17 Shkurt 2020

Nga Rubini dhe Klintoni e deri tek Grenelli, dhe prapambetja e politikanëve kosovarë që nga koha e UNMIK-ut

Shkruar nga Gurakuç Kuçi

Në kohën e para pavarësisë së Kosovës, atëherë institucioni udhëheqës i Kosovës ishte UNMIK-u, këta të fundit realisht me kompetencat e tyre ishin sundimtarët e Kosovës.

Ndërsa, u krijuan Institucionet e Përkohshme Vetë-Qeverisëse (IPVQ), kompetencat nga UNMIK-u tek IPVQ-ja barteshin në mënyrë graduale.

Kjo bartje e kompetencave nuk kishte treguar për asnjë moment rezultate, institucionet vendore nuk merreshin me ndërtimin e vendit bazuar në kompetencat e tyre por në të vërtetë vepronin në krejt të kundërtën.

 Deri para shpalljes së pavarësisë institucionet e Kosovës nuk kishin kompetenca të plota vetëm në politikën e jashtme dhe në fushën e sigurisë, por prapë kjo nuk kishte mjaftuar që të angazhonte politikanët shqiptarë dhe të tjerët që të punonin në të mirë të vendit. Për më keq vazhdimisht angazhoheshin vetëm në pikat ku nuk kishin kompetenca.

I njëjti mentalitet, kryesisht edhe të njëjtit politikanë me psikozë për pushtetin i kemi edhe sot në krye të vendit të cilët vazhdimisht kanë neglizhuar zhvillimin e Kosovës dhe janë marrë me kapjen e shtetit për interesa personale dhe grupore.

Vërejtja më serioze publike që klasës tashmë të vjetër dy-dekadëshe politike u ishte bërë para një dekade që nëse dëshirojnë ta shpëtojnë nderin e tyre të tërhiqen nga politika. Këtë ua kishte bërë të qartë ish-asistenti i Sekretarit Amerikan për Çështje Publike, James Rubini, nw vitin 2011.

Mirëpo, amerikanët nuk u dëgjuan dhe Kosova po vazhdon me të njëjtit politikanë të cilët përveç që e kanë shkatërruar Kosovën, nuk lejojnë as edhe tranzicion pushtetesh qoftë në institucionet shtetërore e aq më pak ato partiake.

Një dekadë më pas një thirrje të ngjashme e ka bërë edhe Përfaqësuesi Special i Presidentit të SHBA-së për Dialogun ndërmjet Kosovës dhe Serbisë, Richard Grenell.

Ky i fundit jo i drejtpërdrejt sa i pari mirëpo po aq i kuptueshëm sa ai i cili tha se “SHBA-ja është e interesuar për zhvillimin ekonomik të Kosovës”.

Mesazhi i z. Grenell është se të tërhiqen nga politika ata të cilët deri më tani nuk kanë mundur ta zhvillojnë por vetëm ta shkatërrojnë ekonominë e Kosovës dhe se nuk ka gjasa të shtrembërohet rezultati i zgjedhjeve për të prodhuar qeverisje e cila nuk ka dalë sipas votës së qytetarëve e aq më pak zgjedhje të reja.

Pra, Kosova para vetës ka alternativën e të ardhmes dhe zhvillimit ekonomik ose të vazhdoj të mbetet si në dy dekadat e kaluara, një ndikim jo i drejtpërdrejtë për formimin e koalicionit.

Nuk është asgjë befasuese nëse këtij mesazhi prapë nuk i binden kasta politike në Kosovë sepse kjo është vërtetuar shumë herë deri më tani.

Një mesazh jetik për mirëqenien në Kosovë ka qenë edhe mesazhi i Hillari Klintonit gjatë vizitës së saj në vitin 2012 ku kërkonte që të privatizohet PTK-ja.

Mirëpo, ky mesazh nuk shkoi në vend sepse privatizimi i kësaj ndërmarrje do të ishte humbje e shumëfishtë për klasën politike si për çështjen e punësimit, zhvatjen e fondeve për reklama e për aktivitete të ndryshme, hapjen e pikave për marrjen e qirasë dhe punësime nëpër Kosovë e plot variante të tjera të zhvatjes si ajo me Z Mobile dhe Devollët.

