17 Shkurt 2020

Korruptimi i ideve përmes çekiç-politikës

Shkruar nga Bahri Bivolaku

Opinionistët (ca) në studiot televizive me çekiç po ngulitin ide. Nuk e di të jenë tifozë apo po iu servilen liderëve pretendues të pushtetit.

Mesazhi për ta dhe subjektet e tyre:

Të bërit politikë me çekiç a me kosë është ngulfatje ose prerje. Nuk është bindje, nuk është kultivim është korruptim i mendjes dhe idesë!

A do të shtyhet formimi i qeverisë deri në fillimin e pranverës?

Konsideroj se shtyrja në arritjen e koalicionit në mes të LVV e LDK veç mosmarrëveshjes për karrige ka edhe një arsye politike e që lidhet me një planifikim strategjik nga ca prej akterëve të dy partive politike, me tendencën për t'u shmangur nga agjenda amerikane dhe evropiane për Kosovën.

Kjo agjendë amerikane është e qartë; zgjidhja njëherë e përgjithmonë e marrëdhënieve ndërmjet Kosovës e Serbisë (dialogu). Sipas tyre kompromisi në mes fqinjëve është valute e prosperitetit në një Ballkan të ndërthurur e ndërvarur në një botë ku largësia është zvogëluar. Në këtë mes hyn edhe taksa dhe asociacioni i komunave me shumicë serbe.

Qëllimi përmes kësaj shtyrjeje!

Nëse qeveria e drejtuar nga LVV do të hynte në këtë agjendë atëherë do të humbte gjithë besueshmërinë nga qëndrimet politike të së kaluarës, kauzat e saja për këtë të kaluar do të binin, apo në sytë e qytetarëve do të shfaqeshin vetëm si mjete për të ardhur në pushtet. Në këtë mes përgjegjësia e LDK-së është se vetëm po ia mban ison këtij pozicioni.

Për t'i ikur kësaj agjende, ky koalicion i pretenduar do të mundohet ta shtyjë formimin e qeverisë deri në pranverë, atëherë kur në Serbi fillon fushata zgjedhore, e që pastaj për ca muaj Serbia nuk do të ketë autoritet legjitim për negociata.

Pas ca muajve kur në Serbi krijohen organet e dala nga zgjedhjet, fillon fushata elektorale në SHBA, ku ca nga akterët e LVV dhe LDK ndoshta presin një tjetër President amerikan, e rrjedhimisht një zbehje të kërkesës amerikane për të ecur kësaj rruge.

Përfundimisht, ky koalicion i mundshëm qeverisës po dëshmon se nuk është i gatshëm për t'u ballafaquar me sfidat e jashtme të cilat tash e një kohë e presin vendin.

Dëshirat e tij janë të merren vetëm me sfidat e brendshme, e që konsideroj se në një pozicion të tillë, Kosova do të ketë shtetësi edhe më të kontestuar, më të izoluar, me më pak perspektivë e për zhvillim ekonomik mos të flasim fare.

Sprinti politik dhe politika grindavece e Kosovës mban gjallë shpresën e vogël ruse

Përfundimi i luftës së ftohtë dhe rënia e ish BRSS së krijoi kushte që të krijohen një varg shtetesh e kombe të reja e me këtë edhe të përhapet e zhvillohet demokracia.

Kosova krahas luftës së saj të lavdishme për liri, shpëtimin e gjen në këtë fazë të gjeopolitikës dhe rreshtimit përkrah qytetërimit perendimor ....,dhe tani është krijuar realitet ekzistues si shtet edhe pse i kontestuar nga ato politika e shtete që e ëndrojnë kohën e luftës së ftohtë dhe ndikimin rus në rajon.

Është e qartë që dekada e fundit shënon tendencë të forcimit të Rusisë dhe përpjekjeve të saja për të shtrirë ndikimin e saj qoftë ekonomik, politik apo ushtarak.

Rusisë i ka mbetur një shpresë e vogël me synimin për të arritur në Evropën Juglindore përmes ca politikave e politikanëve që i gjen në rajon.

Kosova, politika e saj, por dhe gjithë shqiptarët në këtë rajon, mbase e kanë një rol të vështirë për t’i shërbyer gjeopolitikës në atë mënyrë që i gjithë rajoni të largohet nga ky ndikim i mundshëm rus për t'iu bashkuar agjendës evropiane e euroatlantike.

Politika në Kosovë duhet t'u ndihmoj atyre që e ndihmuan, që ëndrra e tillë për rajonin të shuhet dhe marrë me vete ato shtete në rrugën perëndimore. Arritja e këtij synimi krijon kushte të reja dhe politika të reja në vet rajonin e me këtë edhe pozicion të ri të shqiptarëve.

