04 Mars 2021

Pse antiamerikanizmi

Pengimi i të keqes len përshtypjen e bamirësisë. (S.Istuk)

Shkruar nga Zejdush Kastrati

Eshtë tmerruese dhe shokuese, kur nga dita në ditë shtohen zërat dhe opinionet në Kosovë, se njerëz të fuqishëm nga shtetet që na ndihmuan më së shumti, dhe po na ndihmojnë edhe tani, qëndrojnë mbrapa aferave më të mëdha korruptive që kanë përfshi Kosovën, dhe që janë brenge edhe të qeverive, të atyre shteteve, prej nga vijnë ata.

Edhe vizita e fundit e Presidentes se Kosovës në SHBA, dhe takimi e mbështetja qe iu premtua asaj nga i pari i Agjencisë Shtetërore për luftimin e korrupsionit si dhe FBI, pastaj fjalimi i Kancelarës gjermane Angela Merkel, dhe kërkesa e saj decidive, për të luftuar urgjentisht, krimin dhe korrupsionin, si çështje me prioritet për Kosovën, në realitet, paraqesin një pasqyrë të qartë, se vendi është në rrezik nga këto fenomene, që më së shumti dëmtojnë dhe shkatërrojnë një shtet, në veçanti Kosovën si shtet me institucione të brishta, e që fatkeqësisht, pos premtimeve boshe, që po trumbetojnë liderët kosovarë, tani e shumë vite, nuk po luftohet e pengohet,por nga raportet dhe  shifrat që po publikohen, po kuptohet se këto dukuri nga dita në ditë po rriten e shtohen.

   Më konkretisht,shpresat më të mëdha, kosovarët si kolektivitet, i kanë pasur dhe me siguri akoma i kanë, tek amerikanët dhe qeveria e tyre,(kohëve të fundit edhe tek gjermanët…) por pa mëdyshje, krijimi i një opinioni, i cili është në rritje e sipër, se mbrapa “allishverisheve” të “peshqve t’mëdhenj’”,qëndron,edhe ambasadori amerikan Kristofer Dell,është, një sinjal i keq,edhe për neve , por me siguri edhe amerikanët, dhe ky përceptim,me vend apo pa vend,i barazueshëm apo jo, po ndikon, edhe në krijimin e një disponimi që mund të quhet edhe antiamerikanizëm, i cili, pa dyshim, duhet, të analizohet, zbërthehet e debatohet urgjentisht, jo vetëm nga institucionet vendore por edhe ndërkombëtare, por edhe nga shoqëria civile(edhe pse e lodhte) edhe nga mediat(edhe pse edhe këto mjaftë servile,frikacake …) me qëllim të vetëm, që e vërteta, të dali sa më parë në shesh,sa s’është bërë vonë.

  Emri i këtij ambasadori, nga superfuqia botërore,për shumë kosovarë, posa të përmendet, lakohet si personalitet i gjithëpushtetshëm,(herë-herë i arsyeshëm),pastaj,si pjesë apo krye personazh të aferave të pista , që kanë qenë dhe janë pjesë e shkrimeve edhe nëpër disa media kosovare, pastaj edhe si pjesë e klaneve më të përfolura për afera korruptive në Kosovë.

  Në veçanti, mbështetja që i është dhënë, dhe po i ipet, njerëzve, që kanë mbajtur në të kaluarën poste me rëndësi, në qeverisje apo institucione tjera,por edhe në këto momente,po nga ky ambasador, pastaj fuqizimi i tyre publikisht,në një anë, duke i joshur ata, se mbrapa tyre, qëndron dikush i fuqishëm,e në anën tjetë për të krijuar hapësirë dhe klimë të favorshme për ta, që pa fije turpi, të deklarohen, edhe nëpër ndeja e ahengje të ndryshme,por edhe nëpër disa media , se mbrapa tyre, kanë Amerikën dhe ambasadorin Dell, edhe pse opinioni i gjerë kosovarë, shumicën e tyre, i njehë, shumë mirë, megjithatë , janë këto , vetëm disa nga shkaqet apo arsyet, që e pranuam apo jo,po krijohet një opinion, që me siguri, asnjë kosovarë, apo shqiptarë, nuk ka dashur dhe nuk dëshiron, të krijohet, për Amerikën dhe amerikanët.

  Ambasadori Dell, prapëseprapë,është respektuar dhe me siguri do të respektohet edhe më tutje në Kosovë, në radhë të parë, pse është amerikan dhe vjen nga Amerika mike,por gjatë mandatit të tij, i cili me admirim, po pritet, të përfundojë sa më parë,ka bërë, edhe shumëçka, që nga shumë kosovarë, mendohet, se nuk është dashur të ndodhin, me izën ,planin dhe bekimin e tij, por ajo që më së tepërmi, i zihet për të madhe, është, se ky ambasador i gjithëfuqishëm, bëri shumë pak, për luftimin e krimit dhe korrupsionit, që lulëzoi gjatë mandatit të tij sa ishte ambasadorë dhe më i forti në Kosovë, e herë herë, linte përshtypjen, se ishte, edhe ai, pjesë e këtyre veprimeve,andaj një pjesë e fajit me shumë arsye , duhet ti faturohet, pikërisht atij, sepse ai kishte mundësi dhe fuqi, të na ndihmonte më së shumti në luftimin e kësaj të keqeje të madhe , e cila vendin ,po e mbanë më së shumti pengë të proceseve në të cilat duhet të shkoj Kosova.

Na kujtohen, edhe opinionet pozitive, që ishin krijuar në kohën kur u zëvendësua Kajdanova, dhe fliteshin fjalë të mëdha për këtë ambasadorë, se shumë shpejt, Kosovën do ta pastrojë nga krimi i organizuar dhe korupcioni, dhe merreshit si shembull i mirë për punë të shkëlqyer që kishte ba në këtë drejtim në Bullagri, ku kishit shërbyer ambasador ,por si duket, atje kishte obligime shtesë, pasi që ishte edhe dhëndër i këtij shteti, që po i sjell probleme edhe tani Europës,por si duket mandati i tij në Kosovë, ishte tjetër fare,apo ndoshta ndryshuan kohërat por edhe akterët, apo ”rastësisht” u takua me një shoqëri që”e prishi” !Bullgarët e kanë një thënje që ka një simbolikë shumë interesante”As te osllobodiv,as te…”

  Me bindje të plot e them, se Ju z amabasador,keni mund të na ndihmoni më së shumti në ndërtimin e një shteti ligjor,i cili për momentin më së shumti po na mungon, e që do të ishte garantë,  se Kosova, do të fuqizohet e zhvillohet, për të qenë shembull dhe model, edhe për shtetet e rajonit.

Këtu nuk na ndihmove …z. Ambasador! Pse-në e dini Ju z, Amabasadorë. Mbrapa jush u mëshehën dhe po mëshehen “peshqit e mëdhenjë”,që për cdo ditë po na rrezikojnë shumë e më shumë.

Megjithate,shpresa mbetet e fundit.Ndoshta amabasadori i ri,që do të ju zëvëndësojë, do ta ketë agjendë tjetër veprimi.

 

 

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)