17 Shkurt 2020

Diaspora, infuzioni i shtetit tonë

Shkruar nga Shpëtim Morina

Kosova si një vend me tradita të lashta dhe me zakone që mbeten të përjetshme, ruan me fanatizëm institucionin më të rëndësishëm dhe më funksional të shoqërisë e që është Familja.

Si një popull i cili ka pasur një të kaluar të vështirë, fatin e mirë të cilin e ka trashëguar brez pas brezi ka qenë ruajtja dhe kultivimi i raporteve familjare.

Të tilla raporte i kemi ende prezente edhe pse në shkallë më të ulët por prapë më të theksuara se popujt tjerë.

Në të kaluarën por edhe në të tashmën është i dhimbshëm largimi i rinisë në vendet perëndimore për një jetë më të mirë, mirëpo këta të rinjë asnjëherë nuk i braktisën familjet e tyre në Kosovë.

Ata gjithmon menduan për vendin e tyre dhe ishin një katalizatori i fuqishëm për mirëqenien e tyre dhe gjithashtu edhe për ekonominë në vendin tonë në përgjithësi.

Situata  ekonomike në vendin tonë është në një niivel të ulët dhe papunësia në vendin tonë ka përmasa të mëdha e cila është shkaktuar për më shumë se 20 vite qeverisje nga klasa politike në vendin tonë.

Roli i diasporës për vendin tonë gjithmonë ka qenë i papërshkruar si në kohën e luftës, pas luftës dhe po vazhdon ende në kohën e shtet- ndërtimit.

Ky rol vërehet më së miri në muajt veror kur vendi ynë vërshohet nga ardhjet e njerëzve tanë që jetojnë në vendet perëndimore.

Ekonomitë e vogla të mesme edhe të mëdha pesojnë rritje në shitje, Kontributi i tyre vërehet pothuajse në qdo sferë të jetës brenda gjithv vitit mirëpo e theksuar sidomos muajve veror ku ata frekuentojnë vendin tonë.
                           
Dashurinë të cilën e ushqejnë për vendin e tyre, e te cilën e bartin edhe tek brezat e rinjë, paraqet një fenomen të cilin qdo popull i huaj do të deshironte ta posedonte.

Dihet mirë që shpenzimet që diaspora bëjnë në vendin tonë është e barazvlefshme me një pushim në vendet më të njohura turisitike si në Kroaci, Turqi, Spanjë e vendet tjera, mirëpo dashuria per vendin e tyre dhe njerezit e tyre të cilët jetojnë në Kosovë bënë që gjtihqka të lënë anash dhe ti kalojnë pushimet pranë familjarëve të tyre.

Ky gjesti i tyre meriton qdo mirënjohje dhe respekt që intitucionet dhe shoqëria jonë duhet ti bëjë.

Mirëpo ështe për keqardhje trajtimi nga ana jonë për diasporën tonë, duke filluar me pritjet e gjata në kufirin shtetëror, pastaj me rritjen e qmimeve në produktet ushqimore, mosrregullimin e dokumenteve në kohën e duhur nga ana e institucioneve qendrore dhe lokale, ndërsa është për keqardhje trajtimi ofendues dhe fyes nga shoqëria jonë për njerëzit tanë që jetojnë jashtë vendit tonë.

Përderisa presidenti ynë ndan dekorata dhe mirënjohje me e pa meritë për disa personalitete është e pajustifikueshme që deri më tani nuk ka paraparë asnjë mirënjohje për njerëzit e diasporës.

Ky vleresim imi vlen edhe për institucionet lokale që të organizojnë evenimente kulturore edhe artistike dhe që të shpallet një periudhë kohore vetem për këto organizime si shenjë respekti për punen dhe kontributin e tyre dhënë shtetit tonë.

Diaspora jonë e dashur mirë se vini në vendin tuaj në vendin të cilin ende jeni duke kontribuar në ndertimin, zhvillimin dhe përparimin e Republikës suaj.

Ky vend do të jetë mirënjohës ndaj juve me shekuj dhe kontributi juaj do të shkruhet me shkronja të arta në muret e historisë së vendit tuaj.   
 

Kalendari

Ngjarjet e datës 17 shkurt 2020 - Në 12 vjetorin e Shpalljes së Pavarësisë së Republikës së Kosovës Garda ceremoniale bën ngritjen e flamurit nga në prani të dy udhëheqësve shtetërorë, Albin Kurti dhe Vjosa Osmani. (Oborri i qeverisë, ora 8:00)

- Kryetari i Komunës së Rahovecit, Smajl Latifi organizon pritjen e mysafirëve për ndër të pavrësisë. (Zyra e Kryetarit Latifit, ora 8:00)

- Anëtarët e Kryesisë së Partisë Demokratike të Kosovës dhe deputetët e PDK-së, bëjnë homazhe në Prekaz, për nder të 12 vjetorit të Pavarësisë së Kosovës. (Kompleksi Memorial i Jasharajve, ora 8:30)

- Udhëheqës të Komunës së Skenderajt bëjnë homazhe të shtatorja e Adem Jasharit. (Skenderaj, ora 9:00)

- Komuna e Rahovecit bën homazhe në të gjitha vendrëniet dhe pllakat e dëshmorëve të Rahovecit. (Rahovec, ora 09:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani vendosin kurora te kompleksi memorial Adem Jashari.
(Prekaz, ora 9:10)

- Komuna e Skenderajt dhe Komuna e Drenasit organizojnë homazhe të Kompleksi Memorial 'Adem Jashari'. (Prekaz, ora 9:30)