Vërtet politika jonë duhet të largohet nga synimi që përmes sprintit folklorik të fitoj pushtet dhe pozicion politik.

Pozicioni refuzues e jo bashkëpunues, pa dije mund të i shërbejë në raport të gjeopolitikës një ideje tjetër dhe kundër asaj që ka populli shumicë. Politika grindavece në rajon, mban gjallë shpresën e vogël ruse.

Ne kemi nevojën për mbështetje në rrugtimin tonë nga ata të cilët na mbështetën nga Rambuje e tutje. Të lëvizim në proces e jo të i bëjmë prerje ecjes së tillë. Sprinti politik , apo çlirimet e reja të vendit nga koherenca politike e proceseve nuk do të lejohen.

Na pret punë e madhe ne për ta luftuar betejën kundër të keqes ,korupcionit e familjarizmit në subjektet politike të cilat kanë koherencën politike vepruese. Rrugë tjetër nuk kemi për ta fituar paqen.!

Politika e rinovimit është si lumi që rrjedh brenda shtratit të identitetit ekzistencial

Margaret Theçer në vitin 1979 bëhet femra e parë në historinë e Britanisë që merrte postin e kryeministrit. Theksonte domosdoshmërinë e vënies së faktorëve ekonomikë mbi ata politikë dhe socialë.

Optimizmi i saj shprehej për transformimin e kombit nga një komb i konsumit të pasur në një komb të prodhimit të pasur.

Ajo në politikat e saja bazohej edhe në thënien e Abraham Linkolnit..." ne nuk do t'i bëjmë të varfrit të pasur duke i bërë të pasurit të varfër!"

Theçer fliste për demokratizim ekonomik në një shoqëri me më shumë aksionarë dhe me individë më pak të varur nga shteti.

Ky mbase të jetë mendimi konservator për politikën i cili tek ne vështirë për ta aplikuar, pasi ende ekziston bindja për shtetin e mirëqenies sociale. Mbase, mesi është zgjedhja!
 

Kalendari

Ngjarjet e datës 17 shkurt 2020 - Në 12 vjetorin e Shpalljes së Pavarësisë së Republikës së Kosovës Garda ceremoniale bën ngritjen e flamurit nga në prani të dy udhëheqësve shtetërorë, Albin Kurti dhe Vjosa Osmani. (Oborri i qeverisë, ora 8:00)

- Kryetari i Komunës së Rahovecit, Smajl Latifi organizon pritjen e mysafirëve për ndër të pavrësisë. (Zyra e Kryetarit Latifit, ora 8:00)

- Anëtarët e Kryesisë së Partisë Demokratike të Kosovës dhe deputetët e PDK-së, bëjnë homazhe në Prekaz, për nder të 12 vjetorit të Pavarësisë së Kosovës. (Kompleksi Memorial i Jasharajve, ora 8:30)

- Udhëheqës të Komunës së Skenderajt bëjnë homazhe të shtatorja e Adem Jasharit. (Skenderaj, ora 9:00)

- Komuna e Rahovecit bën homazhe në të gjitha vendrëniet dhe pllakat e dëshmorëve të Rahovecit. (Rahovec, ora 09:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani vendosin kurora te kompleksi memorial Adem Jashari.
(Prekaz, ora 9:10)

- Komuna e Skenderajt dhe Komuna e Drenasit organizojnë homazhe të Kompleksi Memorial 'Adem Jashari'. (Prekaz, ora 9:30)

- Komuna e Skenderajt dhe Komuna e Drenasit organizojnë homazhe të Memorial i dëshmorëve në Marinë. (Marinë, ora 9:30)

- Kuvendi Komunal i Skenderajt mban seancë solemne në 12 vjetorin e Pavrësisë. (Objekti i Komunës së Skenderajt, ora 10:00)

- Me rastin e 12 vjetorit të shpalljes së pavarësisë së Kosovës, Kryesia e LDK-së dhe veprimtarë bëjnë homazhe te varri i Presidentit Historit Dr. Ibrahim Rugova. (Velani, ora 10:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani  vendosin kurora pranë varrit të Presidentit Ibrahim Rugova dhe te varri i Veprimtarit Adem Demaçi. (Velani, ora 10:30)

- Kuvendi i Republikës së Kosovës mban seancë solemne nën kujdesin e Znj.Vjosa Osmani Kryetare e Kuvendit të Republikës së Kosovës ku të pranishëm do të jenë kryeministri Albin Kurti, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë. (Kuvendi i Republikës së Kosovës, ora 11:00)

