13 Dhjetor 2019

A po e rrezikon korrupsioni lirinë e Kosovës

Shkruar nga Bahri Bivolaku

"Midis njerëzve në përgjithësi të korruptuar, LIRIA nuk mund të ekzistojë gjatë", thekson në një mendim njëri ndër themeluesit e idesë së konservatorizmit politik E. Burke. Vërtet ne si shoqëri a kemi arritur në këtë stad të zhvillimit sa korrupsioni ta vë në dyshim vetë lirinë?

Mendoj se po. Nga izolimi si shtet kuptohet, andaj për ta mbrojtur lirinë e fituar me gjak, mund e sakrificë, duhet ta luftojmë korrupsionin.

Është e qartë se në vendet në zhvillim korrupsioni prek institucionet më shumë, pasi kuptohet mbrojtja nuk ekziston. Në rastet e tilla dhënia e marrja e ryshfeteve bëhet rutinë . Në raste edhe një pjesë e fondeve publike, grandeve, përfundojnë në xhepat privat.

Kryetari i PDK së Kadri Veseli në deklarimet e tija shprehet se i ka shpallur luftë korrupsionit . Është shprehje e vullnetit dhe është akt i mirë. Një demonstrim praktik i këtij vullneti do të vlente sa 1000 deklarime publike dhe i cili do shënonte fillimin e një politike të re.

PDK ja, apo më mirë të themi 97 për qind e elektoratit të saj nuk mund të etiketohet nga pjesa e vogël e sajë e dyshuar si e korruptuar dhe e cila në rrethana tjera nuk do të duhej të ishte aty. E keqja konsiston se tek partitë tjera mungon edhe ky vullnet i shprehur për demaskim e luftim të korrupsionit.

Duke e pasur të qartë se korrupsioni tek ne ka elemente të globalizmit, mbase është mirë të kërkohet ndihmë edhe nga institucionet relevante ndërkombëtare të na ndihmojnë edhe në këtë betejë. Na ndihmuan ta fitojmë lirinë ,tani ndihma konsiston për ta fituar paqen.

Po e përfundoj me një citat të Barack Obamës " Korrupsioni e gërryen shtetin nga brenda e jashtë, duke sëmurë sistemin e drejtësisë deri sa të mos ketë drejtësi, duke i prishur forcat policore, derisa prania e tyre të bëhet burim pasigurie sesa të jetë rehati".

Tri pyetje për ish ministrin me akuzë Pal Lekaj

1.Si u mbushën dyqanet në veri të Republikës së Kosovës me mallra nga Republika e Serbisë ( 100 për qind) dhe a paguan taksën? Kush ndërmjetësoi?

2 . A i di statistikat se sa nga mallrat nga Republika e Serbisë janë prezent në tregun e Kosovës të kamufluara e të ardhura nga shtetet tjera fqinje? Kush po ndërmjetëson në këtë biznes?

3. E tillë si është taksa, a më shumë po i bënë dëm ekonomisë së Serbisë apo pozicionit të Kosovës karshi SHBA-ve dhe Evropës?

Sprinti i folklorit politik

Përfundimi i luftës së ftohtë dhe rënia e ish BRSS së krijoi kushte që të krijohen një varg shtetesh e kombe të reja e me këtë edhe të përhapet e zhvillohet demokracia.

Kosova krahas luftës së saj të lavdishme për liri, shpëtimin e gjen në këtë fazë të gjeopolitikës dhe rreshtimit përkrah qytetërimit perëndimor ....,dhe tani është krijuar realitet ekzistues si shtet edhe pse i kontestuar nga ato politika e shtete që e ëndërrojnë kohën e luftës së ftohtë dhe ndikimin rus në rajon.Është e qartë që dekada e fundit shënon një tendencë të forcimit të Rusisë dhe përpjekjeve të saja për të shtrirë ndikimin e saj qoftë ekonomik, politik apo ushtarak.

Rusisë i ka mbetur një shpresë e vogël me synimin për të arritur në Evropën Juglindore përmes ca politikave e politikanëve që i gjen në rajon.

Kosova, politika e saj, por dhe gjithë shqiptarët në këtë rajon, mbase e kanë një rol të vështirë , për ti shërbyer gjeopolitikës në atë mënyrë që i gjithë rajoni të largohet nga ky ndikim i mundshëm rus për t'iu bashkuar agjendës evropiane e euroatlantike.

Politika në Kosovë duhet t'u ndihmoj atyre që e ndihmuan, që ëndrra e tillë për rajonin të shuhet dhe marrë me vete ato shtete në rrugën perëndimore. Arritja e këtij synimi krijon kushte të reja dhe politika të reja në vet rajonin e me këtë edhe pozicion të ri të shqiptarëve.

Vërtet politika jonë duhet të largohet nga synimi që përmes sprintit folklorik të fitoj pushtet dhe pozicion politik. Pozicioni refuzues e jo bashkëpunues, pa dije mund të i shërbejë në raport të gjeopolitikës një ideje tjetër dhe kundër asaj që ka populli shumicë. Politika grindavece në rajon, mban gjallë shpresën e vogël ruse.

