18 Shtator 2019

Kush e mbron sektorin privat në Kosovë

Shkruar nga Safet Gërxhaliu

Kanë kaluar vite të shumta pas luftës në Kosovë dhe tani kremtohet 20 vjetori i lirisë, por Kosova nuk ka qenë në pozitë më të vështirë qoftë në aspektin politik, ekonomik, social, integrues dhe në imazh.

Në një shtet ku agjenda politike dominon ndërsa politika dhe politikanët mirren me vetvete, është utopike të mendohet në zhvillim ekonomik, stabilitet social, në përshpejtim të proceseve integruese dhe në përmiresim të imazhit të Kosovës.

Ajo cka dhemb më së shumti është fakti se për çdo dështim tentohet të fajsohen të tjerët, ndërsa problemi jemi ne dhe është Kosova, humbet kohë në tentim për të hijeshuar të kaluarën me qëllim të rritjes së popullizmit inekzistent dhe në gërshetim të këtyre rrethanave enorm negative për Kosovën është duke lulzuar krimi, kontrabanda, degradimi i vlerave, politizimi i skajshëm i çdo gjëje që quhet publike dhe shtetërore e në veçanti një qasje agresive për të dëmtuar bizneset e mirëfillta apolitike përmes shantazhit, presionit, mitos dhe korrupsionit që sot është në shkallën më të lartë të zhvillimit dhe të rritjes dhe ky fenomen është duke u rritur dhe fuqizuar më shpejtë se vet shteti.

Derisa, duartrokiten hapa popullist me taksa të ndryshme kundër vendeve të rajonit me qëllim kinse të mbrojtjes së prodhimit vendor ku Kosova dëmtohet në çdo aspket e në veçanti izolohet nga Evropa dhe shtetet demokratike ndërkombëtare ku koston e këtij popullizimi është duke e paguar qytetari i Kosovës përmes ngritjes së çmimeve të produkteve bazike, përmes inflacionit marramendës edhe për kundër asaj që valutë e kemi euron dhe sot falë këtij popullizmi Kosova rënditet në një ndër shtatë shtetet më të shtrenjta në Evropë që e dëshmon teorinë se jetojmë me çmime më të larta se në Evropë e me të hyra afrikane.

Por, duhet të kuptohet që kjo rrugë është mjaftë e gabuar dhe pasojat do ti bartim të gjithë ne, por jo ata që sjellin vendime të tilla e janë pjesë e krimit, orkestrues të korrupsionit dhe kontrabandës dhe këtë e bëjnë për fat të keq në emër të patriotizimit folkorik në të cilin nuk beson askush përvec atyre që përfitojnë.

Falë vendimeve të tilla, Kosova është shëndrruar në shtet të pashpresë dhe të paperspektivë dhe këtë e dëshmon më së miri ikja çdo ditç e më tepër e popullatës nga ky vend që nga ta shihet si i paperspektivë.

Jam dëshmitarë i disa bizneseve prodhuese që më janë adresuar me ankesa të shumta ditëve të fundit, në veçanti në Doganën e Kosovës për një qasje jo profesionale, denigruese, korruptive dhe amorale.

Është shqetësuese që me fenomenin e korrupsionit dhe presionit nga Dogana e Kosovës pësojnë më së shumti bizneset prodhuese me rastin e importeve të lëndës së parë ose pajisjeve të ndryshme për prodhim me që rast shumë më tepër humbet kohë për të gjetë arsye për ti denuar sesa për ti ndihmuar.

Në qoftë se nuk jep ryshfet do të jeshë i dënuar dhe arsyetimi do të jetë, paguaj dënimin dhe bëje një ankesë e cila do të shqyrtohet. Hipokrizia në Kosovë nuk ka fund, por të dëmtosh në këtë masë bizneset prodhuese në të njëjtën kohë kur është vënë taksa 100% kinse për të mbrojtur prodhimin vendor është një hipokrizi që dëshmon se Kosova udhëhiqet nga parlamenti dhe qeveria më e dobët në 20 vitet e fundit.

Politizimi dhe qasja ndaj institucioneve që të jenë në funksion të pushtetit nuk ka të ndalur, por lind pyetja  a ka moral në këtë shtet dhe tek këta pushtetarë dhe a ekzistojnë asociacione të biznesit që janë “pro business” të orientuara apo të orientuara drejt servilitetit politik dhe mbrojtjes së interesave të grupeve të caktuara të interesit.

Një Kosovë pa sektor privat të zhvilluar nuk mund të mbijetojë, prandaj duhet të kuptohet se sektori privat për të përmirësuar indikatoret kryesor ekonomik siç është rritja e prodhimit, rritja e eksporteve, krijimi i vendeve të reja të punës, përmirësimi i imazhit të Kosovës përmes promovimit të brendeve “made in Kosova” duhet të jenë prioritet dhe për ekonomi dhe sektor privat të zhvilluar, nuk duhet demagogji dhe politizim steril, por hapa konkret drejtë mbështetjes së tyre dhe objektivave shtetërore.

Serviliteti i tepruar dhe egoist i asociacioneve të biznesit në Kosovë përballë politikës do ta varrosë përspektivën e punësimit të të rinjëve dhe do të ndikojë edhe më tepër në migrim që do të jetë edhe arritja më e madhe e kundërshtarëve të pavarësisë së Republikës së Kosovës. 

Emëruesi i përbashkët i zgjidhjes së gjithë këtyre problemeve është sundimi i rendit dhe ligjit i cili lë për të dëshiruar sepse është larg realitetit për çfarë ekziston.

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)