22 Nëntor 2019

Nuk i kam shkruar askujt asnjë rresht apo libër të caktuar

Shkuran Metush Zenuni

Në lajmet e Mbrëmjes në KTV, dhe në portalin Kallxo.com, me shkrim të znj.Erolinda Ukaj, të datës 10.10. 2019, në temën për të Gjykuarit ,,SYRI I POPULLIT,, është thënë se njëri nga të akuzuarit e këtij rasti, Sabit Berisha, në fjalën e tij paska deklaruar ,, Gruaja e Murat Jasharit më ka thënë se librin ,,Lufta e pambaruar,, e ka shkruar Metush Zenuni.

E para, Sabit Berisha nuk është dashur të bazohet në fjalët e zonjës Selvije Jashari, gruja e autorit të librit, kur aty afër e ka pasur vetë autorin dhe është dashur ta pyes, a e ka shkruar librin Metush Zenuni, dhe besoj se do të merrte përgjigjien adekuate.

E dyta, ekipi redaktues i Kohës Ditore dhe vetë gazetarja folëse e lajmeve në KTV, është dashur ta respktojnë etikën e gazetarisë dhe të privatësisë, dhe të mos e përmendnin emrin tim publik në emisionin e tyre të lajmeve, sepse me këtë rast kanë bërë vepër penale me paramendim, duke e bërë pa asnjë bazë, deklaratën e z.Berisha si fakt të kryer dhe duke dëmtuar imazhin tim par familjes, kolegëve të mi dhe opinionit të gjerë.

Unë, Metush Zenuni, me banim të përkohshëm në Fribourg të Zvicrës, nga viti 1988, me profesion Historian, Magjistër i shkencave të historisë, me përgjegji deklaroj dhe betohem se do të them vetëm të vërtetën për rastin në fjalë.

Nga viti 1991-1998, kam qenë në strukturat e LPK-së në Zvicër, konkretisht në Kryesinë e LPK-së, Këshilli i Rrethit për Kantonin e Fribourgut, për një mandat kam qenë edhe Sekretar i Këtij Këshilli, ndërsa deri në shkuarjen time në luftë, fundi i majit 1998, kam qenë anëtar i Kryesisë dhe anëtar i Fondit ,,Vendlindja Thërret,, për këtë Kanton.

Gjatë veprimtarisë time si anëtar i LPK-së, jam njohur me Murat Jasharin, e posaqërisht me vëllaun e tij, z.Ismet Jasharin, tani hero i kombit.

Pas rikthimit tim në Zvicër më 05 shtator 2010, kam vizituar disa herë Murat Jasharin në banesën e tij në Fribourg, ndërsa bashkë kemi shkuar edhe te famija e vëllaut të tij, e shokut tim të luftës, Ismet Jasharit, e cila banon në Mudon të Zvicrës, një qytet i vogël mes Fribourgut dhe Lozanës.

Nga viti 2012-2015, kam banuar në qytetin e Fribourgut, shumë afër banesës së z.Murat Jashari, dhe meqë isha i vetëm e pa familje, kam shkuar shumë shpesh pasdarkave te banesa e Murat Jasharit, me të cilin kam biseduar tema familjare, politike, të luftës, por edhe të veprimtarisë sonë në kuadër të LPK-së.

Kam qenë i njoftuar për letrat e tij kundër disa veprimtarëve të LPK-së dhe familja e Muratit e dijnë fare mirë se unë nuk jam pajtuar me qasjen dhe formën e të shkruarit të letrave të tij, edhe pse e kam kuptuar mllefin dhe zhgënjimin e zotit Jashari me ish-shokët tanë tani në pushtet.

Librin ,, Lufta e pambaruar,, e kam marrë nga z.Murat Jashari dhe e kam lexuar shkarazi, sepse akuzat e tij me nivel të tij të shkrimit, nuk më kanë dhënë ndonjë risi për ta lexuar të tërin dhe me vëmendje.

Këtë libër e kam edhe sot e kësaj dite në bibliotekën time, ashtu siq i kam mbi 1000 libra të ndryshme të autorëve të ndryshëm.

Për shkuarjen time te z.Murat Jashari dhe për letrat e librin në fjalë, nuk është hera e parë që kam marrë etiketimin nga shokët, pushtetarët dhe tash edhe nga mediat, por të gjithëve ju kam përgjigjur, e madje edhe zotit Kadri Veselit ne një bisedë që kemi pasur në mesengjer në janar 2013, se ,,Nuk ka bir nane që mundet me më dirigju në jetën time, se ku me shku e me kend me folë. Unë vendosi vetë në zgjedhjen e shokëve dhe miqve të mi dhe rri e flas me ata që mua më pëlqejnë, dhe nuk ndahem nga ata vetëm pse ata nuk i pëlqejnë pushtetit apo një grupi njerëzish,,.

Këtë e di shumë mirë edhe zoti Kadri Veseli, si ish- shoku ynë i përbashkët, por edhe të gjithë ,,shokët,, tjerë !

Deklaroj me përgjegjësi morale dhe juridike se nuk i kam shkruar zotit Murat Jashari dhe askujt deri më sot, asnjë rresht dhe për asnjë shkrim apo libër të caktuar.

Mbaj përgjegjësi vetëm për shkrimet që janë botuar në mediat e shkruara dhe elektronike, e të cilat e kanë emrin tim në fund, Metush Zenuni, ose në fb, Metë Dura.

E kundërta e kësaj do të ishte zhvlerësim i punës time shkencore dhe gradës së arritur me dije dhe shumë mund, Master i shkencave të Historisë në Universitetin e Prishtinës.

Këto që thashë, jam në gjendje ti mbroj kudo, në gjyq, në rrugë, në odë, në kafene, por edhe para popullit dhe para zotit. Të gjitha tjerat që thuhen për mua dhe rreth meje, janë shpifj të personave me moral dhe integritet të ulët, apo të personave me mendje të sëmurë !

Me shumë respekt,
Mr.sc. Metush Zenuni, Riedlistr.48, 3186 Düdingen -Zvicër, Tel & wiber: +41 (0) 76 440 7857, Email : zenuni.metush@hotmail.com

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Presidenti i Republikës së Kosovës, Hashim Thaçi, merr pjesë në konferencën “Nisja e sondazhit për mirëqenien dhe sigurinë e grave në  Kosovë”, e cila organizohet nga OSBE. (Hoteli “Swiss Diamond”, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Fondacioni Geoffrey Nice në bashkëpunim me “Qendrën për të Drejtat e Njeriut” të RIT Kosov organizon konferencën dy ditore me temë "Narrativat Kalimtare, Post-Kalimtare dhe Strategjike për Luftërat Jugosllave: nga Luftërat dhe Kërkimi i Drejtësisë tek Lojërat Gjeo-Politike të Fuqisë. {RIT Kosova - AUK në Rr. Dr. Shpetim Robaj, në Prishtinë, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Kryeministri në detyrë, Ramush Haradinaj, pret në takim njohës komandantin e ri të KFOR-it, Gjeneral Major, Michele Risi. (Ndërtesa e Qeverisë, ora 15:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)