22 Tetor 2020

Në Ballkan ka drejtësi të dhelprës

Shkruar nga Bahri Bivolaku

Nuk dua ta humbim mundësinë e Kosovës në aktualitetin e sotëm politik nuk i duhen arratitë politike karshi botës, nuk i duhet politika e veshur me petkun e folklorit, nuk i duhen as demonizimet e polarizimet.

Nuk i duhet as të humb kohën e mundin ta gjejë se kush është fitimtar e kush është humbësi në proceset që po e presin. I duhet bashkimi i të gjithë potencialit politik e intelektual, për të aritur maksimalen.

Ndryshe humbim mundësin e do meremi me pasojat. Zakonisht kështu ndodh kur nuk e bëjmë veprimin e duhur në kohën e duhur

Drejtësia e Dhelprës në rajon! Një fjalë e urtë thotë: "Të dobtit e fillojnë problemin, të fuqishmit e luftojnë, ndërsa dinakët përfitojnë nga problemi!" Dikush në këtë mes është dinak!dhe e do përfitimin, të fuqishmit e hargjuan vizionin dhe po heshtin, të dobtit e kryen misionin e tyre.

Sa shpejt u harruan vuajtjet e këtij populli për të ardhur tek liria, u harrua lufta çlirimtare, vlera e saj dhe u mbush Kosova me dinakë ngjyrash të ndryshme, të veshur edhe me petkun partiak! Gënjeshtra e përsëritur dhe mashtrimet të shndërruara në zakon apo virtyt të politikës karshi luftës për çlirim të Kosovës vërtet la gjurmë, madje Kosova vazhdon të bartë pasoja edhe në ditën e sotme nga politika e tillë.

Gjykata Speciale, padyshim është njëra nga produktet e këtij mashtrimi të madh, ku i tërë sistem i sigurisë serbe e ruse i ndihmuar edhe nga ca shqiptar u angazhua që gënjeshtrën ta shëndroj në një të vërtetë duke e përsëritur vazhdimisht, dhe u paraqitur si viktimë e agresionit të vetë.

Duhet kuptuar një gjë Sa më i lartë të jetë gjahu në UÇK- në, aq më i suksesshëm do të jetë viktimizimi i agresorit( Sërbisë). Dy kauzat janë të qarta. Mesi nuk gjindet! Në ne është të vendosim cilës ti shërbejmë!

Në Ballkan ka drejtësi të dhelprës! Në Ballkan në raport me krimet e luftës së fundit nuk ka drejtësi andaj edhe s'ka paqe të qëndrueshme. Ka drejtësi të dhelprës , apo të animit andej nga është fuqia! Disa Ende po na folin me gjuhën e djemve politik të Millosheviqit!

Perendim: Ne po të flasim me gjuhën e Skenderbeut, gjuhën e Nënës Tereze, gjuhën e Adem Jasharit, gjuhën e Majlinda Kelmendit, të Rita Orës, të Era Istrefit, Dua Lipës, Granitit e Xherdanit,Rashicës..... etj, e ju po vazhdoni të na flisni me gjuhën e djemve politikë të kryekriminelit Millosheviq dhe antidemokratit Putin. Ne këtë gjuhë vështirë e kuptojm.

Porosi e vogël për politikën e vendit tim! Kosovë - Ferizaj viti 1999 Bill Klinton: "Ne e fituam luftën, por vetëm ju mund ta fitoni paqen" Kjo porosi e thënë nga Bill Klinton në Palestrën e Sporteve në Ferizaj para mijëra qytetarve, për politikën në Kosovë bukur e vështirë për t'u realizuar.

Paqen vetëm ne e fitojmë apo edhe e humbim. Paqen e fitojm me unitet, vizion, racionalitet e asesi me zhurmë ,folklorizëm e protagonizëm.  

Kalendari

Ngjarjet e datës 22 Tetor 2020  - Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 9:30)

- Lëvizja Vetëvendosje organizon tryezën virtuale më temë 'Sa do të ndikojë moratorimumi një vjeçar për anëtarësimin e Kosovës në organizata ndërkombëtare, në pozicionin ndërkombëtar të Kosovës?' (Online, ora 10:00)  

 - Admovere organizon promovimin e publikimit 'Të Damkosurit e Ballkanit - Shqiptarët dhe Kosova në tekstet alternative gjithëballkanike të historisë'. (Hapësirat e KultPlus Caffe Gallery te Fontana në Ulpianë, ora 10:00)  

- Kryeministri Avdullah Hoti pret në takim deputetët e komunitetit joshumicë. (Ndërtesa e Qeverisë, ora ‪10:30 - vetëm pamje)

- Ministria e Tregtisë dhe Industrisë i njofton mediat se nesër do të lansohet data-baza per tregtinë në shërbime. (Ndërtesa e MTI-së, ora 11:00)

- Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisionit për Mbikëqyrjen e Financave Publike lidhur me Raportin Vjetor i Auditimit. (Ndërtesa e Kuvendit, salla C301, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësues të kompanisë “Kërveshi Partneres” dhe përfaqësuesi te OJQ, “Ngritja e Zërit”. (Ndërtesa e Kuvendit, salla N302, ora 11:00)

- Ministrja e Punëve të Jashtme dhe Diasporë, Meliza Haradinaj - Stublla raporton para Komisionit për Integrim Evropian. (Ndërtesa e Kuvendit, salla N303, ora 12:00)

- Kryetari i Komunës së Prizrenit, Mytaher Haskuka do të merr pjesë në përurimin e adaptimit të rrugës për Komunitetin RAE në rrugën “Rexhep Karaqi”. (Prizren, ora 12:00)

- Fondi për të Drejtën Humanitare dhe KOMRA Rrjeti i Pajtimit organizon debatin mbi Politikat e Kujtesës dhe Praktikat e Përkujtimit në Evropën Juglindore. (Debati do të transmetohet direkt në Facebook dhe Youtube kanalin e KOMRA Rrjeti për Pajtim, ora 17:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmitë e Hidajete Pireva, Mjeke, Qendra Kryesore e Mjekësisë Familjare-QKMF, Fushë Kosovë, Vlora Maholli, Mjeke, QKMF, Fushë Kosovë dhe Hajrie Hoti, Mjeke, QKMF, Prishtinë. (Ndërtesa e Kuvendit, salla N204, ora 14:00)

- Lëvizja Vetëvendosje!, mban konferencë për media në lidhje me skandalin e vjedhjes së më shumë se 2 milion euro nga Thesari i Shtetit. (Zyret e LV-së në Arbëri, ora 15:00)