13 Dhjetor 2019

Kosova me 600.000 banorë me 2022

Shkruar nga Seremb Gjergji 

Në shkurt, 46.000 të rinj, me viza pune janë larguar nga Kosova. Deri me 30 qershor do të largohen rreth 127.000 veta. Kjo vjen në mungesë të PERSPEKTIVES që shteti i Kosovës nuk u ofron të rinjve.

Krejt bota i ruan Resurset Njerëzore – Ne i ndjekim. Sipas Entit të Statistikave të Kosovës 73% e popullsisë janë nën moshën 35 vjeçare. Grupmoshë kjo që mese paku sheh perspektivë në Kosovë.

Menaxhimi i Resurseve njerëzore të Kosovës është problem thelbësorë i udhëheqjes politike – kur dihet se shumica e të punësuarve janë me shumë pak edukim e edhe më pak edukatë.

Këtu i shtojmë edhe friken nga kërcënimet e komandantëve – edhe ata që dinë, nuk u epet mundësia.

Parlamenti i Kosovës thërret “SEANCA”, të cilat janë më shumë ofenduese dhe qesharake; por mbi të gjitha nuk ofrojnë zgjidhje as afatshkurta e as afatgjata.

Madje disa “politikan të ndershëm”, e korisin veten me deklarata të pamatura të cilat nxisin dhe irritojnë pjesën me të madhe të te rinjve të Kosovës, që nuk shohin asnjë perspektivë.

Griffith College me seli në Angli, në studimin e tyre të Menaxhimit të Resurseve Njerëzore (botuar me 17 korrik 2018), theksojnë rëndësinë e Rrolit të Ri në Menaxhimin e Resurseve Njerëzore, kur dihet se interneti u ka mundësuar të gjitha kompanive dhe shteteve të zgjedhin më të mirët.

Ruajtja e Resurseve njerëzorë është elementi krucial/thelbësor i një Shteti. Ne as që tentojmë.

Nëse llogarisim që edhe Liberalizimi i Vizave do të ndodhë sivjet nga muaji korrik, atëherë deri në dhjetor të vitit 2022, në Kosovë do të mbetën rreth 600.000 banorë; nga 1.5 milion që besohet se aktualisht jetojnë në Kosovë. Numër ky që do të krijoi standard të ri të te gjithë jetesës.

Nga perspektiva e biznesit, tashmë kanë filluar të hetohen mungesat. Në Prizren nuk ka të rinj për të kryer punët e kamerierit dhe shërbimeve të shpejta.

Në fushat e Rahovecit nuk ka punëtor që t’i punojnë tokat. Çmimi i pagesave të punëtorëve ditor është rritur. Ndërsa, të gjithë ata që sadopak e dinë një gjuhë të huaj – ecin nga Kosova.

Besoj se ky largim është më mijëra herë më i mirë se largimet e përparshme. Tash nëpër institucione të ndryshme evropiane kemi njerëz që zënë pozita të rëndësishme dhe të fuqishme.

Në largimet e mëparshme – ne kemi zënë vend në fund të zinxhirit të punës – nuk konsideroheshim as vrimë në kavall. Tash është situatë krejt ndryshe dhe shumë përparimtare.

Politikat reformuese duhet të ndodhin sot. Të punojmë që t’i mbajmë, mundësojmë dhe krijojë perspektivë të paktën për 600.000 banorët e mbetur.

Por, politikanët aktual, nëse nuk vdesin apo burgosen, edhe 20 vjet, një numër i madh i tyre, do të jenë në pushtet. 

Kalendari

Ngjarjet e datës 13 dhjetor 2019 - Aleanca Kosovare e Bizneseve dhe Ministria e Tregtisë dhe Industrisë organizojnë hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Hotel Emerald, ora 9:30)

- Organizata për Fëmijët pa Kujdes Prindëror organizon konferencë nacionale për të diskutuar për situatën e strehimit familjar në Kosovë, për të arriturat, sfidat dhe planet e ardhshme për të zhvilluar me tutje këtë shërbim për fëmijët pa përkujdesje prindërore. (Hotel Sirius, ora 9:30)

