04 Gusht 2020

Bishat dhe bishtat përzgjedhin tekstet shkollore

Shkruar nga Shukri Klinaku

Z. Ministër Shyqiri Bytyqi! Pse lejoni që bishat dhe bishtat të përzgjedhin tekstet shkollore

Kush janë bishat?

Nuk ka proces më të lënduar ligjërisht sesa procesi aktual i përzgjedhjes së teksteve shkollore, sepse nuk është respektuar as një rregullore, as një udhëzim administrativ, as një ligj.

Dhe nuk ka, as nuk mund të ketë proces më jo transparent, sepse as edhe një herë të vetme, as një organ kompetent për këtë proces nuk i është përgjigjur ndonjë pale, ndonjë ankese a kërkese; as një organ kompetent, as edhe një herë deri më tani - kur ju pretendoni se procesi është në fund - nuk ka dhënë rezultat publik, as shtëpive botuese mbi vlerësimin e dorëshkrimeve sipas standardeve dhe kurrikulës.

Pra, bishat janë ata që kanë shkelur çdo rregull në këtë proces dhe nuk denjojnë të flasin dhe të japin as ma të voglin shpjegim për procesin.

Kush janë bishtat?

Disa këshilltarë të juaj - që janë edhe anëtarë të "komisionit" përzgjedhës të teksteve shkollore, që nuk kanë guxim të publikojnë, as të nënshkruajnë rezultatin e vlerësimit të dorëshkrimeve.

Zoti ministër! Në vazhdim edhe një herë po i renditi faktet kryesore që tregojnë se procesi është jo ligjor dhe jo transparent:

1. Në mënyrë të kundërligjshme është përjashtuar nga vendimmarrja në procesin e përzgjedhjes së teksteve shkollore i vetmi organ kompetent në këtë proces - KEPTSH-i.

2. Vendimet i ka marrë një "komision", i cili është ilegal. Për pasojë:

3. Nuk ka, deri në ditën e sotme - asnjë - vendim, asnjë rezultat mbi shqyrtimin e konkurseve për tekstet shkollore. Palët në konkurs nuk kanë marrë asnjë rezultat valid mbi vlerësimin e dorëshkrimeve. Meqenëse "komisioni" nuk ka emër, nuk ka legjitimitet, është e qartë se nuk guxon të nënshkruaj vendim, as rezultat.

4. Ky "komision" ka lëshuar disa letra informale, në rrugë informale, me disa shifra memece që i quan "rezultate", të cilat nuk tregojnë gjë mbi vlerësimin e dorëshkrimeve sipas standardeve dhe kurrikulës.

5. Deri më sot kam bërë dy ankesa lidhur me procesin e përzgjedhjes së teksteve shkollore, në afat ligjor, pranë Komisionit për ankesa në MASHT - por nuk kam marrë përgjigje në asnjërën prej tyre.

6. Recensentët kanë punuar dhe janë paguar kot, vendimet i ka marrë "komisioni".

7. "Pilotimi e teksteve", me të cilin term po manipulohet tani, nuk është gjë tjetër pos një gënjeshtër dhe manipulim që bëjnë bishtat e procesit.

Të gjitha këto shkelje të rënda do të jenë pjesë e tri padive gjyqësore:

e para për shkeljet administrative;

e dyta, një padi civile; dhe

e treta, një kallëzim penal, për falsifikimet, për shkeljet ligjore, dhe përfitimet jo ligjore të bishave dhe bishtave.

Sigurisht se paditë do të drejtohen ndaj MASHT-it dhe ndaj individëve me përgjegjësi, por edhe ndaj juve, nëse vazhdoni të lejoni këtë krim shumëdimensional, sepse jeni kreu i MASHT-it.

Kalendari

Ngjarjet e datës 4 Gusht 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve. (Salla e seancave plenare, ora 9:00)

 

- Riccardo Serri, Ushtrues i Detyrës së Shefit të Zyrës së BE-së në Kosovë do të dorëzojë 30 Ventilatorë të ICU, 200 Pulse Oximeters dhe 20 makina elektrokardiografike Ministrisë së Shëndetësisë në mbështetje të sistemit shëndetësor. (Live stream on facebook.com/EuropeanUnionInKosovo, ora 10:00)

- Mbahet mbledhja e Komitetit për Politikë dhe Financa e Komunës së Prizrenit. (Salla e mbledhjeve të Kuvendit Komunal në Shtëpinë e Bardhë, ora 10:00)

-  Komisioni për Mbikëqyrjen e Financave Publike shqyrton raportin e auditimit për Ministrinë e Kulturës, Rinisë dhe Sportit dhe Ministrinë e Diasporës dhe Investimeve Strategjike. (Salla e seancave plenare, ora 10:00)

- Mbahet takimi konsultativ rreth procesit për përgatitjen e programit të reformave në ekonomi 2021 - 2023. (Ndërtesa e Qeverisë, salla P 38, ora 13:30)