14 Nëntor 2018

A ka një vend tjetër afër Italisë, ku fjala Paqe mund të tingëllojë më fort se Kosova

Shkruar nga Behgjet Pacolli

Zoti e deshti që të gjendesha në Bari dhe të bëhesha pjesë e «pelegrinazhit të paqes dhe bashkimit», si e quajti Papa Francesku, ditën ekumenike të Paqes në këtë qytet, dritare të Italisë drejt Lindjes.

Arsyeja fillestare pse jam këtu? Promovimi në italisht i librit tim autobiografik, "asgjë nuk është e pamundur" në festivalin e librit "Libri i mundur", në Polignano a Mare.

Libri im është saktësisht libri i jetës së një shqiptari global për të cilin Dielli Lind atje ku Perëndon. Është libri i dikujt që me energjinë e krijuar në Lindje, me dituritë e fituara në Perëndim, si një pacifist i bindur ka punuar dhe punon në shërbim të paqes.

Në shërbim të paqes luftoj dhe sot me cilësinë e ministrit të jashtëm kur Kosova martire, pas 10 vjetësh pavarësi ka kontribuar në paqësimin e rajonit dhe në fund të këtij viti e mbyll kapitullin e mosmarrëveshjeve me Serbinë me një Marrëveshje  detyruese paqeje.

Në këtë ditë lutjeje dhe refleksioni, do doja që nëpërmjet faqeve të një gazete historike si Gazzetta del Mezzogiorno të ofroja dhe unë gjykimet e mia për paqen në Ballkan dhe atë në botë. E ndiej shumë ta bëj këtë,  në mes të kësaj atmosfere frymëzuese që prania e Atit të Shenjtë po krijon në Puglia dhe nëpërmjet saj në Lindje dhe në gjithë botën.

Si mund të kuptohet Lutjet dhe Reflektimin do t’i bëjnë Papa, si Autoritet Moral dhe autoritetet fetare në forumet e ndryshme gjatë kësaj dite në Bari, kushtuar paqes.  Unë  thjesht dua të kontribuoj për paqen me disa ide të qarta për ekonominë, mbështetur mbi eksperiencën time afro 40 vjeçare, si ndërmarrës global.

Paqja nuk mund të ndërtohet pa zhvillim ekonomik dhe zhvillimi ekonomik as që mund të mendohet pa paqe, ngjan kjo një thënie e vetëkuptueshme.

"Kemi nevojë për një përgjigje globale që ballafaqohet me shkaqet e konfliktit dhe përbashkon paqen, zhvillimin e qëndrueshëm dhe të drejtat njerëzore në mënyrë tërësore-nga konceptimi deri në ekzekutim"- ka thënë sekretari i përgjithshëm i OKB-së, Antonio Guterres. E në këtë kontekst, dua të përcjell (megjithëse nuk e kam zakon të citoj vlerësimet për mua), disa fjalë thënë nga Profesor Andrea Riccardi, një aktivist i njohur i paqes në botë, në emër të Komunitetit Sant Egidio."

"Këto fjalë janë janë burim krenarie për mua, për më shumë janë brenda lajtmotivit të paqes, ndërtuar mbi mirëqenie, e cila arrihet sigurisht nëpërmjet zhvillimit ekonomik si ilaç për të zbutur ndarjet, fërkimet ndëretnike. Janë fjalë të thëna pikërisht me rastin e promovimit të librit tim në Romë në janar të këtij viti  "… Ne nuk jemi përballë vetëm një nacionalisti shqiptar, (ka shumë prej tyre dhe kemi respekt për ta), por jemi përballë edhe një njeriu që ka shumë misione, si për shembull të dikujt që kërkon të heqë kufijtë e Ballkanit dhe të rindërtojë një zonë paqeje të cilën ai e quan “paradhoma e Europës”. Unë uroj që kjo të realizohet sepse kjo Europa jonë ka shumë probleme dhe ka nevojë për dhoma dhe për paradhoma”.

Po, unë mendoj se ekonomia mund të jetë kontribuesi më i madh i paqes në rajonin tonë të njohur për konfliktet e fundit. Veçoj këtu-  projektet e mëdha ekonomike që zhvleftësojnë kufijtë sikur Europa e Bashkuar.

1) Ndaj jam në favor të një zone të lirë ekonomike europiane ndërkufitare në Kosovën veriore dhe Serbinë Jugore si njeri nga hapat për tu kryer menjëherë.  E shoh Italinë si kontributore kryesore në këtë projekt.

