18 Shtator 2019

Pse është koha për Forcën e Sigurisë së Kosovës

Shkruar nga Behxhet Pacolli
 
Si çdo shtet sovran dhe i pavarur, Kosovës i nevojitet ushtria për të mbrojtur integritetin e saj territorial dhe qytetarët e të gjitha komuniteteve. 

Kjo është arsyeja pse ne po e fillojmë procesin e transformimit të mandatit të Forcës së Sigurisë së Kosovës (FSK).

Kjo do të përbëjë një tranzicion të disiplinuar dhe transparent të FSK-së në një ushtri profesionale, shumë-etnike dhe ndër-vepruese me NATO-n.

FSK-ja e tanishme është një forcë e armatosur lehtë, me forcë prej 2,500 pjesëtarëve të trajnuar nga NATO dhe e ngarkuar për të reaguar ndaj krizave, mbrojtje civile dhe deminim.

Projekt ligjet e votuara në Parlamentin tonë javën e kaluar, parashohin një ushtri prej 5,000 ushtarëve aktiv dhe 3,000 rezervistëve. Me pak fjalë, kjo përbënë përfundimin logjik dhe të natyrshëm të zhvillimit të aparatit të sigurisë së Kosovës.

Është hap i domosdoshëm të cilin Kosova duhet marrë, si shtet i pavarur dhe si pjesëtar i bashkësisë ndërkombëtare.

Transformimi i FSK-së e simbolizon statusin e Kosovës si shtet i pavarur, status i konfirmuar nga 116 shtete anëtare të Kombeve të Bashkuara, së bashku me 82 për qind të shteteve anëtare të BE-së dhe 86 për qind të shteteve anëtare të Nato-s.

Pse tani?

Pse po shtyhet përpara kjo tani? Pyetje me e mirë është, pse jo tani?

Nuk ka kohë sikurse kjo e tanishmja për sa i përket mbrojtjes së popullit tuaj.

Nuk është nevoja të thuhet, gjëja më e rëndësishme në agjendën tonë të politikës së jashtme është  dialogu i vazhdueshëm me Serbinë.

Megjithatë, zhvillimi i Kosovës, siguria e popullit të saj dhe stabiliteti i rajonit të gjerë nuk mund të mbahen peng nga kjo çështje.

Tani, projekti jonë përkrahet nga disa anëtarë kyç të Nato-s, duke përfshirë Shtetet e Bashkuara.

Por, është e rëndësishme që çështja të kuptohet nga bashkësia më e gjerë ndërkombëtare, sepse ende ka keqkuptime në lidhje me qëllimin e projektit tonë.

Logjika mbizotëruese është që FSK-ja e sendërtuar dhe e transformuar do të jetë faktor i sigurisë së brendshme për Kosovën dhe stabilitetin në një rajon jo stabil.

Për më tepër, status quo-ja e rregullimit të sigurisë tonë kombëtare nuk është e qëndrueshme, dhe roli i FSK-së do të jetë qenësor për të mbrojtur tërë popullin kosovar me profesionalizëm të shtuar dhe mendim rigoroz ushtarak të paanshëm.

Më e rëndësishmja, ambicia jonë është të krijohet një ushtri vërtetë gjithëpërfshirëse, pavarësisht etnisë, e cila në mënyrë paqësore do të fuqizojë identitetin dhe shtetësinë kosovare dhe do të jetë një hap përpara për të tejkaluar ndarjet rajonale.

Tranzicioni i FSK-së do të përfshijë dhe do të përfaqësojë të gjithë ata që jetojnë në Kosovë.

FSK-ja natyrisht do të jetë qenësore në ruajtjen e sovranitetit të Kosovës, në koordinim të plotë me aftësinë mbrojtëse të fqinjëve të saj.

Kjo do t’i mundësojë Kosovës të kontribuojë në sigurinë rajonale dhe ndërkombëtare, si në periudhë afatshkurtër ashtu edhe afatgjatë, nëpërmjet pjesëmarrjes në operacione paqeruajtëse shumëpalëshe dhe në organizimet e shtuara kolektive të sigurisë.

Është pjesë e synimit strategjik të Kosovës që së shpejti të bëhet anëtare e Nato-s, sikurse fqinjët e saj Shqipëria, Mali i Zi dhe Maqedonia.

Si pjesë e përkushtimeve tona si anëtar i plotë dhe i barabartë i bashkësisë ndërkombëtare, ne dëshirojmë të jemi shtet, i cili nuk është vetëm konsumues i sigurisë, por ofrues i sigurisë.

Si i tillë, ky është po ashtu hap i rëndësishëm dhe i nevojshëm për aleatët tonë.

Me shtimin e aftësive dhe përvojës së tanishme të FSK-së, me anë të trajnimit të personelit dhe modernizimit të pajisjeve, ne kërkojmë të ushqejmë bashkëpunimin e Kosovës në fushën e sigurisë me fqinjët e saj, BE-në dhe SHBA-në për ballafaqimin me sfidat ndërkombëtare të sigurisë.

Vitin e ardhshëm, ne do të përkujtojmë njëzetvjetorin e fillimit të sulmeve ajrore të Nato-s, më 24 mars 1999, që i dha fund spastrimit etnik të shqiptarëve të Kosovës nga regjimi serb i Sllobodan Millosheviqit.

Ne, përherë do t’i jemi mirënjohës Forcës së Kosovës të udhëhequr nga Nato-ja, e cila i ka sjellë shtetit tonë të ri stabilitet dhe siguri, dhe i ka trajnuar forcat e sigurisë sonë në zhvillim gjatë dy dekadave të fundit.

Por, siç tregon thënia, një mësuesi i kthehet me të keq, nëse nxënësi i tij gjithnjë mbetet vetëm nxënës.

Kosova i ka borxh këtë hap si popullit të vet po ashtu edhe bashkësisë ndërkombëtare.

I bëjë thirrje të gjithë anëtarëve të Nato-s, që të ndjekin shembullin e Shteteve të Bashkuara për të na mbështetur.

Behgjet Pacolli është zëvendëskryeministër i parë dhe ministër i punëve të jashtme i Republikës së Kosovës.

 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)