhe e pa ndarë, Urime nga zemra Pavarësinë!



 

Kalendari

Ngjarjet e datës 17 shtator 2019 - Mbahet dita e dytë e  konferencës më të madhe për zhvillimin e qëndrueshëm në rajon më temë 'Energjia për tv ardhmen'. (Hotel Emerald, ora 9:30)

- Komuna e Gjilanit bën homazhe në 20-vjetorin e rivarrimit të dëshmorëve të kombit. (Kodra e Dëshmorëve në Gjilan, 10:00)

- Komuna e Rahovecit mban mbledhjen e nëntë te rregullt te Komiteti për Politik dhe Financa. (Rahovec, ora 10:00) 

- Me rastin e vdekjes së veprimtarit të shquar romë, Nexhip Menekshe do të mbahet mbledhje komemorative për të kujtuar veprimtarin e pasur të së ndjerit si: dramaturg, gazetar, poet dhe arsimtar të gjuhës rome. (Shtepia e Kulturës “Xhemajli Berisha” në Prizren, ora 11:00)

-  Lëvizja Fol organizon diskutimin e radhës në kuadër të Forumit Fol Hapur me kandidatin e Vetëvendosjes për Kryeministër, Albin Kurti. (Zyrat e Lëvizjes FOL,  ora 11:00)

- Ambasada Hungareze në Prishtinë bën prezantimin e programit për Javët e Kulturës Hungareze, të shoqëruar me nga një gotë verë, dhe biseda joformale me gazetarët. (Ambasada e Hungarisë, rr. Arben Xheladini 157 në Prishtinë, ora: 13:30)

- Kandidatja e LDK-së për Kryeministre, Dr. Vjosa Osmani, viziton këto biznese në Suharekë: Fabrikën për prodhim këpucësh “Solid”, Kompaninë “Seti Comerc”, Fabrikën e mobilieve “Te Naseri” dhe Fabrikën e pijeve “Frutex”. (Suharekë, ora 14:00)

- Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotim për zgjedhjet e parakohshme për Kuvendin e Republikës së Kosovës që do të mbahen më 6 tetor 2019. (Ndërtesa e KQZ-së, kati 4, ora 16:00)  

- Komuna e Gjilanit shënonë 20-vjetorin e rivarrimit të dëshmorëve të kombit. (Teatri i qytetit në Gjilan, 16:00)

- Mbahet tubimi promovues për kandidatët e parlamentit të Kosovës të Nismës Socialdemokrate në Lipjan. (Salla e Shtëpisë së Kulturës “Tahir Sinani” në Lipjan, ora 18:00)

- Kandidatja e LDK-së për Kryeministre, Dr. Vjosa Osmani mban takim me grupin e OJQ-ve në Gjakovë. (Hotel Çarisha e Jupave. ora 18:30)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e Gjakovës. (Qarshia e vjetër, Loma e Drithit, ora 19:00)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e fshatit Ratkoc. (shkollën fillore e fshatit Ratkoc, ora 20:30)