14 Nëntor 2018

Ballkani midis Bashkimit Evropian, Rusisë dhe Turqisë

Shkruar nga Vjollca Hajdari 

 Sa është i ndikuar Ballkani Përëndimor nga fuqitë e mëdha botërore dhe cilat interesa gjeostrategjike janë duke u ndeshur në Gadishullin Ballkanik?

A është duke u përsëritur - sidomos tek shqiptarët - historia në kontekst gjeopolitik, ekonomik dhe kulturor?

Si vështrohet raporti BE - Ballkan krahas interesave ruse, atyre turke e kineze dhe ku qëndron roli i SHBA-ve në këto zhvillime?

Këto dhe shumë pyetje të tjera u diskutuan më 26 qershor në Berlin, në debatin publik me temë "Ballkani midis BE-së , Rusisë dhe Turqisë ", i organizuar dhe inicuar nga korifeu i gazetarisë gjermane, Alexander Kulpok, autor i librit "Shqipëria, sekreti i fundit i Evropës".

Ai për këtë temë diskutimi kishte ftuar Vjollca Hajdarin, gazetare dhe politologe, e cila për shtypin u shpreh se titullin e debatit e kishin vendosur bashkë .

Gjatë takimeve që kemi pasur, Kulpok ja kam shprehur brengat e mia në lidhje me zhvillimet e fundit në Kosovë, Shqipëri dhe Maqedoni.

Poashtu kam folur për qasjen e Bashkimit Evropian ndaj Ballkanit, në veçanti ndaj pjesës së banuar me shqiptarë.

Krahas problemeve të brendshme, kam vënë në pah ndikimet politike, ekonomike dhe kulturore që po ushtrojnë Rusia, Turqia, Kina dhe Arabia Saudite, ndaj tema e debatit erdhi si rezultat i bisedave që kishim zhvilluar me parë ", ka thenë ajo.

Në këtë diskutim ku Hajdari ishte e ftuar si staf akademik i Qendrës për Evropën Lindore (Sektori Evropa Juglindore) dhe bashkëthemeluese e Organizatës "Dialogu i Hapur Ndërkombëtar" së bashku me Ramon Schack, gazetar dhe autor, në fokus ishin raportet Kosovë-Serbi, zhvillimet e fundit në Shqipëri dhe marrëdhëniet që kanë këto vende me fqinjët përreth.

"Kemi diskutuar për aspiratat e Shqipërisë, Kosovës dhe vendeve tjera të Ballkanit drejt integrimeve Evropiane dhe kemi elaboruar pengesat e bllokadat në të cilat janë duke hasur ato" ka thënë politologia shqiptare.

Hajdari ka përmendur problemet me të cilat po përballet Shqipëria, si destinacion aktual i refugjatëve sirianë dhe Kosovën, si vendin më te izoluar në Evropë.

Në këtë debat të mbajtur dy ditë para përvjetorit të Betejës së Kosovës, është ofruar një retrospektivë lidhur me zhvillimet historike.

Ramon Schack ka pasqyruar në formë kronologjike ngjarjen e vitit 1389, ndërkaq që Vjollca Hajdari e ka plotësuar ate, duke ofruar pikëvështrimin shqiptar dhe atë ndërkombëtar.

Ajo ka demantuar mitin e krijuar Serb për Kosovën "djep" të Serbisë dhe ka shpjeguar etimologjinë e emërtimit të Kosovës.

"Emri antik i Kosovës është‚ Dardania’ dhe shqiptarët janë popull autokton në Ballkan, ndërsa serbët erdhën nga shekulli i 7-të i erës tonë" ka theksuar ajo.

Në vijim të mbrëmjes,të tre diskutuesit kanë analizuar strategjitë rreth mekanizmave mbrojtës - në veçanti sa i përket mobilizimit ndaj ndikimeve nga jashtë.

Ata kanë përmendur shembullin e Rusisë, Turqisë, Kinës dhe Arabisë Saudite, duke mos lënë anash rolin e SHBA-ve në Ballkanin Përëndimor.

 „Natyrisht se në këtë mbrëmje, si detyrë parësore, e pashë që të shpjegoj para publikut gjerman domethënien e shqiponjës dykrenare, për të cilën u zhvillua debati kontravers gjatë dhe pas lojës Zvicër-Serbi dhe te raportoj rreth sjelljes fashiste të "tifozëve" serbë drejtuar futbollistëve shqiptarë " ka theksuar Vjollca Hajdari.

 Sipas saj, është shumë e rëndësishme që - sidomos në raste të tilla - të reagohet shpejtë, pasiqë serbët janë shumë të organizuar në këtë drejtim.