Nuk jemi në kohën e betejës së Kosovës së 1389, kur sipas mitologjisë dehëse me kosto të ulët për popullin e thjeshtë, një princ serb udhëhiqte frontin e popujve të Ballkanit kundër rrezikut që vinte nga larg. Jo, sot, para pak muajsh homologu im serb këndon turqisht këngën e Osman Agait- një këngë mesjetare otomane gjithashtu dhe Turqia është ndër investitorët kryesorë në Serbi.

Serbia që ka  vetëm retorikë agresive apo viktimizuese ndaj Kosovës, është partneri tregëtar i Kosovës, megjithë angazhimin e qeverisë dhe timin për të diversifikuar burimet e e furnizimit të me mallra me origjinë të ndryshme.

2.Vendet tona po harxhojnë shumë për rrugë të brendshme; hekurudhat tona lëngojnë në një krizë vetëshkatërruese; kompanitë tona ajrore mbijetojnë me vështirësi. Po vijuam kështu, kostot për ndërlidhje do të rriten akoma më shumë nëse ne na mungon vizioni rajonal i zhvillimit.

Ne duhet të ndërtojmë holdingje rajonale hekurudhore, autostradale, ajrore, etj, që të ulim kostot, që të rrisim kompetivitetin, që t’i shërbejmë paqes, pajtimit në rajon. Një kompani italiane pse jo, mund të jetë ortak themelues. Ka dhe ide e projektë te tjera, por nuk po zgjatem.

Ndaj më më në fund, një ftesë: ditën ekumenike të Paqes, vitin tjetër hajde bëjeni në Kosovë. Po jua ilustroj shumë thjesht pse ftesa ime është shumë e qëlluar:

I përkas një kombi ku fjala e Krishtit është përhapur që herët si thotë Ungjilli.  Prej Kosove vjen shenjtorja më e re, Shën Tereza që e kam njohur në 1979 e largët.

Brenda kombit tim, brenda tokës sime janë të pranishme  dhe bashkëjetojnë të treja fetë, ndonëse ajo islame është më dominante;

 Në trojet tona ka kisha ortodokse të ngritura në themele të kishave të Krishtërimit të të hershëm, të mbrojtura nga populli i Kosovës më së shumti mysliman;

jam mysliman që vij nga një zonë malore ku islami mbërriti vonë pikërisht për shkak të maleve që pengonin qarkullimin, por dhe përqafimin e bindjeve fetare “të tjetrit”;

 jam martuar me një zonjë ortodokse  ruso-buriate që mbron dhe propagandon kulturën e kombit tim më shumë sesa shumë bashkëkombas të mi,

ja detyrojmë mbijetesën tonë  moderne mbrojtjes së perëndimit me aksionin e tij në 1999.

Ndaj pas këtyre argumentave pro po e mbyll kësisoj reflektimin tim për paqen: A ka një vend tjetër në zemër të gadishullit ballkanik afër Italisë, ku fjala Paqe mund të tingëllojë më fort se Kosova?

 

Kalendari

Ngjarjet e datës 14 nëntor 2018 - Ministria e Administrimit të Pushtetit Lokal në bashkëpunim me programin 'Ndërtimi i Institucioneve Ndërkufitare Plus',  i cili financohet nga Bashkimi Evropian organizon Forumin Rajonal fokusohet mbi koordinimin dhe harmonizimin rajonal në kontekstin e para-aderimit, si dhe shkëmbimin dhe transferimin e praktikave të mira të vendeve nga Ballkani Perëndimor. (Hotel Emerald, ora 9:00)

- Kryetari i Komunës së Gjilanit, Lutfi Haziri, ministri i Mjedisit dhe Planifikimit Hapësinor, Fatmir Matoshi dhe ministri i Zhvillimit Ekonomik, Valdrin Lluka vizitojnë Kompaninë Rajonale  te Ujësjellësit Hidromorava në Gjilan. (Objekti i KRU Hidromorava, ora 9:00)

 - Asociacioni i Gazetarëve të Kosovës dhe Ekipi i OKB-së në Kosovë, së bashku me UNWOMEN organizojnë diskutim lidhur me Objektivat e Zhvillimit të Qëndrueshëm pak para fillimit të fushatës 16 Ditët e aktivizmit. (Qendrën e konferencave Orion, ora 9:15)

- Përfaqësues të Agjencisë për Menaxhimin e Komplekseve Memoriale, Komisioni Qeveritar për Persona të Zhdukur dhe Shoqata e familjarëve të personave të zhdukur "27 Prilli 1999-Meje" raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me zhvillimin e punimeve në kompleksin memorial në Meje. (Ndërtesa e Kuvendit, salla N 303, ora 10:00)

- Kryetari i Komunës së Gjilanit, Lutfi Haziri, pret në takim ministrin e Mjedisit dhe Planifikimit Hapësinor, Fatmir Matoshi dhe atë të Zhvillimit Ekonomik, Valdrin Lluka.(Zyra e krytarit Haziri, ora 10:00)

