21 Mars 2019

Aktet e mëdha historike i kanë edhe akterët e tyre

Shkruar nga Shpresa Kurteshi-Emini

Muaji qershor është një ditë me rëndësi të veçantë për Gjilanin dhe qytetarët e Gjilanit. 19 vite më parë, me gjithë ngrohtësinë e stinës, qershori solli me vete lirinë, shpresën dhe besimin për të ardhmen tonë, e cila deri atëherë po cenohej nga kthetrat e armiqve tanë përreth.

Gjithsesi, me meritorët për këtë ditë, janë dëshmorët, ata që ranë duke luftuar patrembur për çlirimin e vendit në çdo skaj të tij, janë veprimtarët e çështjes kombëtare, të cilët, me aktivitetin dhe sakrificën e tyre e tyre i treguan botës si duhet të fitohet liria, pa harruar edhe faktorin ndërkombëtar, veçanërisht SHBA-të dhe NATO-n që dhanë një kontribut të jashtëzakonshëm që Kosova të fitojë paqen dhe të drejtën meritore për të ndërtuar të ardhmen e saj, ashtu siç i takon.

Qershori, veçanërisht dita e çlirimit të Kosovës, 12 qershori dhe, dita e çlirimit të Gjilanit, 15 qershori, do të kujtohen gjithmonë si data që bënë kthesën rrënjësore në historinë më të re të Kosovës, bashkë me 17 shkurtin, që kurorëzoi shtet bërjen e këtij vendi.

Pa dyshim që këto akte, kanë edhe akterët kryesorë, ata që ishin dhe vazhdojnë të mbeten promotorë të ditëve të qeta që ne po i gëzojmë sot.

Për të nderuar këto merita, Kuvendi Komunal i Gjilanit, në seancën solemne të 17 shkurtit, ka shpallur qytetarë nderi Hafiz Gagicen, Hasan Malen e Afrim Kqikun, të cilët, në forma të ndryshme kanë kontribuar për qytetin e Gjilanit dhe vendin e tyre, Kosovën.

Tani që jemi të lirë, mbetet detyrë e jona që bashkërisht të angazhohemi e të punojmë shumë për ndërtimin e së ardhmes së vendit tonë dhe qytetit tonë. Paqja na e ka dhënë këtë mundësi.

(Autorja është kryesuese e Kuvendit Komunal në Gjilan)
 

Kalendari

Ngjarjet e datës 21 mars 2019 - Ministri i Punëve të Jashtme i Republikës së Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq. (Ambientet e Ministrisë së Punëve të Jashtme, ora 8:50)

- Përurohem hapësirat e reja të Shoqatës Down Syndrome Kosova qendra në Prishtinë. (Qyteza Pejton Lokalet e NPB-së, ora 9:00)

- Institucioni i Avokatit të Popullit organizon tryezën me temë"Përgjegjësia juridike e shtetit për shkeljet e të drejtave të njeriut". (Institucioni i Avokatit të Popullit, ora 9:30)

- Instituti Demokraci për Zhvillim  organizon diskutim me rastin e publikimit të dokumentit të politikave “Matja dhe vlerësimi i politikave të riintegrimit”, (Hotel Sirius, ora 9:45)

- Ministri i Mjedisit dhe Planifikimit Hapësinor, Fatmir Matoshi do të takohet me kryetarin e Komunës së Prishtinës, Shpend Ahmeti ku do të diskutojë për hartat zonale, krijimin e zonave të gjelbra, veturat elektrike, policia mjedisore si dhe tema të tjera mes dy institucioneve. (Kabineti i Ministrit Matoshi, ora 10:00)

- Mbahet konferenca e përbashkët për media e Ministrit të Jashtëm, Behgjet Pacolli, dhe ministrit të jashtëm të Malit të Zi, Srdjan Darmanoviq. (Ambientet e Ministrisë së Punëve të Jashtme, ora 10:00)

Shoqata Down Syndrome Kosova organizon konferencen “Aftësia e Kufizuar Intelektuale në Kosovë”. (Hotel Sirius, ora 10:30)

- Qendra Mediale në Çagllavicë organizon debatin publik me temë "Platforma e Kosovës për dialog - realiteti apo fundi i dialogut?". (Qendra Mediale në Çagllavicë, ora 10:30)

- SHL-Kosova themelon Rjetin e Qendrave Rinore të Kosovës ku edhe mban Kuvendin për zgjedhjen e Bordeve të këtij Rjeti. (Zyra e KDI-së, ora 11:00)

- Oda e Afarizmit të Kosovës organizon konferencë për media për Ligjin e Punës.  (Zyret e OAK-së, ora 11:00)

- Lëvizja Vetëvendosje mban konferencë për media në të cilën flasin deputetët Glauk Konjufca dhe Arbërie Nagavci. (Holli i Kuvendit, ora 12:00)

- Ministri Mjedisit dhe Planifikimit Hapësinor, Fatmir Matoshi, do të vizitoi Termocentralin Kosova B lidhur me prezantimin e fillimit të investimeve madhore mjedisore në Termocentralin Kosova B, nga ana e menaxhmentit të KEK-ut. (Termocentrali Kosova B në Obiliq, ora 13:00)

- Partia Socialdemokrate mbanë koferencë për media. (Selia Qendrore e PSD-së, në lagjen Arbëria.  ora 14:00)