"Ne jemi ata, që duhet të krijojmë mekanizma për të informuar drejtë , për të sensibilizuar dhe ndërgjegjësuar opinionin ndërkombëtar, që të mënjanojmë keqkuptimet ndaj nesh, por edhe t'i kundervihemi propagandave" ka thënë gazetarja shqiptare, e cila prej kohësh merret me imazhin e shqiptarëve

Kalendari

Ngjarjet e datës 15 nëntor 2018 - Komisioni Hetimor Parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018 interviston ish-Drejtorin e Agjencisë së Kosovës për Inteligjencë, Driton Gashi, Inspektorin e Përgjithshëm të Agjencisë së Kosovës për Inteligjencë, Shkelzen Sopjani dhe Ministrin e Ministrisë së Infrastrukturës, Pal Lekaj. (Ndërtesa e Kuvendit, salla N 10, ora 8:30)

- Organizata për Siguri dhe Bashkëpunim në Evropë organizon takimin e grupit punues 'Kushtet e punës të gazetarëve'. (Hotel Sirius, ora 9:30)

- Presidenti i Republikës së Kosovës, Hashim Thaçi, pret në takim lamtumirës dhe dekoron Komandantin e KFOR-it, Salvatore Cuoci. (Kabineti i Presidentit, ora 10:00 - vetëm pamje)

- Në kuadër të Fushatës “Ta Pastrojmë Kosovën” organizohet tryezë me qëllim të diskutimit të të arriturave të komunave të rajonit të Mitrovicës në fushatën e pastrimit nga data 15 shtator e deri më tani. (Restorant “Villa Vllahia” në fshatin Vllahi të Mitrovicës, ora 10:00)  

- Akademia Diplomatike e Republikës së Kosovës organizon promovimin e librit “Kalvari Diplomatik i shtetit të Kosovës” të autorit Shaban Murati. (Biblioteka Kombëtare, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projekt kodit Penal i Republikës së Kosovës, etj. (Ndërtesa e Kuvendit, salla N204, ora 10:00)

- Lëvizja FOL organizon diskutim, me ç ‘rast do të publikoj të gjeturat nga monitorimi i kontratës dhe procesin e shpronësimit për ndërtimin  e autostradës Prishtinë-Gjilan-Dheu i Bardhë. (Hotel Sirius, ora 11:00) 

- Zjarrfikësit organizojnë protestë në shenjë revolte dhe pakënaqësie lidhur me pozitën e vështir qe ka kapluar shërbimin e zjarrfikësve në vend. (Nisja nga parkingu i Pallatit të Rinisë, ora 10:30 - para objekti i Qeverisë, ora 11:00)

- Kryeministri Ramush Haradinaj mbanë ligjëratë për studentët e Fakultetit Filozofik. (Fakulteti Filozofik, ora 11:00)

- Instituti Demokratik i Kosovës mban konferencën për media në të cilën do të paraqiten gjetjet e KDI-së lidhur me mënyrën se si operatorët ekonomik në Kosovë po amnistohen nga veprat penale. (Zyrat e KDI-së, ora 11:00)
 
- Presidenti i Republikës së Kosovës, Hashim Thaçi pret në takim Ministrin e Punëve të Jashtme të Hungarisë, Péter Szijjártó. (Kabineti i Presidentit, ora 12:00 - vetëm pamje)  

- Organizata për Rritjen e Cilësisë në Arsim realizon një aksion para Fakultetit Juridik për rastin e plagjiaturës së Mejdi Bektashit pasi gjykata themelore ka vendosur ta cenzurojë përkohësisht raportin e organizatës Admovere ku flitet për këtë plagjiaturë. (Para Fakultetit Juridik në Universitetin e Prishtinës, ora 12:30)

- Ministria e Punës dhe Mirëqenies Sociale bën lansimin në konsultime publike të Koncept Dokumentit për Shërbime Sociale dhe Familjare, të hartuara nga MPMS. (Salla e konferencave në MPMS, ora 13:00)

- Ministri i Punëve të Jashtme i Republikës së Kosovës, Behgjet Pacolli takohet me Ministrin e Punëve të Jashtme të Hungarisë, Péter Szijjártó. (Ndërtesa e Ministrisë së Punëve të Jashtme, ora 12:30 - konferenca, ora 13:15)

- Ministria e Infrastrukturës nënshkruan marrëveshje bashkëpunimi me palën hungareze për implementimin e projektit të Sistemit Inteligjent të Transportit. (Objekti i Ministrisë së Punëve të Jashtme, ora 13:10)

- Ushtruesi i Detyrës së Zëvendësshefit të Misionit, Richard Mei do të vizitojë të enjten Panairin e katërtë vjetor të Alumnive të Kolegjeve që organizohet nga Qendra Këshilluese Amerikane si pjesë e Javës Ndërkombëtare të Edukimit. (Hotel Sirius, ora 14:30)

- Kryeministri Ramush Haradinaj pret në takim Ministrin e Jashtëm të Hungarisë z. Peter Szijarto. (Ndërtesa e Qeverisë, ora 15:50)

-  Ministri i Infrastrukturës, Pal Lekaj dhe Ministri i Jashtëm dhe Tregtisë së Hungarisë, Péter Szijjártó, do të zhvillojnë edhe një takim bilateral. (Ndërtesa e Qeverisë, salla P37, ora 16:25 - vetëm pamje)

- Kryeministri Ramush Haradinaj merr pjesë në performancën e artistëve nga Gjermania “Tape That”, organizuar nga Ambasada e Gjermanisë në Kosovë. (Teatri Kombëtar, ora 19:00)

- Ambasada e Francës organizon mbrëmjen Beaujolais Nouveau e cila është një mundësi për t’i shijuar verërat Beaujolais 2018, shoqëruar me djathëra francezë, të gjitha në një atmosferë muzikore dhe miqësore. (Hotel Sirius, ora  19:00)