Kalendari

Ngjarjet e datës 13 dhjetor 2019 - Aleanca Kosovare e Bizneseve dhe Ministria e Tregtisë dhe Industrisë organizojnë hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Hotel Emerald, ora 9:30)

- Organizata për Fëmijët pa Kujdes Prindëror organizon konferencë nacionale për të diskutuar për situatën e strehimit familjar në Kosovë, për të arriturat, sfidat dhe planet e ardhshme për të zhvilluar me tutje këtë shërbim për fëmijët pa përkujdesje prindërore. (Hotel Sirius, ora 9:30)

- Komisioni i Pavarur për Miniera dhe Minerale organizon takim vjetor informues për përfaqësuesit dhe personat përgjegjës të ndërmarrjeve që merren me shfrytëzimin dhe përpunimin e lëndëve minerare, përpiluesit e plan-programeve të hulumtimit, përpiluesit e projekteve gjeologjike dhe të shfrytëzimit. (Salla e madhe në ndërtesën e Ministrisë së Administratës Publike, ora 10:00)

- Instituti Columbus organizon tryezë diskutimi me temë "Efekti i korrupsionit tek qytetarët: Diskutimi i fondit për trjatimin e pacientëve jashtë institucioneve publike të Kosovës. (Hotel Sirius, ora 10:00)

- Ministria e Tregtisë dhe Industrisë organizon konferencë informuese për zhvillimin e sektorit privat ku do të behet edhe ndarja e mirënjohjeve për “Ndërmarrjet me të suksesshme të vitit 2019”. (Hotel Emerald, ora 10:00)

- Demokraci Plus në bashkëpunim me Fondacionin Konrad Adenauer organizon konferencën lidhur me Procesin e Berlinit dhe obligimet për Sundim të Ligjit dhe Mirëqeverisjen. (Hotel Swiss Diamond, ora 10:00)

- Kryeministri në detyrë Ramush Haradinaj zhvillon vizitë pune në Ministrinë e Mbrojtjes, për të shënuar  një vjetorin e miratimit të tri Ligjeve, Ligjin për Forcën e Sigurisë, Ligjin për Shërbimin në FSK dhe Ligjin për Ministrinë e Mbrojtjes. (Ministria e Mbrojtjes, ora 11:00)

- Komuna e Istogut organizon diskutim publik me qytetar për projekt rregulloren komunale për taksa, ngarekesa dhe gjoba. (Ndërtesa e Komunës së Istogut, ora 11:00)

- Ekipi i Kombëve të Bashkuara në Kosovë së bashku me Klubin Ndërkombëtarë të Prishtinës  organizon panairin e festave të fundvitit. (Ndërtesa e Termokiss në Dardani, ora 12:00)

- Nxënësit finalistë nga e gjithë Kosova të klasave 3-12 do të konkurrojnë në garën e katërtë vjetore Po-e-Zë. (Amfiteatri i Bibliotekës Kombëtare të Kosovës, ora 12:00)

 - Muzeu Kombëtar i Kosovës organizon hapjen e ekspozitës me fotografi 'Bukuria e betonit' nga autori Etienne Rémond. (Muzeu Kombëtar, ora 12:00)

- Kryeministri në detyrë Haradinaj, në përvjetorin e rënies së dëshmorit dhe heroit Mujë Krasniqi, bën homazhe dhe vendos kurora lulesh te shtatorja e heroit. (Klinë, ora 13:00​)

- Hapet panairi “Punimet artizanale përtej kufijve” i organizuar për nder të festave të fundvitit, në kuadër të projektit ndërkufitar Kosovë - Maqedoni Veriore, “Ndërtimi i konkurrencës përmes bashkëpunimit dhe inovacionit: Qasja në tregjet e eksportit për produktet artizanale’’. (Restorant ‘’Planet’’ në Gjilan, ora 14:00)

- Instituti Kosovar për Hulumtim dhe Zhvillim të Politikave organizon tryezë diskutimi me temë: “Ligjërisht (t’pa) diplomuar?” e cilan mbahet me qëllim të diskutimit rreth problemit të verifikimit të diplomave të studentëve të cilët kanë ndjekur studimet pranë Bartësve Privatë të Arsimit të Lartë. (Hotel Sirius, ora 14:00)

- Projekti Climate 4 Change, i cili mbështetet nga Ambasada Norvegjeze dhe nga Fondacioni Kosovar për Shoqëri Civile organizon një debat politik - publik në të cilën do të diskutotohet për klimën. (Salla e Kuqe në Pallatin e Rinisë dhe Sporteve, ora 17:00)

- Ambasadorja e Francës në Kosovë, Marie-Christine Butel, organizon një pritje e cila si qëllim ka promovimin e djathit të Sharrit. (Rezidenca e Francës në Arbëri, ora 17:30)

- Instituti i Kosovës për Drejtësi organizon shfaqjen e dokumentarit “Java Kundër Korrupsionit 2018”.  (Modelarium i Fakultetit te Arkitekturës të Universitetit të Prishtinës, ora 18:00)