24 Prill 2019

Luajtja me fatin e një popullate të robëruar

Shkruar nga Valon Jashari

Vetë fakti i të qenurit i robëruar gjegjësisht nën sundimin kolonial serb, popullata e Preshevës, Bujanocit dhe Medvegjës çdo ditë e më shumë po mundohet jo që të jetoj por të mbijetoj si një popull që edhe në shekullin XXI po përballet me të gjitha format e dhunës shtetërore serbe. Këtë realitet të hidhur politik po e rëndon edhe më tepër ajo klasë politike lokale shqiptare, që në forma të ndryshme po i shkon për qëllime të vetë pushtetit serb.

Tani zgjedhjet e fundit që do të mbahen për Këshill Nacional në këto komuna, subjektet politike lokale po luajnë me të drejtat e njerëzve të shtypur, robëruar.

Kjo propogand (fushat) politike më së paku në këto momente i duhet kësaj popullate dhe këti realiteti politik.

Së paku rreth dy dekada këto subjekte politike përfshirë të gjitha nuk ishin në gjendje dhe ende nuk janë, që të sjellin një Abetare, e të mos flasim që kësaj popullatë i duhet një përkrahje dhe ndihmë urgjente politiko-ekonomike e arsyeshme kombëtare edhe atë ndërkombëtare.

Këto subjekte lokale si marioneta të Beogradit në vend që të përkushtohen vendosmërisht për idealet e lirisë së asaj popullate dhe të demokracisë, të cilat vlera i përfaqëson dhe përkrahin fuqitë e ndryshme botërore, paguajnë me të holla, elektorat për pjesëmarrje dhe për të dal në zgjedhje.

Nga këto fonde të majme për të paguar nga 10 deri në 25 euro për person për të dal në zgjedhje, kurse për çështje më kruciale në dobi të saj popullate asnjë fond as që e kërkojnë dhe as që e zbatojnë.

Kujt po i shkon përshtati më së shumti që pikërisht në këto zgjedhje të dilet masovikisht! A mos Vuçiqi do të përdor argumentin bazë në Bruksel në bisedime që edhe po pretendohet të jetë edhe çështja e Luginës së Preshevës në këtë raund, se ajo popullatë nuk e konteston sovranitetin dhe legjitimitetin shtetëror të Serbisë në këto komuna.

 Do të ishte e rrugës pikërisht këto zgjedhje të bojkotoheshin me pretekstin për ta vënë  çështjen e Preshevës në negociatat e Brukselit në mes Prishtinës dhe Beogradit.

 Se Serbia në Luginë të Preshevës ka blerë politikanët kjo po dëshmohet në këto moment që edhe në mes të natës po shpërndaj dinarin e fëlliqur tek ajo popullatë e varfëruar qëllimisht dhe e shtypur në çdo sferë të jetës, si dhe në mënyrë direket përmes fondeve i kontrollon shumicën e medieve lokale.

Kjo shihet shume  e qartë pasi që më shumë herë mbrojnë anën e shtetit serb se sa të popullatës në dhënies së hapësirës mediatike profesionistëve adekuat, apo investigimin e ndonjë natyre për të drejtat e njeriut apo ato korruptive, asnjëherë nuk kanë bërë.

Ky është një fenomen që Serbia po bashkësundon me sistemin kolonial të saj në Luginë të Preshevës bashkë edhe me medait lokale shqiptare atje, ku do të duhet të ishin të vetmet dritare, drite e shprese për atë popullatë për të demaskuar politikat antishqiptare që po ndjek shteti serb.

Matrapazllëku i politikes lokal është shumë i qartë kjo mund të shihet kur bëjnë një vizitë nëpër korridoreve  Beogradit, që sillen si servil dhe lypsar dhe të bindurit e Vuçiqit kurse kur kthehen në Luginë të Preshevës e marrin guximin falsë duke u krekosur dhe mburren për arritje në fusha të caktuara.

Andaj iu kisha lutur bashkëvendësve të mi, çdo qytetari, para se të pranoj ndonjë (dinarë) të fëlliqur të atyre politikanëve që ato mjete po ia shpërndajnë, dhe para se të vendosin se a me dal për të votuar apo jo, të mendoj së pari të ardhmen e fëmijëve të tyre, a dëshirojnë që fëmijët e tyre të jetojnë të lirë dhe të bashkuar me Kosovë apo të bëjnë jetën e të robruait siç e kanë përjetuar vetë prindërit e tyre.

Fundja edhe me Serbi, duke njohur legjitimitetin e saj duke marrë pjesë sidomos në këto zgjedhje edhe kërkimi për tu bashkuar me Kosovën, nuk shkojnë së bashku.

Andaj vendos, që Kosova për ne është liria jonë, dhe rruga e vetme dhe mos e legjitimo sistemin kolonial pushtues serb.