- Mbahet mbledhja e Komisionit për Integrime Evropiane në të cilën do të shqyrtohet Projektligji për kompetencat e zgjeruara për konfiskimin e pasurisë nga aspekti i përputhshmërisë me legjislacionin e BE-së dhe Projektligji për mbrojtjen e sinjalizuesve nga aspekti i përputhshmërisë me legjislacionin e BE-së. (Ndërtesa e Kuvendit, salla N 302, ora 10:00)

- Organizatorët e fushatës “Ta Pastrojmë Kosovën” organizojnë tryezë me qëllim të diskutimit të të arriturave të komunave të rajonit të Prishtinës në fushatën e pastrimit nga data 15 shtator e deri më tani. (Restorant “Pylli i Arinjve” në Badovc, ora 10:00)

- E ngarkuara me Punë Colleen Hyland dhe Kryeministri Ramush Haradinaj do të flasin në hapjen e edicionit të dytë vjetor të Konventës së Veshmbathjeve të Kosovës. (Hoteli Emerald, ora 10:00)

- Mbahet mbledhja e Komisionit për Buxhet dhe Financa  në të cilën do të shqyrtohet Projektligji për Gjykatat, Projektkodi Penal i Republikës së Kosovës, Projektligji për Përgjegjësinë Disiplinore të Gjyqtarëve dhe Prokurorëve, ejt. (Ndërtesa e Kuvendit, salla C 203, ora 11:00)

- Administrata Tatimore e Kosovës do të nënshkruaj Memorandum Mirëkuptimi me ambasadën e Britanisë së Madhe dhe Ambasaden e Republikës Federale të Gjermanisë. (Zyra qendrore e ATK-së, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të shqyrtohet  raporti i auditimit për Pasqyrat Vjetore Financiare të Ministrisë së Kulturës, Rinisë dhe Sportit për vitin e përfunduar më 31 dhjetor 2017. (Ndërtesa e Kuvendit, salla N204, ora 11:00)

- Kryetari i Komunës së Gjilanit, Lutfi Haziri, ministri i Mjedisit dhe Planifikimit Hapësinor, Fatmir Matoshi dhe ministri i Zhvillimit Ekonomik, Valdrin Lluka vizitojnë punishten e projektit “Lumi Mirusha” dhe projektin e Digës e Përlepnicës. (Gjilan, ora 10:40 - deklarata për media në Përlepnicë, ora 11:20)

- Ministri i Mjedisit dhe Planifikimit Hapësinor, Fatmir Matoshi se bashku kryetarin e Kamenicës, Qendron Kastrati vizitojnë projektin “Ruajtja e ambientit dhe rekreacionit në  Kamenicë”, SHMLP “Andrea Durrsaku” në Kamenicë. (Kamenicë, ora 12:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Kamenicës. (Oborri i objektit të ri të Komunës së Kamenicës, ora 12:00)

- Ministri i Mjedisit dhe Planifikimit Hapësinor, Fatmir Matoshi se bashku kryetarin e Kamenicës, Qendron Kastrati vizitojnë projektin “Renovimi i Shtëpisë së Kulturës “Isa Kastrati” në Kamenicë. (Kamenicë, ora 12:30)

- Ministri i Zhvillimit Ekonomik, Valdrin Lluka, dhe Bordit i Trepçes raportojn para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me funksionalizimin e Ndërmarrjes Trepça. (Ndërtesa e Kuvendit, salla N 303, ora 13:00)

- Me rastin e 100 vjetorit të përfundimit të Luftës së Parë Botërore, ambasadorët e Francës dhe Gjermanisë në Kosovë, Didier Chabert dhe Christian Heldt do të flasin para studentëve kosovarë për përvojat e pajtimit franko-gjerman. (Biblioteka Kombëtare e Kosovës, ora 13:00)

- Ministri i Mjedisit dhe Planifikimit Hapësinor, Fatmir Matoshi se bashku kryetarin e Kamenicës, Qendron Kastrati mbajnë konferencë për media. (Lagja Malësia në Kamenicë, ora 13:20)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Ferizaj. (Qendra e Kulturës në Ferizaj, ora 17:00)

- Në kuadër të aktiviteteve që shënojnë javën e ndërmarrësisë, Cacttus Education organizon diskutimin publik me temë Ndërmarrësia në TIK- Tejkalimi i sfidave gjatë krijimit të një biznesi në fushën e TIK-ut. (Inovation Center Kosovo, ora 17:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Kaçanik. (Restorant Egzona në Kaçanik, ora 19:00)