07 Korrik 2020

Kosova vend i vakive, mafive, hafive...

Shkruar nga Zejdush Kastrati

Lëri lakmitë e tua dhe do ta gjeshë qetësinë e shpirtit.Th Kempis

   
Mos u befasoni, nëse një ditë, gjatë këtij viti, apo pse jo, ndoshta edhe në vitin vijues, në emisionin qëndror të Lajmeve të orës 19 e 3o, në Televizionin Publik të Kosovës, do të keni rastin, të përcillni e  shikoni, edhe ndonjë raport televizivë, të përgatitur nga gazetarë te këtij mediumi publik, ku mund të prezentohet, edhe ndonjë storie televizive, e filmuar me kamerë e me bashkebisedues, ku protagonistë, mund te jenë, femijet, apo familjarët, e ndonjërit, nga shumë  drejtorët, apo udhehqësitë e RTK-së, të cilët, në ndonjë gazmend familjarë,në një atmosferë amerikanqe, si dasmë, apo mundet me qenë edhe në ndonjë syneti të fëmijve të tyre, të organizuar në ndonjërin, nga lokalet e shumta hoteliere, në Ferizaj, Gjilan,Mitrovicë apo…?!

Se disa udheheqës, të këtij mediumi, i cili, po promovohet si publik, po e trasojnë me besnikri, rrugën e ish drejtorit, Agim Zatriqi, bile në disa sfera edhe me keq, (në këtë shkrim, nuk po paraqesim raportin e auditimit  për vitin 2o1o, i cili është skandaloz e me abuzime të mëdha financiare, dhe që fatkeqësisht nuk është publikuar fare,apo shumë pak në disa media), por,  po rezantojmë,shkurtimisht, vetëm, një storie të emetuar, më datën, 03 tetor, të këtij viti, në emisionin e Lajmeve  qëndrore, të orës 19 e 3o minuta,  kur, pas nje raporti,  për fillimin e vitit të ri Akademik, në Universitetin Publik të Kosovës, ekskluzivisht,  një gazetar i RTK-së, për audiencën e gjërë,  prezanton, edhe një  kronikë të përgatitur në Ferizaj, ku në mënyrë superlative, me fotografi e tekst të sinkronizuar, na prezanton,  fillimin  e punës, të një kolegji privat, të emërtuar me emrin shumë simbolik e domethënës”Humanistica”.
   
Autori i këtij raporti, në tekstin e tij foljor, prezanton, se ky kolegj, fillimisht,  ka hap dyert për dy drejtime, shumë të kërkuara dhe te nevojshme për Kosovën, ndërsa e veqanta e këtij raporti, është se themeluesi i këtij kolegji, Ismajl Hasani, thekson  se nga një matje e bërë, (nuk ceket nga kush), si element i rëndësishmë  dhe me peshë,  për fillimin  e punës së këtij kolegji, është fakti, së  qyteti i Ferizajit, ka vetëm 0,97%  me edukim superior, prononcim që është vështirë, edhe të kuptohet, por edhe të besohet, se cka ka dashur të thotë,  me këtë deklaratë, ku pronar, i kolegjit!

Gjithashtu, në fund të kësaj kronike, na paraqitet. edhe  Dr.Pr Urosh Lipushcek,një figurë tjetër kontraverse,  i cili, për ata që kanë punuar në RTK, e më vonë janë kyqur në Universitetin AAB, fillimisht në cilësi studenti, me  pagesë të RTKsë, e tash disa janë ba  edhe profesorë, (është shumë i adhuruar i tyre), i cili në prononcimin e  tij nuk ngurroi, që për gjithë ata, që regjistrohen dhe diplomojnë në kolegjin: Humanistica”, tu premtoj dhe garantojë,  njohje ndërkombetare të diplomave të tyre në gjithë rruzullin toksor!

    Nuk do të kishte ndonjë peshë të veqantë sikur në ndonjërin nga televizionet private të emetohej kjo storie,por për opinionin e gjërë, duhet bërë më dije, se pronari i këtij kolegji, është jo tjetër kush, por  babai, I drejtorit të RTK-së, Bekim Hasani, njëhërit edhe mësimdhënës në këtë kolegj, andaj  emetimi I këtij raporti, në ditarin qëndror, në mediumin publik, të tatimpaguesve kosovarë,  nuk është asgjë tjetër, pos, abuzim flagrant, me pozitën, dhe përgjegjësitë, të një udhëheqësi, të një institucioni shtetëror, për përfitime përsonale, për cka, në vendet dhe shtetet,ku funksionon shteti, dhe zbatohen rregullativat ligjore, përsoni në fjalë, automatikisht, duhet dhënë përgjegjësi, jo vetëm  me dorëheqje apo shkarkim, por edhe  me penalizime tjera.

Më kujtohet shumë mirë ky djal, kur kishte konkuruar për drejtor të RTK-së, nuk linte gur pa lëvizur, për të  arritur qëllimin, dhe disa herë, edhe para njërit nga përsonat që bente punën e “mësitit” kryesor të kësaj pune, deklaronte, se nëse zgjedhet drejtor, do të angazhohet  për  reforma të mëdha, për të ndryshuar gjërat në këtë medium, në aspektin pozitiv, por si shumë tjerë  në këtë Kosovë, që po bëjnë gara për të ardhë në poste, jo për të punuar ndershëm, por për tu pasuraur e abuzuar me paranë e pronën, edhe Bekimi vazhdoi dhe po vazhdon si Liridoni, Agimi…!

Nuk është për tu habitur, se edhe ky rast si edhe shumë raste tjera, do të kalojnë pa ndëshkime dhe reagime,nga ana e  atyre që janë të thirrur për të zbatuar ligjet në fuqi, e në veqanti të përsonit më mediatik në Kosovë,zëvëndëskryeministrit Kuqi, i cili, pos që  është dhe me të drejtë llogaritet si më përgjegjësi që ka  sistemu dhe rahatu, jo vetëm Bordin e RTKsë, sipas preferencës së Shefit, por edhe kuadrin tjetër udheqës të këtij mediumi publik,që njëherit është edhe ministër i drejtësisë, por  më tepër është për ti besuar  titullit të një shkrimi të paradisaditësh, në një të përditshme, ku thuhej “Kosova vend e vakive”!

Vërtet i vakive  por dhe mafive , hafive dhe…!

 

 

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)