/Autori është Ma.sc. i Historisë, Ish-veteran i UÇPMB-së, dhe ish-Kryetar i “Lëvizjes së Lirisë”, Lëvizje që vepron në Preshevë, Bujanoc dhe Medvegjë, si dhe aktivist për të drejtat e shoqërisë shqiptare në Ballkan/

Kalendari

Ngjarjet e datës 24 prill 2019 - Universiteti i Prishtinës “Hasan Prishtina” organizon takim mikpritës për drejtorët e Drejtorive Komunale për Arsim. (Rektorati i UP-së, ora 9:00)

- Mbahet mbledhja e Komisionit Qendror te Zgjedhjeve. (Selia e KQZ-së, ora 9:00)

- Komisioni i Pavarur për Miniera dhe Minerale organizon debat për projektligjin për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Hotel AFA, ora 10:00)

- Nënshkruhet Memorandumi i Mirëkuptimit ndërmjet Komisionit Kombëtarë Zviceran për Parandalim të Torturës dhe Institucionit të Avokatit të Popullit, i cili vepron si Mekanizëm Kombëtar për Parandalim të tortures, për monitorim të përbashkët të operacioneve të kthimit me forcë ndërmjet Zvicrës dhe Kosovës.​ (Salla për konferenca e Avokatit të Popullit, ora 10:00)

- Qendra e Karrieres në kuadër te Drejtorise se Planifikimit dhe Zhvillimit të Qendrueshem organizon hapjen e “Panairit te Karrieres” 3 ditor. (Hapsirat e Qendres se Karrieres, në lagjen Taslixhe, ora 10:00)

- Universiteti i Prishtinës “Hasan Prishtina” organizon ceremoninë zyrtare të hapjes së aktivitetit “Ditët e Orientimit për Maturantë”. (Biblioteka Kombëtare e Kosovës “Pjetër Bogdani”, ora 10:00)

- Hapet Panairi i Studimeve, ku universitete të ndryshme të Kosovës dhe regjionit, do të prezantojnë profilet akademike. (Kampusi i shkollave të mesme në Gjilan, ora 10:30)

- Oda Ekonomike e Kosovës në bashkëpunim me Qeverinë e Kosovës do të organizojë Panairin e Përgjithshëm Ndërkombëtar “Prishtina 2019”, me qëllim të promovimit të kompanive Kosovare dhe produkteve të tyre brenda Kosovës, rajonit dhe më gjerë. (Qendra e Panaireve, fshati Shkabaj, Magjistralja Prishtinë – Mitrovicë, ora 10:30)

- Kryeministri Ramush Haradinaj merr pjesë në Hapjen e Panairit të Përgjithshëm Ndërkombëtar “Prishtina 2019”. (Fshati Shkabaj, Qendra e Panaireve, ora 10:30)

- Ministri i Ministrisë së Punëve të Brendshme, Ekrem Mustafa raporton para Komisionit për të Drejtat, Interesat e Komuniteteve dhe për Kthim lidhur me gjendjen e sigurisë në Kosovë dhe incidentet që kanë motive ndëretnike. (Ndërtesa e Kuvendit, salla N204, ora 11:00)

- Programi i Kombeve të Bashkuara për Zhvillim do të nënshkruajë një marrëveshje për të mbështetur Gjykatën Themelore të Mitrovicës. (Ambientet e UNDP-së, ora 11:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i raportit vjetor i Agjencisë për Ndihmë Juridike Falas për vitin 2018, shqyrtimi i Raportit vjetor i Akademisë së Drejtësisë për vitin 2018, etj. (Ndërtesa e Kuvendit, salla N 302, ora 11:00)

- Qendra Mediale në Çagllavicë mban debat publik me temën 'Uzurpimi i pronës në Kosovë - problem edhe pas 20 viteve'. (Qendra Mediale në Çagllavicë, ora 11:00)

- Mbahet mbledhja e komisionit për Buxhet dhe Financa në të cilën do të behët shqyrtimi i Raportit me amendamente të Grupit Punues të Komisionit për Projektligjin për ndryshimin dhe plotësimin e Ligjit për financimin e subjekteve politike, etj. (Ndërtesa e Kuvendit, salla C 203, ora 11:00)

- Lëvizja Vetëvendosje! mban konferencë për media. (Zyrët qendrore të Vetëvendosjes, ora 12:00)

- Zyra e UNICEF-it në Kosovë organizon aktivitetin kryesor të shënimit të javës së imunizimit për këtë vit. (Fshati Magure i Komunës së Lipjanit, ora 12:00)

- Lëvizja Vetëvendosje Qendra në Mitrovicë organizon aksion simbolik lidhur me zhagitjen e punimeve në tunel, i cili vazhdon ende të jetë i bllokuar duke shkaktuar kështu kaos total të trafikut në qytetin e Mitrovicës. (Tek tuneli i bllokuar në Mitrovicë nga ana e Zhabarit, ora 12:00)

- Mbahet seanca përfundimtare për rivendosje në lidhje me kërkesën e profesorit te Fakultetit Juridik, Mejdi Bektashi i cili e ka paditur organizatën joqeveritare Admovere për shpifje, pas publikimit të raportit 'Stafi Akademik i UP-së'  në të cilin Bektashi ishte radhitur si njëri nga profesorët plagjiatorë. (Gjykata Themelore në Pallatin e Drejtësisë, objekti A, numër 204, ora 13:30)