- Agjencia Shtetërore e Arkivave të Kosovës dhe Drejtoria e Përgjithshmë e Arkivave të Shqipërisë organizojnë hapjen e ekspozitës “Kosova në arkivin e shtetit shqiptar”. (Lapidariumi i Muzeut Kombëtar të Kosovës, ora 11:00)

- Në 12-vjetorin e shpalljes së Deklaratës së Pavarësisë së Kosovës, kryetari i Komunës së Gjilanit, Lutfi Haziri me bashkëpunëtorët bëjnë homazhe tek varrezat e qytetit. (Gjilan, ora 11:00)

- Komuna e Istogut mban seancë solemne me rastin e 12-të vjetorit të Pavarësisë së Republikës së Kosovës. (Salla e Kuvendit Komunal të Istogut, ora 11:00)

- Kryetarja e Kuvendit të Republikës së Kosovës Vjosa Osmani dhe Kryeministri i Republikës së Kosovës, Albin Kurti vizitojnë Forcën e Sigurisë se Kosovës ku edhe do iu drejtohen me fjalë përshëndetëse trupave të FSK-së. (Kazerma “Adem Jashari”, ora 12:00)

- Kuvendi Komunal i Rahovecit mban seancë solemne për nder të “17 Shkurtit”. (Salla e Kuvendit Komunal, ora 12:00)

- Muzeu Kombëtar i Kosovës organizon hapjen e ekspozitës me tematikë arkeologjike “Trashëgimia Arkeologjike Adriatiko-Meditariane në Kosovë” të autorit Tomor Kastrati. (Objekti i Muzeut, ora 12:00)

- Komuna e Istogut organizon homazhe dhe vendosje kurora lulesh tek Lapidari i Dëshmorëve në qendër të Istogut . (Istog, ora 12:00)

- Për nder të 12-vjetorit të Pavarësisë së Republikës së Kosovës, Ministria e Kulturës, Rinisë dhe Sportit do të organizojë ceremoninë e ndarjes së çmimeve për letërsi për vepër jetësore dhe çmimet tjera vjetore për vitin 2019. (Kabineti i ministres Vlora Dumoshi, ora 13:00)

- Kryetarja e Kuvendit, Vjosa Osmani merr pjesw nw prezantimin e Obeliskut Newborn me pamje të re. (Newborni tw Pallati i Rinisw, ora 13:00)

- Komuna e Skenderajt organizon manifestimin qendror pë Pavarësinë. (Sheshi Adem Jashari në Skenderaj, ora 13:00)

- Komuna e Rahovecit organizon program qendror festiv. (Qendra e Kulturës ‘’Mensur Zyberaj’’, Rahovec, ora 13:00)
 
- Komuna e Istogut organizon programi festiv me këngë e valle për pavarësi. (Para Qendrës Kulturore në Istog, ora 13:00)

- Komuna e Skenderajt organizon turnir në futboll të vogël të quajtur 'Kupa e Pavarësisë'. (Shkolla profesionale në Skenderaj, ora 15:00)

- Komuna e Rahovecit organizon finalen e garave në futboll në mes katër shkollave në komunën e Rahovecit. (Palestra Sportive ‘’Mizahir Isma’’, Rahovec, ora 16:00)

- Presidenti i Republikës së Kosovës, Hashim Thaçi, për nder të 12 vjetorit të pavarësisë së Kosovës, u drejtohet ushtarëve të FSK-së. (Kazerma “Adem Jashari”, ora 16:00)

- Baleti Kombëtar i Kosovës organizon shfaqjen “Ngjyrat e vallëzimit”. (Teatri Kombëtar i Kosovës, ora 17:00)

- Komuna e Gjilanit mban akademi për nder të ditës së mëvetësisë së Kosovës, ku edhe do të ndahen çmimet, Nderi i Qytetit dhe Heroinat e Qytetit. (Salla e teatrit të qytetit të Gjilanit, ora 17:00)

- Organizohet pritje shtetërore me rastin e 12 vjetorit të Shpalljes së Pavarësisë se Kosovës. (Bogdanipolis, Katedralja Shën Nënë Tereza, ora 18:00)

- Kosovafilmi organizon Javen e filmit shqiptar në Prishtinë. (Kino ABC, ora 19:00)

- Teatri Kombëtar i Kosovës organizon shfaqjen “Bryma e vdekjes”. (Teatri Kombëtar, ora 20:00)