- Komuna e Skenderajt dhe Komuna e Drenasit organizojnë homazhe të Memorial i dëshmorëve në Marinë. (Marinë, ora 9:30)

- Kuvendi Komunal i Skenderajt mban seancë solemne në 12 vjetorin e Pavrësisë. (Objekti i Komunës së Skenderajt, ora 10:00)

- Me rastin e 12 vjetorit të shpalljes së pavarësisë së Kosovës, Kryesia e LDK-së dhe veprimtarë bëjnë homazhe te varri i Presidentit Historit Dr. Ibrahim Rugova. (Velani, ora 10:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani  vendosin kurora pranë varrit të Presidentit Ibrahim Rugova dhe te varri i Veprimtarit Adem Demaçi. (Velani, ora 10:30)

- Kuvendi i Republikës së Kosovës mban seancë solemne nën kujdesin e Znj.Vjosa Osmani Kryetare e Kuvendit të Republikës së Kosovës ku të pranishëm do të jenë kryeministri Albin Kurti, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë. (Kuvendi i Republikës së Kosovës, ora 11:00)

- Agjencia Shtetërore e Arkivave të Kosovës dhe Drejtoria e Përgjithshmë e Arkivave të Shqipërisë organizojnë hapjen e ekspozitës “Kosova në arkivin e shtetit shqiptar”. (Lapidariumi i Muzeut Kombëtar të Kosovës, ora 11:00)

- Në 12-vjetorin e shpalljes së Deklaratës së Pavarësisë së Kosovës, kryetari i Komunës së Gjilanit, Lutfi Haziri me bashkëpunëtorët bëjnë homazhe tek varrezat e qytetit. (Gjilan, ora 11:00)

- Komuna e Istogut mban seancë solemne me rastin e 12-të vjetorit të Pavarësisë së Republikës së Kosovës. (Salla e Kuvendit Komunal të Istogut, ora 11:00)

- Kryetarja e Kuvendit të Republikës së Kosovës Vjosa Osmani dhe Kryeministri i Republikës së Kosovës, Albin Kurti vizitojnë Forcën e Sigurisë se Kosovës ku edhe do iu drejtohen me fjalë përshëndetëse trupave të FSK-së. (Kazerma “Adem Jashari”, ora 12:00)

- Kuvendi Komunal i Rahovecit mban seancë solemne për nder të “17 Shkurtit”. (Salla e Kuvendit Komunal, ora 12:00)

- Muzeu Kombëtar i Kosovës organizon hapjen e ekspozitës me tematikë arkeologjike “Trashëgimia Arkeologjike Adriatiko-Meditariane në Kosovë” të autorit Tomor Kastrati. (Objekti i Muzeut, ora 12:00)

- Komuna e Istogut organizon homazhe dhe vendosje kurora lulesh tek Lapidari i Dëshmorëve në qendër të Istogut . (Istog, ora 12:00)

- Për nder të 12-vjetorit të Pavarësisë së Republikës së Kosovës, Ministria e Kulturës, Rinisë dhe Sportit do të organizojë ceremoninë e ndarjes së çmimeve për letërsi për vepër jetësore dhe çmimet tjera vjetore për vitin 2019. (Kabineti i ministres Vlora Dumoshi, ora 13:00)

- Kryetarja e Kuvendit, Vjosa Osmani merr pjesw nw prezantimin e Obeliskut Newborn me pamje të re. (Newborni tw Pallati i Rinisw, ora 13:00)

- Komuna e Skenderajt organizon manifestimin qendror pë Pavarësinë. (Sheshi Adem Jashari në Skenderaj, ora 13:00)

- Komuna e Rahovecit organizon program qendror festiv. (Qendra e Kulturës ‘’Mensur Zyberaj’’, Rahovec, ora 13:00)
 
- Komuna e Istogut organizon programi festiv me këngë e valle për pavarësi. (Para Qendrës Kulturore në Istog, ora 13:00)

- Komuna e Skenderajt organizon turnir në futboll të vogël të quajtur 'Kupa e Pavarësisë'. (Shkolla profesionale në Skenderaj, ora 15:00)

- Komuna e Rahovecit organizon finalen e garave në futboll në mes katër shkollave në komunën e Rahovecit. (Palestra Sportive ‘’Mizahir Isma’’, Rahovec, ora 16:00)

- Presidenti i Republikës së Kosovës, Hashim Thaçi, për nder të 12 vjetorit të pavarësisë së Kosovës, u drejtohet ushtarëve të FSK-së. (Kazerma “Adem Jashari”, ora 16:00)

- Baleti Kombëtar i Kosovës organizon shfaqjen “Ngjyrat e vallëzimit”. (Teatri Kombëtar i Kosovës, ora 17:00)

- Komuna e Gjilanit mban akademi për nder të ditës së mëvetësisë së Kosovës, ku edhe do të ndahen çmimet, Nderi i Qytetit dhe Heroinat e Qytetit. (Salla e teatrit të qytetit të Gjilanit, ora 17:00)

- Organizohet pritje shtetërore me rastin e 12 vjetorit të Shpalljes së Pavarësisë se Kosovës. (Bogdanipolis, Katedralja Shën Nënë Tereza, ora 18:00)

- Kosovafilmi organizon Javen e filmit shqiptar në Prishtinë. (Kino ABC, ora 19:00)

- Teatri Kombëtar i Kosovës organizon shfaqjen “Bryma e vdekjes”. (Teatri Kombëtar, ora 20:00)