Privatizimi me 2012 i PTK-së do ia largonte një instrument korrupsioni të madh klasës politike dhe në një masë të konsiderueshme edhe do ta frenonte manipulimin me qytetarë dhe keqpërdorimin e fondeve publike.

Sidoqoftë, mbetet të shihet rezultati i mesazhit të Grenellit, mirëpo nuk është që ka ndonjë shpresë për zhvillim ekonomik në Kosovë me njerëzit dhe formatin e njëjtë që e kanë shkatërruar Kosovën dhe të njëjtit nuk janë të gatshëm ta lëshojnë pushtetin e as ta zhvillojnë Kosovën dhe të bëjnë vetëvrasje politike për hatër as të SHBA-së e as të Grenellit. Kjo qasje e kastës politike në Kosovë në të vërtetë po e nxitë SHBA-në që të veprojë me mjete tjera dhe jo vetëm me mesazhe për ndryshimin e gjendjes në Kosovë.

Pra, tërheqjen nga politika nuk e kanë konsideruar kasta politike as atëherë kur kanë qenë në pikën më të lartë të famës së mirë të tyre dhe dyshoj se do ta konsiderojnë edhe tani.

Në të vërtetë amerikanët kanë miq në popull, por jo në kastën politike, sepse janë të njëjtit që i shmangën detyrave që nga koha e UNMIK-ut.
 

Kalendari

Ngjarjet e datës 17 shkurt 2020 - Në 12 vjetorin e Shpalljes së Pavarësisë së Republikës së Kosovës Garda ceremoniale bën ngritjen e flamurit nga në prani të dy udhëheqësve shtetërorë, Albin Kurti dhe Vjosa Osmani. (Oborri i qeverisë, ora 8:00)

- Kryetari i Komunës së Rahovecit, Smajl Latifi organizon pritjen e mysafirëve për ndër të pavrësisë. (Zyra e Kryetarit Latifit, ora 8:00)

- Anëtarët e Kryesisë së Partisë Demokratike të Kosovës dhe deputetët e PDK-së, bëjnë homazhe në Prekaz, për nder të 12 vjetorit të Pavarësisë së Kosovës. (Kompleksi Memorial i Jasharajve, ora 8:30)

- Udhëheqës të Komunës së Skenderajt bëjnë homazhe të shtatorja e Adem Jasharit. (Skenderaj, ora 9:00)

- Komuna e Rahovecit bën homazhe në të gjitha vendrëniet dhe pllakat e dëshmorëve të Rahovecit. (Rahovec, ora 09:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani vendosin kurora te kompleksi memorial Adem Jashari.
(Prekaz, ora 9:10)

- Komuna e Skenderajt dhe Komuna e Drenasit organizojnë homazhe të Kompleksi Memorial 'Adem Jashari'. (Prekaz, ora 9:30)

- Komuna e Skenderajt dhe Komuna e Drenasit organizojnë homazhe të Memorial i dëshmorëve në Marinë. (Marinë, ora 9:30)

- Kuvendi Komunal i Skenderajt mban seancë solemne në 12 vjetorin e Pavrësisë. (Objekti i Komunës së Skenderajt, ora 10:00)

- Me rastin e 12 vjetorit të shpalljes së pavarësisë së Kosovës, Kryesia e LDK-së dhe veprimtarë bëjnë homazhe te varri i Presidentit Historit Dr. Ibrahim Rugova. (Velani, ora 10:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani  vendosin kurora pranë varrit të Presidentit Ibrahim Rugova dhe te varri i Veprimtarit Adem Demaçi. (Velani, ora 10:30)

- Kuvendi i Republikës së Kosovës mban seancë solemne nën kujdesin e Znj.Vjosa Osmani Kryetare e Kuvendit të Republikës së Kosovës ku të pranishëm do të jenë kryeministri Albin Kurti, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë. (Kuvendi i Republikës së Kosovës, ora 11:00)

- Agjencia Shtetërore e Arkivave të Kosovës dhe Drejtoria e Përgjithshmë e Arkivave të Shqipërisë organizojnë hapjen e ekspozitës “Kosova në arkivin e shtetit shqiptar”. (Lapidariumi i Muzeut Kombëtar të Kosovës, ora 11:00)

