25 Shkurt 2020

Taksa e la edhe Isën pa rrota

Shkruar nga Gani Qarri

 Masa e domosdoshme e taksës së vënë 100% kundër mallrave të Serbisë, siç duket nuk u ka pëlqyer aspak sidomos ish bashkëpunëtorëve besnik të sistemit okupues të Serbisë dhe ndonjë nga “pogllavarët” e partive të “mëdha” aktuale në vend.

Madje nga sikleti, mu në ditët kur luftohej për ratifikimin e demarkacionit me Malin e Zi, në parlament, se ai mund të mos miratohej nga deputetët dhe rrjedhimisht do të kërkohej përgjegjësi pikësëpari prej tij, si përgjegjës për nënshkrimin e marrëveshjes për demarkacion dhe atë për krijimin e “zajednicës” serbe në veri, Isa burri jo vetëm se u sëmurë “rëndë” por nuk i besoi as “Bondstillit” amerikan se do ti gjente ilaç, ndaj pati ikur fare në Gjermani.

Atje përveç se qëndroi një kohë bukur të gjatë, edhe kur u kthye në Kosovë, kuptohet kohë pasi që qe miratuar me rrena e manipulime demarkacioni në Kuvend, ai sërish nuk lajmërohej as dilte ta shihte kush publikisht,kinse ende nuk ndjehej sa duhet mirë.

Për habi, me të vendosur Qeveria e Kosovës taksën 100% kundër invadimit të mallrave të Serbisë në vendin tonë, Isa demokrati jo vetëm se u ndie i gjallë dhe i shëruar tërësisht, por shtyni një nga shërbëtorët e vet më të dëgjueshëm që të deklaronte pa fije turpi as ndërgjegje njerzore se LDK do ta rrëzonte (po të mundej) Qeverinë aktuale edhe me votat e Lëvizjes Serbe.

Madje pasi që as kjo nuk piu ujë, ai thirri vet mbledhjen e kryesisë së partisë, dhe krejt çfarë tha e bëri,ishte deklarimi tejet i prekur, se vendimi i Qeverisë qenka populist dhe dikush paska bërë pazare me të, duke shtuar se ai de partia e tij,sërish do ta shohin mundësin për ta rrëzuar Qeverinë, pa cekur se me cilin subjekt tanimë.

 E ajo që vërehej dhe kuptohej qartë edhe në këto momente hidhërimi për të, është fakti se me zbehjen e shfaqur nga pakënaqësia dhe shprehjen e syrt nga pezmatimi, ai vet la të kuptohet se nuk e kishte fare hallin tek vuajtjet e populli, por tek fitimet e të birit.

Kjo për faktin se qysh në koalicionin e njohur me Hashim Thaçin, si dëmshpërblim për tradhtinë e Isës ndaj partive opozitare, Thaçi ia pati falur që atëherë vetëm djalit të Isa Mustafës licencën ekskluzive për importimin e gomave të BMW-s nga Serbia.

Ndaj me akuzën ndaj taksës së Qeverisë si veprim populist dhe qëllim të bërjes pazare, Isa i LDK-s, shprehu jo vetëm pezmin për mundësin e shuarjes së licencës ekskluzive të të birit me Serbinë, por edhe dëshpërimin e madh se mund të gjendet tjetër furnizues nga persona krejt tjerë dhe mu në pikë të sezonës së dimrit kur ngasësit e BMW-ve duhet ti ndërrojnë gomat e makinave, Isa me të birin nuk do të kenë më as për vete rrota të Serbisë.


 

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)