24 Nëntor 2020

Kthimi i LDK-së në pushtet, për të shpëtuar ekzistencën e shtetit

Shkruar nga Mentor Barani

Pas një kohe relativisht të qetë, në të cilën u keqkuptua skajshmërish roli i LDK-së si opozitë, kjo parti e cila di të punoj në heshtje, di të punoj pa zhurmë, di si asnjë parti t’i mobilizoj masat e gjëra në të mirë të shtetit, po i jep shenjat e para të ndryshimeve politike në Kosovë, ndryshime për të cilat ky vend aq shumë ka nevojë, ndryshime për të cilat kaq shumë ka pritur.

Ideja për formimin e një grupi ekspertësh, të cilët do t’i ndihmojnë kësaj partie në rrugën e kthimit të shpejt në pushtet, i tronditi gjithë ata të dalldisurit me pushtet.

Dhe më së shumti mediet e klanizuara dhe oborrtare të pushtetit që s’prajnë se shpikuri metoda për të stopuar këtë frymë që paralajmëron kthimin e LDK-së në pushtet, një kthim ky i domosdoshëm për të shpëtuar ekzistencën e shtetit të Kosovës.

U tentua në gjithfarë formash të interpretohet kjo ide, madje me përpjekje qyqare, vetëm nga frika se LDK-ja tanimë e ka seriozisht të bërit opozitë, një opozitë që ja tronditi qysh tani themelet e lëkundura të një qeverisjeje që po numëron ditët.

Ky është një realitet i dukshëm, që s’do koment. LDK-ja e prirur nga një lider i aftë, që di të mobilizoj masat dhe të rikthej besimin, po jep shenjat e para të pranverës së re të demokracisë, në të cilën e keqja do të mbetet një e kaluar dhe Kosova do të kthehet në binare të shëndosha të shtetëndërtimit dhe rrugëtimit të saj drejt integrimeve euro-atlantike.

Tani "Qeveria ne Hije", do t'i rri me "Pushke në faqe", "Qeverisë në mjegull" dhe kështu, Kosova shumë shpejt, mund t’i jep fund qeverisjes së keqe, të cilën e ka instalua viteve të fundit në Kosovë, PDK-ja, me logjikën e një partie që s’bën qeverisje po sundon në shërbim të një klani.

Kjo qeveri, me një mal problemesh dhe në një situatë kaotike brendapërbrenda, tani e tutje, s’do të ketë lehtë të mashtroj një popull të rraskapitur, të shtruar përtokë, sepse përballë ka një “qeveri në hije”, të përgatitur nga një lider që në politikë po del të jetë boksier i kategorisë së rënd dhe di të godas ashtu siç godasin boksierët profesionist.

Kjo lëvizje e fundit e LDK-së, gjithashtu është një lajm i keq sidomos për uturimat (zhurmë për asgjë) e Vetëvendosjes, e cila synoj pa asnjë meritë të marr primatin e opozitës dhe të AAK-së.
 
Ka ardhur koha që përfundimisht skena politike të çmilitarizohet dhe në Kosovë të rikthehet demokracia.

Këtë më së miri mund ta bëj një parti që është krijua në principe demokratike, një parti që i dha demokraci jo vetëm Kosovës, por edhe rajonit, në kohën kur LDK-ja e Ibrahim Rugovës tronditi themelet e komunizmit dhe në këto hapësira shndritën dritëzat e para të lirisë, demokracisë dhe pavarësisë.

Kështu, qeverisja në hije, apo grupi i ekspertëve, si do ta quajmë, që po krijon LDK-ja, po trondit një pushtet të paaftë me qeverisë ashtu siç duhet me vendin, të paaftë me ndërtua shtet për të gjithë.

 Është koha e LDK-së, e liderit të saj karizmatik, Isa Mustafës, që të merr Kosovën dhe ta shkëput nga kjo e keqe që e ka plandos atë në një gjendje të pashpresë.

Ky është lajm i mirë, për qytetarët e Kosovës, sepse vërtetë po ndodh diçka e pritur, “Qeveria në Hije", po i rri përballë "Qeverisë në mjegull", së cilës i ka humbur rruga kaherë.

Me këtë po dëshmohet se pushteti s’mund të bëj asgjë pa LDK-në, se LDK-ja është prijëse e opozitës dhe në zgjedhjet e ardhshme do të qeverisë me vendin.
 

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)