21 Tetor 2020

“Xixat” i dhanë hijeshi e gjallëri “Flakës së Janarit”

Gjilan, 28 janar - Festivali i Këngës për Fëmijë “Xixat e Flakës” ka qenë manifestimi i radhës në kuadër të Manifestimit kulturor “Flaka e Janarit 2020”, i cili tash e sa javë po mbahet në Gjilan.

Në hapje të këtij festivali, Deniza Limani, drejtoreshë për Kulturë, Rini e Sport, ka thënë se në këtë festival po ndihemi mirë dhe ka përgëzuar fëmijët. Ajo ka shprehur dëshirën që në manifestimin jubilar, të tridhjetin me radhë të ketë edhe më shumë program për fëmijë.

Ky festival, drejtor i të cilit është Kushtrim Jakupi, producent dhe udhëheqëse e Korit “Lyra”, Albina Jakupi e të cilin e moderuan Diana Toska dhe Triola Jakupi, ka sjellë këngëtarë të vegjël, por tejet të talentuar, të cilët në skenën e përgatitur nga Bekim Korça, me realizim të Mentor Latifit e nën realizimin e OJQ Lyra, me përkrahjen edhe të kryetarit të Gjilanit, Lutfi Haziri, ka kënaqur publikun e pranishëm.

Ky festival pati edhe mysafirët e “Xixave” që ishin Ina Geci, Rron Jakupi, Emda Rexhepi, Albina Jakupin dhe Korin “Xixat” që interpretuan këngën “Heal the world”.

Mysafire ishte edhe Vlera Kastrati, që interpretoi këngën “Ti Shqipëri”, Alea Syla – “O vendi im” dhe Grupin e Valltarëve “Dancing House” me koreografen Naski Shabani, që vallëzuan nën ritmin e këngëve “Rrjedhë në këngë e ligjërime”, “Sot ka festë Kosova” dhe “Jam Kosovë e jam Shqipëri”.

Këngëtarët e vegjël i kënduan Shqipërisë, Kosovës, atdheut, nënës, babit, cigarexhiut, të rinjve e fëmijëve dhe gjuhës shqipe.

Koncerti i këngës për fëmijë “Xixat e Flakës” solli këta këngëtarë dhe këngë:

Vlera Kastrati – “Ti Shqipëri”, Bora Shurdhani – “Atdheu”, Shero Dushica – “Vendi im”, Eja Kida – “Kosovë dhe Shqipëri”, Blinera Mustafa – “Kosovës time”, Albanita Hoti – “Ninulla e nënës”, Anik Murati – “Babit tim”, Elion Syla – “Cigarexhiu”, Lior Hajdari – “Ku shkojnë këta të rinj”, Demush Sejdiu – “Shqipëria e jonë e dashur” dhe Alea Syla – “Vendi im”.

Kompozitorë të këtyre këngëve ishin Pirro Cako, Mentor Latifi, Hekuran Bllaca, Albina Jakupi, Arbnor Gashi, Hysni Klinaku, Kushtrim Jakupi, Anduena Tahiri, Burim Demiri dhe Rashid Krasniqi.

Publiku që, kryesisht ishin fëmijë dhe prindër të tyre, gjatë tërë kohës sa ka zgjatur koncerti janë kënaqur me performancat e bashkëmoshatarëve të tyre.

Në ditën e fundit, më 31 janar do të ketë dy aktivitete, Ora e madhe letrare “Pena e Flakës”, ku do të jepen edhe shpërblimet për konkursin ketrar, si dhe Festivali i Muzikës Popullore “Fest Flaka”, që shënon mbylljen e Manifestimit “Flaka e Janarit 2020”.

 

Kalendari

Ngjarjet e datës 21 Tetor 2020 - Vazhdimi i seancës plenare të Kuvendit të Republikës së Kosovës. (Salla e Kuvendit, ora 9:00)

- Ministrja e Kulturës, Rinisë dhe Sportit Vlora Dumoshi viziton Komunën e Skenderajt ku do te takohet me Kryetarin Bekim Jashari. (Ndërtesa e komunës së Skenderajt, ora 10:00)

- Kryetari i Komunës së Prizrenit, Mytaher Haskuka do të merr pjesë në fillimin e punimeve për ndërtimin e infrastrukturës rrugore në rrugën “Fahredin Hoti”, e cila gjendet në lagjen “11 Marsi”. (Në afërsi të çerdhes publike në lagjen “11 Marsi” në Prizren, ora 10:00)

- Mbahet seanca plenare e Kuvendit të Republikës së Kosovës në të cilën do të mbahen tri interpelanca të kryeministrit Avdulla Hot. (Kuvendi i Kosovës, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Qasja e përgjithshme ndaj viktimave në kohën e pandemisë”. (Platforma zoom, ora 10:00)

- Komisioni për Buxhet dhe Transfere shqyrton Raportin vjetor financiar i Buxhetit të Republikës së Kosovës për vitin 2019, shqyrtimi i Projektligjit për Rimëkëmbjen Ekonomike - Covid-19, etj. (Ndërtesa e Kuvendit, salla C203, ora 10:00)

  - Ministrja e Kulturës, Rinisë dhe Sportit Vlora Dumoshi ndan certifikatave për ndërmarrësi në Skenderaj. (Skenderaj, ora 10:30)

- Kryetari i degës së PDK-së në Prizren Shaqir Totaj, mban konferencën e radhës. (Zyret e PDK-së në Prizren, ora 11:00)

- Këshilli Turk në Kosovë do të bëj përurimin e projektit të Klasës së Fizioterapisë në shkollën së mesme të mjeksisë "Hysni Zajmi". (Gjakovë, ora 12:00)

- Ministrja e Kulturës, Rinisë dhe Sportit Vlora Dumoshi viziton Komunën e Drenasit ku do të takohet me kryetarin Ramiz Lladrovci. (Ndërtesa e Komunës së Drenasit, ora 13:00)

- Me rastin e 25 vjetorit të rrëmbimit dhe vrasjes së Remzi Hoxhes mbahet konferencë për media. (Sëiss Diamond Prishtina, ora 13:00)

- Kryetari i Komunës së Prizrenit, Mytaher Haskuka do të merr pjesë në ceremoninë e fillimit të punimeve për ndërtimin e Fushës së Mbyllur të Tenisit, në oborrin e Qendrës Sportive "Sezai Surroi". (Oborri i Qendrës Sportive "Sezai Surroi" në Prizren, ora 14:00)