16 Shtator 2019

Gushavci ndër resursit më të rëndësishëm për zhvillim të Deçanit

Shkruar nga Adem Lushaj

Ndër faktorët e rëndësishëm për zhvillimin ekonomik janë edhe faktorët natyror, qofshin mbitokësor apo nëntokësor. Deçani është i pasur me burimet natyrore, sidomos me ato që gjenden në masivin e Bjeshkëve të Nemuna.

Burimi i ujit nëntokësor mineral që njihet si "Gushavci", mund të konsiderohet ndër resursit me produktiv ekonomiko-turistik. Pos anës ekonomike që mund të ketë shfrytëzimi i mirë planifikuar i këtij resursi, uji i “Gushavcit” ka efekt shërues të sëmundjeve të ndryshme, sidomos reumatike dhe të lëkurës.

Edhe pse në distancë rreth një kilometër nga qendra e Deçanit, qytetarët e shumtë që kanë nevojën e shfrytëzimit të këtij uji (të ardhur edhe jashtë Kosovës), me vështirësi të mëdha arrijnë ta bëjnë një gjë të tillë.

Pengesat e vendosura nga KFOR-i përgjatë rrugës së asfaltuar; rruga e ngushtë dhe e dëmtuar prej urës që kalohet mbi Lumëbardhin; mos rregullimi i hapësirave për qëndrim dhe pushim; sikurse mungesa e vendit për parkim të automjeteve; janë disa nga çështjet që po ndikojnë në pakënaqësinë e qytetarëve.

Që të marrësh rrugë për te ky burim i ujit mineral, duhet ti përballosh një numër të madh të pengesave rrugore të vendosura nga KFOR-i, që sipas tyre janë për siguri dhe respektim të Zonës së veçantë.

Fare mirë dihet se objekti fetar dhe kulturor (Manastiri i Deçanit), është ruajtur dhe ruhet nga qytetarët, assesi nga pengesat e vendosura nëpër rrugë apo numri i madh i paqeruajtësve italian, austriak apo slloven. Këto pengesa mund të konsiderohen më shumë për iritim të qytetarëve, se sa për siguri të manastirit.

Që, qytetarët dhe makinat, mos të kalojnë nëpër ujin e Lumëbardhit, ishte përkujdesur KFOR-i, duke ngrit një urë të vogël mbi shtratin e lumit. Njëjtë kishte vepruar edhe me shtrim të rrugës me zhavorr, rrugë që dërgon për të Gushavci.

Por, ndryshimet klimatike, qarkullim i makinave, pse jo edhe të atyre që në mënyrë ilegale prejnë pyjet, ka bërë që kjo rrugë të jetë edhe më e mërzitshme për kalimtarët. Më të vështirë e bën gjerësia e rrugës, ngase mezi gjejnë vend vozitësit e makinave për tu shndërruar, duke bërë që të shumtën e rasteve, qytetarët nevojtar të ecin këmbë deri në cakun e tyre.

Sapo të arrijnë te burimi i ujit shërues, te vendi për relaksim dhe shërim “Gushavci”, do përballesh me mungesë të hapësirave për parkim të automjeteve dhe qëndrimit të qytetarëve në uji.

Numri i madh i atyre që kanë nevojë të shijojnë ujin shërues, zvogëlon hapësirat e shfrytëzimit, që shpesh ndodhë edhe të mos ketë mundësi të hyrjes në uji. Pos kësaj, mungesa e ulëseve dhe mungesa e mirëmbajtjes së këtyre hapësirave, veç sa i shton shqetësimet e qytetarëve.

Ndaj, hartimi dhe zbatimi i projekteve me karakter zhvillimor, sidomos të karakterit turistik, do bënte që Deçani të ketë përfitime të mëdha ekonomike.

Punimet që po kryhen në rregullimin e shtratit të Lumëbardhit dhe shëtitores përskaj lumit, është shpresë që kryetari Ramosaj, (përkundër pengesave që janë nga Ligji për Zonën e Veçantë) të vazhdon edhe me projekte që do mundësonin shfrytëzimin e këtij resursi natyror, ashtu që “Gushavci” të jetë në shfrytëzim të përhershëm nga qytetarët.

Kalendari

Ngjarjet e datës 16 shtator 2019

- Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Ministri i Kulturës, Rinisë dhe Sportit, Kujtim Gashi takon Kryetarin e Komunës, Agim Aliu, me të cilin edhe do të nënshkruajë një memorandum bashkëpunimi për 'Ndërtimin e Qendrës Multifunksionale'. (Komuna e Ferizajit, ora 11:00)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”. (Ndërtesa e Kuvendit, salla 405, ora 13:30)

- Kryetari i Lëvizjes Vetëvendosje! Albin Kurti viziton fabrikën "Jatex". (Gjakovë, 14:00)

- Komisioni Qendror i Zgjedhjeve mbanë mbledhjen e radhës. (Objekti i KQZ-së, ora 14:30)

- Kryetari i Lëvizjes Vetëvendosje! Albin Kurti viziton disa bujq. (Gjakovë, 15:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Istogut. (Qendra e qytetit te Istogut, ora 16:00)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Kryetari i Lëvizjes Vetëvendosje! Albin Kurti viziton Shoqatën e Zejtarëve. (Gjakovë, 16:20)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)

- Kryetari i Lëvizjes Vetëvendosje! Albin Kurti takohet me Tomor Morinën. (Gjakovë, 17:40)

- Kandidatja e LDK-së për Kryeministre, Dr. Vjosa Osmani viziton vendlindjen e Presidentit Historik Dr. Ibrahim Rugova, në Cerrcë dhe takohet me strukturat dhe banorët e fshatit.. (Fshati Cerrcë, ora 18:00)