19 Shkurt 2020

Kjo është dhurata më e bukur që pranova nga një femër

Shkruar nga Agim A Hoxha

I thelluar në biseda të ndryshme socio-ekonomike me një mik timin në një pastiçeri afër sheshit të Prishtinës, papritmas shfaqet një femër rrethë të 50-ve, vendosë në tavolinën tonë një figurë si varëse çelësash dhe një letër ku shkruante "Ndihmoje shoqatën e shurdhë-memecëve duke blerë varësen 1€ ".

Thënë të drejtën për një moment ndaloi koha, ndaloi biseda, ndaloi gjithçka... Ajo vazhdoi të shpërndante nëpër secilën tavoline mesazhin dhe varësen.

Kur erdhi tek ne megjithese s'mund të fliste me shenja disi më pyeti "Dëshiron ta blesh? " ndërsa unë me fjalë dhe gjeste i thashë PO dhe e mora me shumë kënaqesi.

Fytyra e saj e lodhur nga vështirësitë e jetës edhe pse nuk arrinte të fliste, për një moment u shndërrua e tëra në buzëqeshje, buzëqeshje më të bukur ende skam parë...

 Edhe pse jam mentalisht i fortë, rrugës për tek stacioni i autobusëve e shikoja varësen dhe padashje më tradhtuan lotët...

Nëna ime para 6 viteve kishte gjakderdhje në tru dhe pas operacionit ka vështirësi në të folur, sa herë shohë ndonjë grua të moshuar e shohë edhe nënën time, e bashkëndjeva jetën e asaj gruaje dhe e imagjinova përballjen e saj për gjithë ato vite, vështirësitë dhe pamundësinë për tu shprehur që nga lindja!

Në anën tjetër, gjërat ndodhën aq shpejtë sa që nuk arrita të siguroj asnjë informacion apo adresë me qëllim që t'i dalim në ndihmë shoqatës përmes mediave, komunës ose njerëzve të vullnetit të mirë qoftë duke blerë produktet që shet kjo shoqatë, pa anashkaluar shoqatat tjera që shesin produkte dhe ngrisin fondet e tyre, marrë parasysh sfidat ekonomike dhe papunësinë nëpër të cilat është duke kaluar shoqëria kosovare.

Imagjinojeni, në planetin tonë me 7.5 miliard banorë, ka njerëz që kanë plotë gjëra e rrëfime për të treguar për jetërat e tyre por që nuk mund të flasin dhe ka njerëz si ne që flasim por jemi të varfër për nga fjalët sepse fatkeqësisht ato nuk po ndihmojnë, jemi të shurdhër për nga veshët edhe pse dëgjojmë por jo edhe hallet e njerëzve dhe të verbër edhe pse shohim por nuk shohim me çka përballen njerëzit e varfër dhe njerëzit me nevoja të veçanta në sfidat e tyre të përditshme, zemrat tona jane shndërruar në hekur, kërkohet shumë kohë, shumë energji dhe shumë zjarrë që të ngjallen, ngjajshëm si farkëtari kur e përpunon hekurin në zjarrë.

Buzëqeshja e asaj gruaje ishte aq e sinqertë me gjithë qenien e saj dhe aq origjinale sa që do të qëndrojë gjatë në kujtesën time ndërsa varësen me atë figurën e buzëqeshur do ta ruaj si motiv në jetën time me një mesazh të bukur që e mësova:

"Sado e vështirë të jetë jeta, mos harro se dikush e ka më të vështirë se ti, prandaj, ndihmo me aq sa ke mundësi, mos nënvlerëso veprën e mirë sado e vogël ose simbolike që të duket, dhe bëhu i dobishëm për shoqërinë duke i'a rikthyer buzëqeshjen dhe shpresën njerëzve ".

 

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)