12 Gusht 2020

A mundet politika e Kosovës të shënojë pikën e kthesës

Shkruar nga Bahri Bivolaku

Si mund të bëjnë gjërat e vogla ndryshime të mëdha. A mundemi që politikat që stolisin gjendjen të zëvendësohen me politikat që ndryshojnë gjendjen.

- Si do të duket një qeverisje e mirë, pak e kushtueshme e shumë vizionare. Konsideroj se kjo është fusha e politikës e cila tek qytetari duhet të arrijë në vend të klithjeve diletanteske si ofertë politike.

- Si fruthi apo fenomeni i hapjes së lajmit gojë pas goje, duhet të arrijë lajmi se ne kemi qëllimin e shënimit të PIKËS SË KTHESËS , për Kosovën.

Nju Yorku Lindor në vitet 1980-1990 ishte i mbushur nga e keqja, krimi, droga, korrupsioni, amoraliteti, dhuna, vozitja e shfrenuar...

- Pika e kthesës ndodhi dhe ndryshoi jeta e qytetarëve. Ekonomistët thonë se në shënimin e pikës së kthesës, pos strategjisë së policisë e drejtësisë, efekt të madh pati përmirësimi në ekonominë e qytetit, efektin e punësimit të te rinjve që përndryshe do kishin ecur në rrugët si kishin vepruar moshatarët para pikës së kthesës. - Motivuar nga libri i Malcolm Gladwel -"Pika e Kthesës"

Në Ballkan në kohën e ekzistencës së multikularizmit veç përplasjeve nacionale ka edhe përplasje të qytetërimeve.

Mbase, në betejën e kësaj përplasje janë qytetërimi Perëndimor, Sllav- Ortodoks dhe Islamist. E vështirë që në Ballkan të vendoset qartazi kufiri territorial në mes këtyre qytetërimeve.

Në Tiranë, Prishtinë e Shkup ,mbase, duhet të artikulohet e shënohet si PIKA E KTHESËS në ridefinimin Perëndimor të qytetërimit.

Pse?

Në vitet e '90 ta ishte më i lehtë veprimi politik, pasi qartazi ishim të identifikuar me qytetërimin Perëndimor dhe se përballë kishim ate Sllav-Ortodoks. Sot nuk mund të heshtim karshi tendencës së jetesës edhe të një qytetërimi tjetër tek ne....

Qytetërimi Perëndimor krijon hapësirë të tolerancës e multikularizmit dhe bindjes së lirë fetare brenda normës së precizuar ligjore. Në qytetërimet tjera është e vështirë ta gjesh!

Mesazhet politike në vend të propagandës së shekullit nëntëmbëdhjetë


Irituese kumtesat, postimet e partive politike. Në to nuk gjen porosinë politike, nuk gjen artikulim të qartë të idesë apo mendimit. Gjen shablone me klithje e brohoritje, të cilat nuk u bëjnë nder as atyre që iu adresohen.

 Thonë se propaganda gjendet më pranë indokrinimit sesa arsimimit në kuptimin se ajo kërkon të NGULITË idetë, kauzat e jo t'i SHPJEGOJ ,a argumentoj ato.

Me këtë ecje në ajër, propaganda krijon shtypin partizan. Ne, bëhemi shoqëri partizanësh e fanatikësh duke u larguar nga realja. Me propagandë mbase edhe po hyjm në procesin zgjedhor!

Konceptin që mbanë pavarësinë pa qenë arrogantë, të bindshëm, por pa qenë servilë.

Ecjes e jo vrapit, pasi duke kërkuar në vrap e humbim këtë të fituar me gjak.

Kjo shoqëri më nuk toleron që politika e vrapit të krijojë qytetarë të turrit!

Në politikën e Kosovës, karshi aktualitetit ekzistues i duhet Koalicioni i Politikës së Re. Koalicion i cili promovon idenë e arritjes së PAQES DEMOKRATIKE në rajon, dhe e cila i shërben maksimës së zgjerimit demokratik të shteteve të përfshira në NATO dhe BE. Politika e tillë, nënkupton besimin reciprocitetin dhe sundimin e ligjit, ngjashëm me modelin e ekzistencës së shteteve Skandinave.

Në planin e brendshëm promovon politika që lidhen me nevojat e të gjithë qytetarëve në bazë të parimit që lidhet me idealet si seleksionues i këtyre nevojave. Me këtë koalicion, tranzicioni i stërgjatur duhet të përfundojë si koncept në mënyrën e të bërit politik. Është koha për politika që e konsolidojnë shtetin dhe demokracinë. Fitimi i betejës për një qeverisje të mirë e të ndërgjegjshme na rikthen në shtratin e orientimit pro Perëndimor ballëhapur. 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)