28 Shtator 2020

Eksploatimi i mbrojtur me ligj

Shkruar nga Lëvizja Vetëvendosje!

Cinizmi, në këtë rast në formën e mbulesës ndaj krimit, i Qeverisë së Kosovës nuk duket se ka të ndalur. Si krimi ashtu edhe cinizmi nxorën kokën rishtazi përmes projekt ligjit të punës. Se ky ligj i propozuar është vërtetë cinik. 

Cinizmi që e përcjell këtë ligj është mjaft i thjeshtë dhe i dukshëm. Quhet ligj pune, por në të vërtet, dënon punëtorin, duke e shpërblyer punëdhënësin. Organizimet sindikale të punëtorëve tash sa kohë kërkojnë ligj të punës, duke e shprehur këtë kërkesë përmes formave të ndryshme e deri te protestat. Dhe, në fund, Qeveria e Kosovës doli dhe tha - ja ku e keni ligjin. Por ky ligj është larg asaj çfarë kanë kërkuar dhe pritur punëtorët. Për shkak se ata kanë pritur një ligj i cili do t’ua përmirësojë kushtet e punës, ndërkohë që ligji ua degradon ato.

Ligji nuk e mbron punëtorin nga përjashtimi nga puna, që është një prej rëndësive bazë që ligji i punës duhet të ketë; nuk e cakton pagën minimale në Kosovë, duke ia hapur, kështu, rrugën uljes së vazhdueshme dhe të pandalshme të rrogave në vend; e mban në minimum pushimin e lehonisë (3+3 muaj) gjë që cenon të drejtën dhe mirëqenien e grave duke i vendosë ato padrejtësisht para alternativës - fëmijë apo karrierë, alternativë kjo më e dëmshmja për një shoqëri; nuk parasheh fond social e as fond të papunësisë, që do ta zbusnin sado pak varfërinë, etj. E vetmja gjë e mirë në këtë ligj është orari i punës që caktohet në 40 orë në javë, gjë që ka qenë e përcaktuar edhe më rregullore të UNMIK-ut, si dhe pagesat e obliguara për orë shtesë. 

Në deklarimet e tyre publike për ligjin, më të përafërt kanë qenë sindikatat dhe shoqatat e bizneseve, pra punëtorët dhe punëdhënësit, sesa ministri Ahmet Shala. Kjo është situatë absurde ku më të brengosur për të drejtat e punëtorëve janë punëdhënësit e ndërmarrjeve private sesa qeveria e shtetit. Kjo tregon se Ahmet Shala, jo që nuk ia mban anën intereave të popullit të Kosovës, por madje as prodhuesve të Kosovës. Ai madje edhe e ka deklaruar disa herë që ligji ka për synim interesin e investitorëve.

Por tash po del që, në fakt, me investitorë kjo qeveri nënkupton vetëm investitorët e jashtëm, madje vetëm ata me të cilët këta ministra kanë lidhje të ngushta. Se ligji i punës domosdoshmërisht nuk i largon investitorët e jashtëm, përveç atyre që e bazojnë përfitimin në eksploatim të egër. Se po të kishte qenë kështu, atëherë vendet skandinave, apo, ta zëmë, Franca, me ligjet e tyre progresive të punës nuk kishin tërhequr fare investitorë. Ose, të krahasohemi me rajonin: Kosova e ka rrogën më të ulët mesatare në rajon dhe po ashtu koston më të lirë të punës. Dhe prapë tërheqim më së paku investime. Një ligj i tillë i punës i shërben vetëm përfitimeve partikulare të një grupi interesash. Dhe, natyrisht, eksploatimit të shumicës.

Komiteti për ekonomi

 

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës ku me pas do të ketë edhe konferencë për media. (Ndërtesa e Qeverisë, ora 8:30)

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

- Valbon Krasniqi, ud. drejtor i përgjithshëm i ShSKUK-së dhe Ministri i Shëndetësisë, Armend Zemaj mbajnë konferencë për medie, në lidhje me rikthimin e shërbimeve shëndetësore, përfshirë punën e ambulancave specialistike, operacioneve jo emergjente dhe shërbimeve tjera elektive. (Para objektit të  administratës së ShSKUK-së ora 10:00)

- Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)

- Fillon java e tretë e programit publik në Festivalin e Arkitekturës në Kosovë. (Drejtperdrejt në faqen facebook-ut të Festivalin e Arkitektures, ora 18:30)