- Komisioni i Pavarur për Miniera dhe Minerale organizon takim vjetor informues për përfaqësuesit dhe personat përgjegjës të ndërmarrjeve që merren me shfrytëzimin dhe përpunimin e lëndëve minerare, përpiluesit e plan-programeve të hulumtimit, përpiluesit e projekteve gjeologjike dhe të shfrytëzimit. (Salla e madhe në ndërtesën e Ministrisë së Administratës Publike, ora 10:00)

- Instituti Columbus organizon tryezë diskutimi me temë "Efekti i korrupsionit tek qytetarët: Diskutimi i fondit për trjatimin e pacientëve jashtë institucioneve publike të Kosovës. (Hotel Sirius, ora 10:00)

- Ministria e Tregtisë dhe Industrisë organizon konferencë informuese për zhvillimin e sektorit privat ku do të behet edhe ndarja e mirënjohjeve për “Ndërmarrjet me të suksesshme të vitit 2019”. (Hotel Emerald, ora 10:00)

- Demokraci Plus në bashkëpunim me Fondacionin Konrad Adenauer organizon konferencën lidhur me Procesin e Berlinit dhe obligimet për Sundim të Ligjit dhe Mirëqeverisjen. (Hotel Swiss Diamond, ora 10:00)

- Kryeministri në detyrë Ramush Haradinaj zhvillon vizitë pune në Ministrinë e Mbrojtjes, për të shënuar  një vjetorin e miratimit të tri Ligjeve, Ligjin për Forcën e Sigurisë, Ligjin për Shërbimin në FSK dhe Ligjin për Ministrinë e Mbrojtjes. (Ministria e Mbrojtjes, ora 11:00)

- Komuna e Istogut organizon diskutim publik me qytetar për projekt rregulloren komunale për taksa, ngarekesa dhe gjoba. (Ndërtesa e Komunës së Istogut, ora 11:00)

- Ekipi i Kombëve të Bashkuara në Kosovë së bashku me Klubin Ndërkombëtarë të Prishtinës  organizon panairin e festave të fundvitit. (Ndërtesa e Termokiss në Dardani, ora 12:00)

- Nxënësit finalistë nga e gjithë Kosova të klasave 3-12 do të konkurrojnë në garën e katërtë vjetore Po-e-Zë. (Amfiteatri i Bibliotekës Kombëtare të Kosovës, ora 12:00)

 - Muzeu Kombëtar i Kosovës organizon hapjen e ekspozitës me fotografi 'Bukuria e betonit' nga autori Etienne Rémond. (Muzeu Kombëtar, ora 12:00)

- Kryeministri në detyrë Haradinaj, në përvjetorin e rënies së dëshmorit dhe heroit Mujë Krasniqi, bën homazhe dhe vendos kurora lulesh te shtatorja e heroit. (Klinë, ora 13:00​)

- Hapet panairi “Punimet artizanale përtej kufijve” i organizuar për nder të festave të fundvitit, në kuadër të projektit ndërkufitar Kosovë - Maqedoni Veriore, “Ndërtimi i konkurrencës përmes bashkëpunimit dhe inovacionit: Qasja në tregjet e eksportit për produktet artizanale’’. (Restorant ‘’Planet’’ në Gjilan, ora 14:00)

- Instituti Kosovar për Hulumtim dhe Zhvillim të Politikave organizon tryezë diskutimi me temë: “Ligjërisht (t’pa) diplomuar?” e cilan mbahet me qëllim të diskutimit rreth problemit të verifikimit të diplomave të studentëve të cilët kanë ndjekur studimet pranë Bartësve Privatë të Arsimit të Lartë. (Hotel Sirius, ora 14:00)

- Projekti Climate 4 Change, i cili mbështetet nga Ambasada Norvegjeze dhe nga Fondacioni Kosovar për Shoqëri Civile organizon një debat politik - publik në të cilën do të diskutotohet për klimën. (Salla e Kuqe në Pallatin e Rinisë dhe Sporteve, ora 17:00)

- Ambasadorja e Francës në Kosovë, Marie-Christine Butel, organizon një pritje e cila si qëllim ka promovimin e djathit të Sharrit. (Rezidenca e Francës në Arbëri, ora 17:30)

- Instituti i Kosovës për Drejtësi organizon shfaqjen e dokumentarit “Java Kundër Korrupsionit 2018”.  (Modelarium i Fakultetit te Arkitekturës të Universitetit të Prishtinës, ora 18:00)