18 Shtator 2019

Shkarkimi dhe vënia e Hashim Thaçit para drejtësisë, obligim i shtetit

Shkruar nga Gani Qarri

Rrentë dhe matrapazllëqet e pafundme të kryetradhtarit të të gjitha kohëve të këtij vendi Hashim Thaçit, deri edhe në vet Shtetet e Bashkuara të Amerikës, për ndarjen e Kosovës, kanë bërë që pa kaluar as tre muaj të plotë nga ardhja e ambasadorit të ri amerikan, Philip Kosnett, marrëdhëniet ndërmjet Shtetit të Kosovës dhe Shteteve të Bashkuara të Amerikës, nga pafundësisht të mira dhe të pakrahasueshme në botë, të përkeqësohen deri në pikën më të ulët të tyre, në prag të 20-vjetorit të çlirimit të vendit.

Pas tradhtive dhe gënjeshtrave të njëpasnjëshme dhe më të paskrupullta që kanë përjetuar ndonjëherë në histori shqiptarët, nga krye-kuislingu i të gjitha tradhtive të deritanishme, Hashim Thaçi, e para që do duhej të reflektonte është Qeveria e vendit me kryeministrin Ramush Haradinaj si dhe deputetët e Kuvendit të Kosovës me ndërmarrjen urgjente të hapave të nevojshëm ligjor,për shkarkimin e menjëhershëm të këtij matrapazi të pa ndërgjegje as fytyrë, dhe vendosjen e tij urgjente para drejtësisë për tradhti të lart kombëtare.

Të lë pa mend fakti se si edhe profesori i bahçeve në vend se ta kritikojë Thaçin për tradhtitë që i bën vendit dhe mësuesin e vet dhe të partisë që e bëri kuislingun Thaçi president, pa fije turpi, kritikon kryeministrin pse ai është vënë në mbrojtje të Kosovës, duke i veshë "dështime" që pjesërisht janë edhe të eskortës së tij politike.

Tanimë është plotësisht publike dhe veprimet antiligjore e kundërkushtetuese, nenet kryesore të të cilës kuislingu Hashim Thaçi i ka shkelë në vijimësi me dhjetëra herë, vërtetojnë katërçipërisht se pas futjes së gjithë vendit në një rrugë të pakrye, ai përfundimisht po tenton, që ta shes e copëtojë dhe ta zhbëj tërësisht edhe shtetin e Kosovës.

Ndaj shkarkimi urgjent i këtij rrenci dhe lëngaraqi të pafytyrë, është detyrë mbi detyrat dhe obligim i pakalueshëm moral e ligjor i të gjithë spektrit politik dhe partive të vendit, për shpëtimin e shtetit tonë, nëse nuk duan të mallkohen nga historia dhe mbajnë përgjegjësinë e barrës së tradhtisë, në gjithë jetën e tyre.

Kryekuislingu Hashim Thaçi me tradhtitë e tij të vazhdueshme ndaj popullit dhe shtetit të Kosovës, është bërë plotësisht i pabesueshëm që të guxojë të mbaj edhe më tej përgjegjësi aq të larta politike dhe tërësisht i pa tolerueshëm nga vet ligji dhe kushtetuta e vendit, për udhëheqjen e punëve kaq të rëndësishme shtetërore për Kosovën.

Ndaj vendimi për shkarkimin dhe vënien urgjente të tij para drejtësisë, është detyrim historik i të gjitha segmenteve vendimmarrëse shtetërore dhe politike, vendim për të cilin nuk ka më kohë për hamendje as zhargitje dhe që detyrimisht, duhet të ndërmerret sa më parë dhe menjëhershëm, në mënyrë që të mund të mbrohet integriteti i vendit dhe interesi i qytetarëve, si dhe të shpëtohet tërësia territoriale e shtetit të pavarur të Kosovës.



 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)