18 Shtator 2019

Demokracia nuk mund të jetojë pa media të lira

Shkruar nga Frederica Mogherini

Demokracia nuk mund të jetojë pa media të lira, të larmishme dhe të pavarura. Gazetarët dhe akterët e medias në mbarë botën i mbajnë shtetet, zyrtarët qeveritarë, korporatat dhe shoqërinë në përgjithësi përgjegjës për veprimet e tyre.

Por tepër shumë prej tyre përballen me kërcënime dhe sulme vetëm për shkak të kryerjes së punës së tyre, ndërsa kryesit e këtyre sulmeve shpesh veprojnë me mosndëshkim të plotë.

Në këtë ditë, e cila është shpallur si Dita Ndërkombëtare për t'i dhënë fund mosndëshkimit të krimeve kundër gazetarëve, në sajë të Rezolutës 68/163 të Asamblesë së Përgjithshme të OKB-së, ne i falënderohemi të gjithë atyre gazetarëve anembanë botës që humbën jetën dhe u ballafaquan me sulme në ushtrimin e profesionit të tyre.

Ne gjithashtu përshëndesim të gjithë ata gazetarë të guximshëm që po vazhdojnë punën e kolegëve të tyre të cilët më nuk janë në gjendje të ndjekin hetimet e tyre.

Vrasjet e gazetarëve hulumtues Daphne Caruana Galizia dhe Jan Kuciak në BE tregojnë që asnjë rajon i botës nuk është imun ndaj kësaj. Këto krime të neveritshme duhet të hetohen hollësisht dhe të ndiqen penalisht, siç është rasti i vrasjes së gazetarit saudit Jamal Khashoggi në Konsullatën Saudite në Stamboll.

Kemi kërkuar dhe presim që Arabia Saudite të bashkëpunojë në një hetim të plotë, të besueshëm dhe transparent dhe insistojmë në nevojën për qartësimin e rrethanave të vdekjes së tij dhe llogaridhënies së plotë të të gjithë atyre që janë përgjegjës për këtë.

Në shumë vende ka një tendencë shqetësuese për të zhdukur dhe zvogëluar hapësirën për gazetari të lirë, shpesh duke vënë në mënyrë indiskrete dyshimin mbi kredibilitetin e mediave për të diskredituar dhe dobësuar punën e tyre.

Gazetarët kanë nevojë për një mjedis ku ata janë në gjendje të punojnë në siguri, brenda dhe jashtë internetit, pa frikë nga ngacmimi, presioni politik, censura ose persekutimi.

Një sistem i fuqishëm ligjor duhet të mbrojë shtëpitë mediale dhe gazetarët anembanë botes, që ata të mund të kryejnë punën e tyre në pavarësi të plotë. Në një kohë kur dezinformimi është në rritje, siguria e gazetarëve duhet të garantohet për t'u lejuar atyre të promovojnë raportim të saktë për të mirën dhe në interes të të gjithë qytetarëve tanë.

BE-ja do të vazhdojë të përdorë të gjitha instrumentet e përshtatshme të politikës së jashtme dhe ato financiare për të rritur cilësinë e gazetarisë, qasjen në informata publike dhe lirinë e shprehjes.

Do të vazhdojë financimin e Qendrës Evropiane për Lirinë e Shtypit dhe Medias (ECPMF), si dhe sigurimin e mbrojtjes së shënjestruar përmes programeve për Mbështetjen e Mbrojtësve të Drejtave të Njeriut.

Të gjitha shtetet brenda dhe jashtë Bashkimit Evropian kanë për detyrë të përmbushin detyrimet e tyre për të mbrojtur lirinë e shprehjes dhe sigurinë e gazetarëve, duke siguruar një mjedis ligjor i cili mundëson të punuarit, duke marrë kërcënimet ndaj gazetarëve seriozisht dhe duke ndjekur me vendosmëri sulmet aktuale.

Presim që të gjithë të përforcojnë masat parandaluese, duke mobilizuar të gjithë akterët dhe duke krijuar mekanizma kombëtare të sigurisë, në përputhje me Planin e Veprimit të OKB-së për Sigurinë e Gazetarëve dhe Çështjen e Mosndëshkimit.

Gazetaria e lirë është shtylla kurrizore e shoqërive të lira: minimi i saj nënkupton minimin e lirisë sonë.
 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)