18 Shtator 2019

Respektoni mësimdhënësit, mos ua ulni dinjitetin

Letër drejtuar deputetëve të Parlamentit të Republikës së Kosovës!

Respektoni mësimdhënësit. Mos ua ulni dinjitetin!

Shkruar nga Msc. Adem Lushaj


Ligji i shumë përfolur për nivelizimin e pagave në gjitha institucionet publike të Republikës së Kosovës, ka vendos në njërën nga kategoritë e fundit, punëtorët arsimor që punojnë në arsimin fillor dhe të mesëm.

Ky rangim i bërë, jo vetëm që është nënçmues, por edhe do ndikon në uljen e dinjitetit të mësimdhënësit.

Me aprovimin e këtij kategorizimi të pagave, po nënvlerësohet arsimi, si bazamenti kryesor i një shteti.

Të nderuar anëtar të Kuvendit të Republikës së Kosovës, të zgjedhur me votën e popullit?!

Jam i bindur se keni lexuar apo dëgjuar për thëniet e njerëzve më eminent të botës, të cilët vlerësojnë lartë punën në arsim.

Jam shumë i bindur se keni njohuri të mjaftueshme, se për të pas shoqëri të zhvilluar, për të pasur shtet të zhvilluar, duhet të ketë arsim cilësor.

Duhet të jeni shumë të vetëdijshëm se “mësimdhënia është profesioni që mëson gjitha profesionet tjera”.

Duke mos dashtë të bëj dallime apo vlerësime individuale, por më së shumti kërkojmë nga deputetët të cilët vijnë nga fusha e arsimit, apo ata të cilat prindërit e tyre, ishin apo janë punëtor të arsimit.

Ju, mund të vlerësoni më së miri rëndësinë që ka një mësimdhënës me dinjitet dhe profesionalisht i përgatitur.

Ju, mund të kuptoni gjendjen shpirtërore të mësimdhënësit, kur s’ka mundësi për ofrim të kushteve mesatare, për fëmijët e tyre.

Kuptojeni në çfarë gjendje është mësimdhënësi, kur brenda muajt as vitit, nuk mund të bën një shëtitje për qejfi, me familjen e tij.

Hulumtoni dhe merrni të dhëna, se sa mësimdhënës që kanë të vetmen të hyrë buxhetore ka pagën e tij, ka qenë për pushime verore në ndonjërin nga bregdetet më të lira, kudo qofshin.

Të nderuar ligjvënës që keni përjetuar vitet e 90-ta!

Kthejeni kujtesën e juaj në ato vite, në vendosmërinë e mësimdhënësve për ti rezistuar dhunës së egër serbo-sllave.

Këtë rast, nuk dëshirojmë të anashkalojmë as përkrahjen e bashkatdhetarëve, dhe njerëzve të vullnetit të mire.

Kujtoni prindërit tuaj, si ballafaqoheshin si mësimdhënës, me dhunën shtetërore të Millosheviqit.

Kujtoni mësimdhënësit që rrokën armët në mbrojtje të vendit, për lirinë dhe pavarësinë e Kosovës. Mendoni në mësimdhënësit që dhanë jetën për këtë vend, për arsimin shqip.

Askush nuk e mohon se niveli i mësimdhënies, është i duhur. Asnjëri nga mësimdhënësit nuk është i kënaqur me rezultatet që arrihen në punën edukative-arsimore.

Por, politika e “fëlliqur”, ka bërë që cilësia në arsim, të mos jetë në nivelin më të lartë. Analfabetët me diploma politike dhe punësimi i tyre në mësimdhënie, ka bërë që mos të kemi të arritura të larta në mësimdhënie.

Analizoni politikat qeverisëse në fushën e arsimit, duke u thirr në emër të reformave në arsim.

Apo, realizim i projekteve “madhore” për përftime personale dhe grupore. Merrni të dhëna dhe testoni njerëzit politik që janë në vendet menaxhuese në institucionet arsimore.

Pastaj, do jeni në gjendje të vlerësoni profesionalizmin e vërtetë të mësimdhënësit.

Të nderuar anëtar të legjislativit të vendit!

Mendoni për të ardhmen e vendit, për periudha afatgjate, e jo për grupe të interesit. Po ua rikujtojë një thënie: “nëse mendoni për një vit, mbjellë një farë.

Nëse mendoni për 10 vjet, mbjellë një pemë. Nëse mendoni për 100 vjet, mëso njerëzit”!

Arsimin në Kosovë po e shkatërron politika dhe njerëzit analfabet të pajisur me diploma politike.





 

Kalendari

Ngjarjet e datës 19 shtator 2019 - Në Universitetin “Ukshin Hoti” në Prizren të zhvillon punimet një punëtori nga Garda Kombëtare e Iowa në SHBA dhe Forcës të Sigurisë së Kosovës. (Universiteti “Ukshin Hoti” në Prizren, ora 8:00)

- Mbahet mbledhja e Kuvendit të Komunës së Mitrovicës. (Salla e Kuvendit të Komunës, ora 10:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Mamushës  ku do të takoj kryetarin e kësaj komune, Abdülhadi Krasniç , për të diskutuar rreth përgaditjes së Garës Nacionale të Sportit. (Objekti i komunës, ora 10:15)

- Fillon skema e re e projektit per fuqizimin e angazhimit të ndërtimit të pronësisë i financuar nga BE që synon të mbështesë punën e OJQ-së për një Kosovë të gjelbër. (Sheshi Zahir Pajaziti, ora 10:30)

- Në kuadër të Javës për Zhvillim të Qëndrueshëm në Kosovë, Balkan Green Foundation dhe Instituti për Politika Zhvillimore organizojnë eventin që thekson të arriturat dhe ndikimin në komunitet nga projekti “Empower - Engage Build Ownership” i mbështetur nga Zyra e Bashkimit Europian në Kosovë. (Amfiteatri i Sheshit Zahir Pajaziti, ora 10:30)

- Në faqen e KDI-së në Facebook, mbahet bashkëbisedimi LIVE për dialogun Kosovë-Serbi, me kandidaten për kryeministre znj.Vjosa Osmani nga Lidhja Demokratike e Kosovës. (KDI, ora 12:00)

- Lëvizja FOL organizon diskutimin e katërt në kuadër të Forumit FOL Hapur me kandidatin për Kryeministër nga Koalicioni Aleanca për Ardhmërinë e Kosovës, Partia Socialdemokratike. Ramush Haradinaj. (Lëvizjes FOL, ora 13:00)

- Mbahen ndeshjet e ligës së femrave dhe ligës së juniorëve në pingpong. (Ferizaj, ora 18:00)

- Kryetari i Lëvizjes Vetëvendosjes, Albin Kurti takohet me qytetarë të Prishtinës. (Hotel Sirius, ora 18:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Ferizajt. (Restaurant “Fitorja”. ora 18:00)

- Bëhet hapja e ekspozitës personale të piktorit Vehbi Murati, e titulluar “Një ditë e zakonshme shtatori”. (Galeria e Ministrisë së Kulturës, ora 19:00) 

- Kryetari i Lëvizjes Vetëvendosjes, Albin Kurti takohet me banorë te Malishevës së Gjilanit. (Fshati Malishevë, ora 20:00)

 - Kryetari i Lëvizjes Vetëvendosjes, Albin Kurti takohet me banorë te Pozhoranit. Pozhoran, ora 21:00)