- Në 12-vjetorin e shpalljes së Deklaratës së Pavarësisë së Kosovës, kryetari i Komunës së Gjilanit, Lutfi Haziri me bashkëpunëtorët bëjnë homazhe tek varrezat e qytetit. (Gjilan, ora 11:00)

- Komuna e Istogut mban seancë solemne me rastin e 12-të vjetorit të Pavarësisë së Republikës së Kosovës. (Salla e Kuvendit Komunal të Istogut, ora 11:00)

- Kryetarja e Kuvendit të Republikës së Kosovës Vjosa Osmani dhe Kryeministri i Republikës së Kosovës, Albin Kurti vizitojnë Forcën e Sigurisë se Kosovës ku edhe do iu drejtohen me fjalë përshëndetëse trupave të FSK-së. (Kazerma “Adem Jashari”, ora 12:00)

- Kuvendi Komunal i Rahovecit mban seancë solemne për nder të “17 Shkurtit”. (Salla e Kuvendit Komunal, ora 12:00)

- Muzeu Kombëtar i Kosovës organizon hapjen e ekspozitës me tematikë arkeologjike “Trashëgimia Arkeologjike Adriatiko-Meditariane në Kosovë” të autorit Tomor Kastrati. (Objekti i Muzeut, ora 12:00)

- Komuna e Istogut organizon homazhe dhe vendosje kurora lulesh tek Lapidari i Dëshmorëve në qendër të Istogut . (Istog, ora 12:00)

- Për nder të 12-vjetorit të Pavarësisë së Republikës së Kosovës, Ministria e Kulturës, Rinisë dhe Sportit do të organizojë ceremoninë e ndarjes së çmimeve për letërsi për vepër jetësore dhe çmimet tjera vjetore për vitin 2019. (Kabineti i ministres Vlora Dumoshi, ora 13:00)

- Kryetarja e Kuvendit, Vjosa Osmani merr pjesw nw prezantimin e Obeliskut Newborn me pamje të re. (Newborni tw Pallati i Rinisw, ora 13:00)

- Komuna e Skenderajt organizon manifestimin qendror pë Pavarësinë. (Sheshi Adem Jashari në Skenderaj, ora 13:00)

- Komuna e Rahovecit organizon program qendror festiv. (Qendra e Kulturës ‘’Mensur Zyberaj’’, Rahovec, ora 13:00)
 
- Komuna e Istogut organizon programi festiv me këngë e valle për pavarësi. (Para Qendrës Kulturore në Istog, ora 13:00)

- Komuna e Skenderajt organizon turnir në futboll të vogël të quajtur 'Kupa e Pavarësisë'. (Shkolla profesionale në Skenderaj, ora 15:00)

- Komuna e Rahovecit organizon finalen e garave në futboll në mes katër shkollave në komunën e Rahovecit. (Palestra Sportive ‘’Mizahir Isma’’, Rahovec, ora 16:00)

- Presidenti i Republikës së Kosovës, Hashim Thaçi, për nder të 12 vjetorit të pavarësisë së Kosovës, u drejtohet ushtarëve të FSK-së. (Kazerma “Adem Jashari”, ora 16:00)

- Baleti Kombëtar i Kosovës organizon shfaqjen “Ngjyrat e vallëzimit”. (Teatri Kombëtar i Kosovës, ora 17:00)

- Komuna e Gjilanit mban akademi për nder të ditës së mëvetësisë së Kosovës, ku edhe do të ndahen çmimet, Nderi i Qytetit dhe Heroinat e Qytetit. (Salla e teatrit të qytetit të Gjilanit, ora 17:00)

- Organizohet pritje shtetërore me rastin e 12 vjetorit të Shpalljes së Pavarësisë se Kosovës. (Bogdanipolis, Katedralja Shën Nënë Tereza, ora 18:00)

- Kosovafilmi organizon Javen e filmit shqiptar në Prishtinë. (Kino ABC, ora 19:00)

- Teatri Kombëtar i Kosovës organizon shfaqjen “Bryma e vdekjes”. (Teatri Kombëtar, ora 20:00)