24 Shkurt 2020

Allishverishet PANA-PSD!

Shkruar nga Bajram Gecaj

Po e dëgjoja mbrëmë demagogjinë e Dardan Molliqajt, dhe më duhet patjetër të reagojë!

Mediet e shumta kishin shkruar para disa ditësh në lidhje me pazaret të cilat i kishin bërë pjesëtarët e koalicionit PANA me PSD-në në lidhje me rastin Abrashi-Ahmeti i cili tanimë po zvarritet me muaj të tërë nga ana e Gjykatës Kushtetuese.

Madje, vet Ahmeti, me 23 janar të këtij viti, rreth orës 13, kishte deklaruar se Abrashi kishte humbur rastin në Gjykatën Kushtetuese ... tani shtrohet pyetja: ku po e din ai? A i ka treguar për këtë gjyqtarja raportuese apo ndonjë sekser?

Duke marrë parasysh se kjo gjykatë është instanca më e lartë gjyqësore në Republikën e Kosovës, dhe se vendimet e tyre janë të paapelueshme, unë tanimë kam kërkuar publikisht që me këtë çështje të merret Prokuroria e Shtetit, dhe ti vërtetoi apo ti hudhi poshtë këto akuza.

Po flitet gjithashtu edhe për kushte tjera, pos atyre pesë kushteve të proklamuara publikisht nga ana e PSD-së!

Thuhet se ministri i bujqësisë dhe ai i brendshëm do të mund të jenë individë të piketuar mu nga ana e PSD-së, por nën mbulojën e personave të pavarur politikisht.

Janë vërtetë këto marrëveshjet, janë vetëm thashetheme, apo se ndoshta ka edhe diçka krejt tjetër, besoj se do të mund ta shohim në ditët në vijim! Por jam mëse i sigurt se pesë kushtet e PSD-së janë vetëm farsë dhe mbulojë e disa allishverisheve tjera!
 

Kalendari

Ngjarjet e datës 24 shkurt 2020 - Zyra për Komunikim Publik e Zyrës së Kryeministrit dhe Agjencina për Informim dhe Privatësi mban sesion informues për zbatimin e Ligjit për Qasje në Dokumente Publike. (Hotel “International Pristina”, ora 9:00)

- Kostituohet Komisioni për Bujqësi, Pylltari, zhvillim Rural, Infrastrukturë dhe Mjedis. (Ndërtesa e Kuvendit, salla N 302, ora 10:00)

- Drejtoria e Inspekcionit në Komunën e Prishtinës do të fillojë zbatimin e dy vendimeve për rrënim në të njëjtën kohë, në rr. Musa Tolaj në Lakrishte. (Takimi me mediat bëhet në rrugën, Musa Tolaj, ora 10:00)

- Ministria e Arsimit, Shkencës, Teknologjisë dhe Inovacionit organizon lansimin e projektit strukturor Erasmus + “Ngritja e kulturës kërkimore në arsimin e lartë në Kosovë”. (Ndërtesa e MAShTI, ora 10:00)

- Demokracia Plus organizon tryezën e organizuar ku do të diskutohet mbi dyfishimin e pozitave të nëpunëse civil si rezultat i ristrukturimit të Qeverisë nga 21 në 15 ministri. (Salla e konferencave Orion, ora 10:00)

- Grupi Parlamentar i Aleancës për Ardhmërinë e Kosovës organizon tryezë për taksën 100 për qind ndaj produkteve nga Serbia dhe Bosnja. (Hapësirat e Kuvendit të Kosovës, ora 10:00)

- Konstituohet Komisioni për të Drejtat dhe Interesat e Komuniteteve. (Ndërtesa e Kuvendit, salla N 10, ora 10:00)

- Përurohet libri “Shoqëri e të shtypuri shkronja shqip 1879” të autorit Besim Kabashi i cili më pas do të mbajë një ligjëratë me titull “Një korpus për gjuhën shqipe”. (Amfiteatri i Fakultetit Ekonomik të Universitetit “Ukshin Hoti” në Prizren, ora 11:00)

- Konstituohet Komisioni për të Drejtat e Njeriut, Barazi Gjinore, për Persona të Pagjetur dhe Peticione. (Ndërtesa e Kuvendit, salla N 204, ora 11:00)

- Përurohet laboratori i mikrobiologjisë në Klinikën Infektive të Qendrës Klinike Universitare të Kosovës, i ndërtuar me fondet e projektit “Mbështetje për Sistemin Shëndetësor të Kosovës”, nga Agjencia Italiane për Bashkëpunim dhe Zhvillim. (Klinika Infektive, ora 12:00)

- Hapet ekspozita “Ballafaqimi me të harruarën”. (Biblioteka Kombëtare, ora 12:00)